I Love My Step Brother

Chapter -27

Zan kan mut chu zan dang ang lo takin tui tak in ka hmu hil ve a, ka harh chuan khua alo var vek tawh sana ka en a dar 7 a pel tawh tih ka hmuh rual in ka in perh tho vat. "tho ru inkhawm kan ngai ania", tiin ka thian te chu ka sawi a tha deuh chuan an lo tho ve mai a "zanin chu kan roomah ka riak ang. Duh tawka mut ka chak lutuk", Mary chuan ati nang nang a, "phun phun lo khan tho chhuak vat rawh in khawm tlai chu azahthlak", ka tia kan puan sin ho ka thlep fel mawlh mawlh bawk. "Bialpa neih a in then aiin mutkham lo a thawh ahreawm zawk", atia zawi muang hian atho tuah tuah a "ka zan mu tur aiin ka zing tho tur ka mut achhuak zawk ziah leh nghal", tia a phun nuah nuah chu hung lam atangin ka lo nuih ru tet tet, a rizai sin laia in tuam hlun chung a achhuah chuan ka nui zui hak. Middle sikul kan kal laiin Mary mut duh vangin kan tlai a ziah a,kan zirtir tu tih ngaihna hre tawh lo in assembly hall ah zirlai naupang awm vek laiin chhuatah min muttir vek a, ti khan muhil ru atia mi dangho kan zah teh reng nen Mary ve thung chu ring deuh deuhin a hnar a ati lui turah kan ngai vek sirin atawk tho ru atia mi dang ho kan thawh vek tawh laiin Mary chu ala hnar tluk tluk a sir in Mary atawk tawh atih pawh chuan awm zia nei lo Nana in ava sawi a, atawk tawh sir in atia ava ti su su a Mary chu phak chap a lo tho in ka muhil tui dawn chuah asin atia sir pawhin a tih ngaihna hre lo in a tha en liam vel ta mai mai a he mi tum hian Mary hi alo muhil tak tak a amah hian asawi leh vek biapa aiin mut aduh zawk miau a.

Chhung in khawm kan nei zawh a chaw te kan han ei fel meuh chuan dar 9 ari thuak tawk. Ka thiante chuan thleng vel chu an lo seng ve nak nak hlawm a, "lo han in siam ru kan tlai ang", ka tih vangin an ni pawh in siam turin an kal a, Sentein hmun a phiat a, zualtei thlengsil chu tleuh in ka lo rem fel nghal zel a, rei loah kan zo mai bawk. Ka roomah chho in ka in siam zui mawlh mawlh a, kum 18 lai ni tawh mahila puan hi vawikhat mah ka la bih chhin ngai lo a biakinah pawh kawrfual ka ha mai zel, Sentei chuan puan abih ve zeuh zeuh thin. In siam peih sain ka chhuk a ka pa leh ka nu leh duata an kal tawh a, Zorina ho in kan kal ve thung hma lutuk loh ah kan thu a, kan thu hril tu in "I Pathian tawk turin in peih rawh" tih thupui hmang a Pathian thu asawi chu uluk deuhin ka ngai thla a, asawi tha khawp mai "i nunna kha engtik ah nge atawp dawn ihre lo a, engtik lai pawh a tawp thut thei vek kan ni vawin ka hun hman dan hian Pathian ati lawm angem tih ngaihtuah chungin kan vawini hun hman zel hi fimkhur taka kan hman angai a, naktuk hun chu ka dam dawn nge ka thi dawn kan hre lo a, nimin lam hun kha kan ko kir thei tawh hek lo chu vangin kan Pathian tawk thut thei kan nih avangin kan vawin ni hun zel hi i hmang fimkur ang u", atih te chu ka pawm zawng tak ani. In khawm kan ban in KTP hruai tu ten Zorina an be kawi zawk a, keinin asir deuhah kan lo nghak thung. Ka damthat lai khan ka in khawm tam lo a tu vak mahin min hre lem lo pawi ka ti lo zawk bawk.

"Kan kal thei e", Zorina'n arawn tih chuan kan zui dam dam a, a kit te pawh kan ang zawk hial ang. Nopang ho chuan ka thiante chu an en leh deuh ha ha thin a, car in kan in lamah kan haw a, "ei tur ka lo siam ang", Zualtei chuan atia, in thlak turin kan kal darh sap sap. Ka in thlak zo in hnuai chhuk tuma Zorina room zawn ka thlen chuan ban tha chak zetin room chhungah mit pawt lut dawr a, "i mak thut thut thei lutuk ka ban i pawt dawk anga sin", Zorina hmel ka hmuh rual chuan ka ti nghal bawrh bawrh. "Ka ngai tawh che lawm nimin tangin kan la in hmu fal thei lo", atia min khuah hlu hlu bawk. Kan taksa a in hnaih hian nuam ka ti thin, a lungphu ri dup dup te hi ngaihthlak anuam abik. Arim pa zat te hian ahran pa in zun anei vek emaw tih tur khawp in azun ah ka tang nghet tawh a, achat mai mai tawh bawk hek lo ang. "ka duat nu", atih  chuan ka in ka hranga "ka toys ni daih la ka ti ka kalna hmun apiangah ka hruai ang che tumah khawih pawh ka phal ve lo ang che", atih chuan ka nui zui hak hak a "khawi atangin nge hetiang tawngkam hi i hriat a", ka tia ka la nui hak hak "johana", atih leh lek phei chuan â ti zetin ka en a "a lo hruai ler vek ang che a", ka tih chuan Zorina pawh anui ve a "khawi maw lo kal teh", tia min pawt hnai in duhthaw zetin min fawp a, mahni duh ber leh hmangaih ber in a thlak hlel hmelzet a min fawh na chu ka chhang let chiang kher mai. "Ka ta chuah inih hi hre reng rawh", ti sup in  min fawp leh a, ain la hrang vat thung . "I ril atam tawh ang chhuk ve ang", atih leh chuan kan in zui chhuak a. Zorina ka fak ve em em na chu  sex lamah ain sum thei em em mai hi ani. Thla 2 kan in kawp ve tawha in kiss bak kan pel lo, mipa dang chu nisela an thei kher lo ang ka awma chin hnuai lam engmah ka kawih ngai lo mi tam tak chuan ngaihzawng neih hian an bial nute sex hman pui phet tum te an awm a chungtiang mi ka tawng lo hi ka vanneih na ani.
Choka kan luh chuan "lo thu ru" zualtei  chuan atia, an thilsiam ka ei ve theih lo vangin ka ei tur bik in thildang an siam a, asiam tute hmaizah lo ila chu ka vawm chawrh duh ang atui lo thei bik e mai ka thil ei hi. Pu Loncy va hmuh ve vat ka ngai ani ka din hmun hriat chian nan angai ve hrim hrim

Christmas thlen nan ni 3 chiah angai tawh a, kan in chhung leh pawn pawh amawi tawh khawp mai. Veng chei tam tak a awm a, durtlang mualveng pawh an chei a, tlawhtu pawh an tha hnem thei viau a niang  Zorina meuh pawhin "kan kal ve dawn nia an chei mawi ve a" atia kan phur tawh lutuk. Parcel pawm chung a Zorina lo chhuak chu ka lo nuih sen sen a ka bul alo thlenin "midangho an chho tawh ami", atia "imm kal ve nghal ang", tiin kan thiante ho chu kan zui a, Hmangaihna In kawtah an lo ding a, Hmingpuia'n parcel dang apawm a, Johana ei tur kan lei sak vel a keng ve thung. A chhung kan luta athawk tu ten min lo hmuh chuan min lo lawm thiam khawp mai. Nopang duata ang rual lek lek ho chu an lo chhuak a nu te ngairual lek lek anihna chuan ka mittui a ko hnai kuar mai. Ka nu ka thlak hleh theih thinzia ka hre nawn uaih uiah a, an ni pawh an lo lian deuh anga thilawm zia an hre chho tan anga hreawm an la ti dawn chauh.

"Naupang bula awm hi anuam asin aw nun an ti hlim a an rilru athianghlim bawk si", an mahni enkawl tu nu chuan atia adik ngei ka ring. Cake cheng 10 man chi leh foorty kan ken chu kan sem a, 'ka lawm e' an ti zel te chuan hnuk an ti ulh thil ho tham te pawh pe ila lawmthu an sawi zel a puitling tam tak hian kan tluk lo hle mai. Ni lenga awm tur kan nih vangin kan in fiam puia mipa nopang ho chu Zorina te ho in ball an pet a, Hmeichhe ho chu Nana in an siam nalh deuh deuh in atawn sak a, athen kan in bihruk siak a, athen kan in kualte lem bawk. Kan lam a note an lo pawm chuan ka mit la chat in an bulah ka kal phei ve a "avan duh awm em em", an bul ka thlen rual chuan ka ti nghal. "asen lai atangin kan en kawla thla 10 na ahmang mek", atia chu note chuan ka kut ka phar chhuah chu alo ban ve a min ngen ni awm tak hian ka kut chu athlah duh miah lo. "ka lo pawm ang", ka tih chuan note chu min pe a "amak hle mai mi dang lak hi aduh ngai lo a, aute ho pawh hian an la thei mang lo ania nang chu aduh nghal mai che a", a awm tu chuan atia note chu en in "keimah te chu min duh alawm ti raw", tiin ahnar hmawr chu ka khawih sak zeuh a rawl chhuahin anui a, "ahmel te hi atha nia aw", ka tih chuan anui pawh ani tawh lo akhek hian a khek ani tawh.

"Angaina hle che anih dawn kha Kan Tei hi kan lawm pawh in a nui tha duh ngai lo a, nau i awm thiam bik aniang", chu nu in atih chuan mak ti zetin ka en a, "tu maw ahming", i tih kha ka lo ti ve thuai "kan koh duat nan Tei kan tia Ngursangpuii anih hi", atia. Ka no te pawm chu en in "keipawh Tei ka nia chu vang anih chu min duh adik em", tiin ka note pawm chu ka en a min lo melh vein min nuih sen sen reuh a, he note hi ka va duh chiang tak. Ka pawm kual char char a achang leh ka bia a kan nui dun leh hak hak zel a ham bai bai ka hmuh chuan nichina note lo pawm tu kha note puakna tur ka dil a, puakpuan min pek chuan ka pua a, rei awih ngailo in amu hila a, a awmtu nu khan lo lak atum pawh in ka phal lo ka paw tlat a chu ti chung chuan nopang dang chu ka in khualte lem pui a. "A nu kan note hi ahmeltha iti em", min ngheng ar ar a hmeichhe nopang thu chuan atia. "imm ti lutuk nangni pawh in hmel tha vek", ka ti a, a thawk te khan "tupawh in lo tlawh se anu apa an ti vek zel", an tih khan ka khawngaih a, nopangte hian  nu leh pa an mamawh zia an mahni atang  hian ka hriat chian zual phah. Hengtiang pawi sawi lo nopang duh awm em em an rila rah te duh lo a han kal san tawp hi eng tin nge theih pawh an theih zawk le hetianga kal san leh tur si te chu thisen an nih lai khan ti tla daih se tih te thlengin ka ngaihtuah. Lainatna chhete mah an neih ka ring lo mahni fate ngawih ngawih kal san thei nu leh pa chu an dam chhunga an tluan ka ring bik lo.

"Iva chhang che sawt ve",ka bula rawn thut thak phah in Zorina chuan atia ka naupuak chu ache talh talh chu "a harh em lo en teh", ka tia Zorina chuan arawn thlek duk duk a "ameng ehe min lo nuih vel", atih chuan ka naupuak chu ka hmathlak vat thawh phan pawh anei lo re re "baby Tei hi alo hrah tawh maw" ka tia ka note puak chal leh ka chal chu ka ti sia "hmeltha nu ka ru haw daih dawn che mi le", ka tih chuan ka tawng hre thiam ve ni awm takin note chu anui a Zorina pawh anui ve tho. "He note hi Tei ve tho anih hi aw ka duh e ka nei daih dawn mi le", tiin note ka fawp deuh nawk nawk Zorina chuan "an te pawh in in an deuh kha" a tia nui deuh suk suk "puak puan ka suih kha lo pelh teh", ka tih chuan min pelh sak ve mai a, ka note pawm chuan Zorina  chu a en char char "hmeltha min ti ami", Zorina'n atih chuan note chu anui sei a note chu en in "hei hi chu ka ta anih hi aw", ka tia  Zorina chu anui chhuak hawk "duhawm nu" ati sup bawk. Ka note pawm chuan Zorina chu angen a "ka pawm thiam vak lo asin ", ti chungiin a pawm a "pafa te pawh in an kha", ka tih chuan Zorina chu alo hawi vut  "chungkua kan ang ngawt ang", atia. A thusawi chuan keimah ah nghawng anei tih ahre der si lo. Engtikah mah kei nen chuan arem ve awm der si lo. Note leh Zorina in awm chu hmuhnawm ti zetin ka thlir reng a, thiam lo deuh a alawm te chuan ka lo nuih pui ve sen sen "i nu bulah kal tawh rawh", tiin a note pawm chu min rawn pe a note chuan ka lak hlau ni awm takin Zorina kawr chu a pawt ve tang tang reuh a chu thil Zorina'n a hmuh chuan "thaibawih tur ka nih dawn hi", ati a ka lo nui hak note chu a pawm ve leh mai bawk