غيبتك طولت وش جابك الشوق او الحنين

19

تجاهلوا الاخطاء الاملائيه 💗
.
.
بدايه يوم جديد
عند سراج ونياف
سراج : مشى اظن
نياف : ماله ربع ساعه يلا نلحقه
سراج : يلاا مشينا
ركبوا السياره واتجهوا لطريق الرياض بدون اكتراث للمشاكل الي بتصير
.
.
عند ملهم كان عند اخته
رفعه : ملهم تتوقع اني مشلوله؟
ملهم : لا ياحبيبتي منتي مشلوله
رفعه : عادي حتى لو مشلوله دامكم معاي عادي
ملهم : ياروح روحي انتٍ
دخلت ارياف عليهم
ارياف : افااا بسس ماتوقعتها تخوني ياملهم
ملهم : شتبين انتِ
ارياف بدلع : ابيك ياملهمي هههههههههههههه
ملهم : يع مقرفه
رفعه : هههههههههههههههه العب ارياف تراه اخوك مب زوجك
ارياف : يارب يجي فارس احلامي وياخذني منكم وافتك
ملهم : يارب يجي ويفكنا منس
ارياف : تدري اصلا حتى لو تزوجت بجي عندكم مالي دخل
ملهم : ابوك يالبلشه حتى لما تتزوجين ؟ وبعدين مو توك تقول يجي وافتك
ارياف : تعرفون يعني ارياف تزل دايم
رفعه : اطلق من يزل فديتك
ارياف : ياخي متأكده انك رفوع ؟
رفعه : ماللت عليك منتي وجه مدوح طسي بس
ارياف : مازود الحزن الااااا غدر الاخوانيي
رفعه : ارياف صاحيه؟
ملهم : احسها طالعه من شهار
ارياف : اي صاحيه وبعدين انت الي طالع من شهار وجع
ملهم : شفتي قلت لك ي رفوع طالعه من شهار
ارياف : وش الاخوان ذول مالت بس
رفعه : اقول اص اص بس حنا اخوانس الكبار احترمينا
ارياف: تعقبون
ملهم : ايششش
ارياف : دعابه وش فيكم انتم ماتتقبلون الدعابات
رفعه : هيه الحين وش صار لما كنت راقده
ارياف : تخيلي فااااتكككك وربي تعرفت على وحده عسسوله مررهه اسمها بيادر بس تدرين اخوك الكريم ملهم وش سوا من مصيبه ؟ لنا اسبوع ماتكلمنا مع بعض بسببه
ملهم : مو انا السبب بدر
رفعه : هممم بيادر اسمها حلو
ارياف : هي بكبرها حلوه طاحت على اسمها
رفعه : جاني فضول اشوفها
ارياف : عندي صوره لها دقيقه
ملهم : وروني معكم
رفعه : عيببب عيبب وش هالحكي ياملهم ؟ تبيها قل نخطبها لك ووقتها تشوفها اما انك مب محرم لها وتشوفها لا لا قله ادب ترضاها على اختك ؟
ملهم : اخطبوها لي طيب
رفعه : ابشر
ارياف : يتكلم من جده ذا ؟
رفعه : لا ما اظن
ملهم : الا اتكلم منجدي اخطبوها لي
قامت ارياف بصدمه من كرسيها : تتكلم صدق؟
ملهم : ايوه اخطبوها لي شفيها ؟
.
.

عند سعود وعياله
كانو مجتمعين على الفطور
بيادر : يوه منزمان عن الاجواء ذي
سعود : صادقه
لينا : منجد نادر ماصرت اقابلكم
هجرس : انتِ اصلا طول وقتك فالشركه
سعود : اسمعوا اسمعوا دامكم مجتمعين
هم : هلا
سعود : اول شيء عناد ترا بنخطب لك بنت صالح
عناد  شرق
بيادر : الله مين بنت صالح
سعود : صديقتك ارياف
بيادر : الله منجدكممممممم يوننسسسسس متى بتخطبونهااا؟
سعود : بعد اسبوع ان شاء الله
بيادر : يايييي
سعود : وثاني شيء لينا
لينا : سم يبه
هجرس وهو يهمس لعناد : حرركات والله بتصير عريس
عناد : انكتم وخل نشوف شعندها لينا
سعود : سم الله عدوك ، ابو نايف يقول لازم نعجل بالملكه
عناد : لحول ذا نايف
هجرس : لينا الغي الملكه قولي استخرت وما ارتحت
عناد : صح اتفق
سمر : اعوذ بالله منكم تقطعون برزق اختكم ؟
عناد : يمه نايف كريهه
هجرس : تراه خويك وولد عمك
عناد : امحق
بيادر : لينا معليك منهم وكمان ملكي وانقلعي عشان اخذ غرفتك
لينا نزلت راسها وهي مستحيه
هجرس : الحين الكل بيتزوج يبه ليه ماتخطب لي ؟
سعود : لا صرت عاقل
هجرس : يعني انا الحين مجنون ؟
بيادر : ياعمري ياخوي الكل قالب عليك وقاعد يقول انك مجنون
هجرس بدموع وهميه : تشوفين يا اختي
بيادر : وهم صادقين الصدق
هجرس : ابوك يالغدره والله توجع
بيادر : لازم تتعود
هجرس : طيب بيدو
بيادر : هاه
هجرس : ماعندك خويه منا ولا منا حلوه ويجي منها
سمر : وش قله الادب ذي
هجرس : ماما
سمر : لبيه
هجرس : تصدقين يا مامتي قررت ما اتزوج بقعد عندك واعنس
بيادر : تعنس اخخهههههههههههههه لا لا مو كذا ي هجرس
سمر وهي تضحك : اي افضل خلك عندي وعنس
هجرس : ونزوج ابوي واصير انا حبيبك لحالك
سعود : وين الخيزرانه
هجرس : يبه امزح امزح
سعود : الله يعين الي بتتزوجك
هجرس بغرور : الا ياحظها فيني حلو واحب اضحك واونس بالله وين تلقون زيي ؟
بيادر : زيد عليها انك طالع من شهار
هجرس : عالاقل طلعت مو زيك للحين فيه
بيادر : اح ياكلب
سمر : اص اص انت وياها اكلوا وانتم ساكتين صدعتم بروسنا
عناد : صادقه مامتي
هجرس: ياكلب مامتي ذي حقتي
عناد : كلزق انا اخوك الكبير احترمني
هجرس : لا
عناد : يماااااه شوفيه
سمر : سعود شف عيالك
سعود : جيبي الخيزرانه
سمر : ابشر
عناد وهجرس : خلاص والله بنهجد
بيادر : هطوف
عناد : وش وش قلتي
بيادر : ما اعيد كلامي
هجرس ؛ بتعيدينه غصب عنك !
بيادر : لااا
عناد : تراني سمعت
بيادر : يلا وش قلت
عناد : اخواني مايستاهل يصير فيهم كذا
بيادر : لا قلت انكم هطوف
سمر : وقعك فالفخ
بيادر ؛ لاااا دقيقه انا ما اعيد كلامي عناد والله انك وصخخ
عناد : انا هطف اجل
هجرس : خذي ذي *رما عليها الخبز *
بيادر : كلبب تعال
سعود : خلاص ماتتطفشون انتم ؟
بيادر : سم يبه بس ماتلاحظون لينا كنها هجدت
لينا : هاه
هجرس : تلقونها تهوجس في حبيب القلب
عناد : بروح اذبحه تخاويني ؟
هجرس : مشينا
.
.
# انتهى