Tawng ri lawng lawng ri chuan min ti harh a, ka roomah chuan Sentei te ho in Mary thusawi an ngaithla thap hlawm a, naktuk barzar chung chang vel an lo sawi khawm nasa chu niin. Khumah ka thu chhuak hluai a "nula ni lenglenga han mut chu Nana pawh adam vek tawh", min hmuh rual in a thusawi lai thlak meuhin Mary chuan atia. Hrechiang viau lo ila chu ka ngei chi tur tak ania atawngthei si, mi dang nena kan in hnial chang te hian mary hi tu mahin an hnial hneh ngai lo che ngeiawm thiam vet vet tak ani.
"Atlai tawh viau ami" ka ti dek dek chu "e khaii.... e khaiii zing atanga ni chhuak khan ilo harh hun nghak in tlai dar 4 thleng anghak che a, a nghak chhuak zolo che a, khua in athim hnan mai che pawh ni lo in dinner pawh kan ei vek tawh... Tlai tawh rem rem tak ani. Hei mut kan lo tum tawh a", Mary bawk chuan ati leh zat zat a, "em em ache thu i uar thei lutuk", ti chung in ka tho chhuak a, ka awm chhung na pawh tunah hrih chuan a awm lo. Mi dang ho chu Mary en in an lo nui tha hlawm a "enge in sawi bazar vel ami", tiin an bulah ka thu thla ve nghal zat. "Immm naktuk ah hian bazar ang u kan tia kar leh Christmas a ni tawh a naktuk inrinni ani bawk sia", Alice chuan a tia. Lu ka bu ve nghut nghut. "Kum chu orphanage Home ah engmah kan pe thei dawn lo ani maw" Nana chuan arawn tia. Tawng ka tum lai tak in "enge kan theih lo ang ram tin, State tin in orphanage Home kan nei vek alawm", Mary chuan alo atia ka nui tawp.
"Kum in chu hmu hla kal angai lo ang kan in chhak lawk ah hian Hmangaihna In a awm alawm tah chuan naupang te tak tê tê an awm a, engzah chiah nge an nih ka hre lo a, naktuk lamah kan zawt chiang dawn nia", ka tia min pawm pui tih hriat tak in lu an bu tliar tliar. "Enge kan pek ang kum danga pawisa kan thawh khawm thin ang khan kan pe leh mai dawn nge", Nana in alo tih chuan "kum in chu toys vel te pe ve ila, ei tur te nen chuan kawrte pawh kan lei sak anga kumtin pawisa kan thawh zat ang kha kan thawh leh theih chuan India pawisa chuan atam tham dawn a kan thil lei na la bang zawng pawisa chu kan hlan tel anga tha in ti em", tiin ka thiante chu ka zawt a. "A pawi miah lo kan tih dan kan thlak ve deuh ani mai a", Mary chuan atia. Alice leh Nana pawhin an pawm hmel khawp mai. "kan pek hun chu nilengin kan in fiampui anga tih tur kan nei chuang lo a, Christmas lo hmang thei dawn lo ula chu Christmas leh kum thar in kar volunteer ang in ka thawk ang ka ti deuh a", ka ti a.
"I thawk thei lo sa i damlo peih si", Mary in nui chunga atih chuan ka nui ve tawp hnial khan na tur hre thei si. "Nilenga kan in fiampui chuan tlaiah chaw ei ve nghal ang u", Nana chuan ati pek a. "I va hahthlak bet bet tak eaw ti hek zawnga kan awm in... Hremosa in kan inhnaih atih mawlh mawlh a i tamchhawl bik lo ang", kan hmuipui pu Mary bawk chuan alo tia. "Nichin atangin i tawng char char tawh a i ka te kha akham tawh lo ami chawlh pe ve rawh", Nana chuan ati ve hlak hlak. "Nia kham ve tawh khawp mai. Pathain thu chu sawila Mi pakhat piantharna khawp chu ka sawi mawh le", Mary chuan ala ti hram a. "Thil zu ei rawh engmah ila ei loh kha", Alice in atih tak ah chuan vawinah engmah ka la ei lo tih ka hre chhuak ve chiah.
"Pawisa kha ka lo thawh ve ang mahse tam erawh ka nei lo a", sentei chuan rawn tia kan en deuh thap. "Ithawh theih chuan atha a, mahse i neih zawng zawng thawh kher kha angai lo ania', ka lo ti ve thuai. Nula a ni ve tawh a, chhungte pawisa dil reng kha nuam lo ati ve dawn a, a pocket money tur chu dah tha se ka tih pui vanga sawi ka ni pakhat. "Ka khawlsa hi ka lo thawh ang. Ka nuin mass pocket min pe leh dawn a ka ngaihtuah awm loh", Sentei'n atih tak ah chuan tumahin kan sawi buai lem lo. Ka thianten riak ve tura an sawm tlat vangin sentei alo riak ve dawn a chhuatah kan mu tlar dal mai. "Hermosa engemaw tal zu ei teh ", Alice bawk chuan arawn tia ka mu tawh chu tho uk in "ka ril atam lo, ka ei peih lo", tiin ka mu leh daih "damdawi i ei tawh em" Sentein a rawn tih ve chuan tho chhuakin damdawi chu ka va ei a "kha kha lawm ka duh loh. Pumruaka damdawi ei loh tur", Alice chuan ala rawn ti hram a min ngaihtuah vang ani tih chu hre mahila tundin hmunah hi chuan ka ei peih thlawt lo. "Ngaidam ngaidam", tiin ka mutna chuan in thawlh in ka mu leh daih a. Zan lai anih meuh chuan an muhil vek tawh a kei mahchiah in ka meng leh tawh ka muhil nasa bawka mut chhuahna pakhatmah ka nei lo. Ka dan ngai te te in KA HRINGNUN THAWNTHU ah chuan ka rilrua thuawm te chu ka chhu lut leh a
YOU ARE READING
I Love My Step Brother
Short Story"Ihre lo ami ka duh che ka tih chu, Zorinpui i beng a ngawng em ni? Ka duh che ka tih chu", ka theihpa tawp a ring chuan ka ti a, ka hma a mipa ding mipa a zawng a ka duh ber mai sang tha tak leh zaidam ber mit mengah chu ka chhiar thiam lo. Min ten...
