___________________
Fourth រៀបចំខ្លួនដូចរាល់ដង។ គេចុះមកក្រោមក៏ឃើញម្ដាយរបស់ខ្លួនកំពុងរៀបចំអាហារជាច្រើនរៀបដាក់តុជាស្រេច។ ប្រុសកម្លោះដើរសម្ដៅទៅរកម្ដាយទាំងស្នាមញញឹមហើយក៏រុលទៅឱបម្ដាយដូចជាក្មេងអាយុ3ឆ្នាំ។
"ទៅអង្គុយទៅកូន នៅឱបម៉ាក់បែបនេះម៉ាក់ធ្វើអីកើត?" ឮម្ដាយនិយាយបែបនេះទើបគេព្រលែងដៃចេញពីម្ដាយ ហើយដើរទៅអង្គុយរងចាំម្ហូបដែលម៉ាក់គេធ្វើ។
"នឹកម្ហូបម៉ាក់ណាស់ លើលោកនេះគ្មានអ្នកណាធ្វើម្ហូបឆ្ងាញ់ដូចម៉ាក់ឡើយ" Fourth ងាកទៅនិយាយដាក់ម្ដាយ ធ្វើឱ្យអ្នកម្ដាយញញឹមឡើងទាំងមានកម្លាំងចិត្ត។
"ចុះម៉ាក់ក្មេករបស់កូន? គេធ្វើម្ហូបមិនឆ្ងាញ់ទេឬ?"
"ម៉ាក់..." ថ្ពាល់របស់ Fourth ចាប់ផ្ដើមក្រហមព្រោះតែអៀននឹងសម្ដីរបស់ម្ដាយខ្លួន នេះមិននឹកស្មានសោះថាគាត់នឹកនិយាយបែបនេះ (ㆁωㆁ)
"ឱ្យម៉ាក់ជូនទៅសាលាឬអត់?"
"មិនអីទេម៉ាក់ Gem គាត់មកយកខ្ញុំឥឡូវហើយ" ម៉ាក់របស់គេងក់ក្បាលទាំងយល់សាច់ការ គាត់ញញឹមឡើងម្ដងទៀតហើយក៏និយាយ :
"អ៊ីចឹងហៅគេចូលលេងបន្តិចផង ប្រាប់ថាម៉ាក់ក្មេកចង់និយាយលេងជាមួយ"
"ម៉ាក់.." ជាថ្មីម្ដងទៀតដែលអ្នកម្ដាយញ៉ោះកូនប្រុសរបស់ខ្លួនលេង មុខរបស់កម្លោះយើងឡើងក្រហម គួរឱ្យស្រលាញ់ណាស់ ( ꈍᴗꈍ)បន្ទាប់ពីស្រស់ស្រូបអាហារហើយ Fourth ក៏អង្គុយរងចាំសង្សារខ្លួនមកទទួលទៅសាលា។ គេខលផង ផ្ញើសារផង ប៉ុន្តែអ្នកខាងនោះមិនបានឆ្លើយតបទាល់តែសោះ។ Fourth ងើងឆ្ងល់ជាខ្លាំង ព្រោះ Gem មិនដែលបែបនេះឡើយ។ ក្នុងចិត្តភ័យផង អន់ចិត្តផង នេះខំប្រាប់ម៉ាក់ថាគេនឹងមកទទួល តែនេះមើលចុះជិតដល់ម៉ោងទៅហើយមិនទាន់ឃើញអើតក្បាលមកទៀត។ ចាំមើលណាបង្ហាញមុខពេលណា នឹងទាត់ឱ្យបែកគូថតែម្ដង!!
"ម៉ាក់ថាឱ្យម៉ាក់ជូនទៅទេដឹង?" ម៉ាក់ដាក់សំណើរឡើង ធ្វើឱ្យ Fourth ងាកមកមើលម្ដាយខ្លួនទាំងចិត្តមិនចង់។ ហៀបនឹងឆ្លើយតបទៅហើយ សម្លេងទូរស័ព្ទក៏រោទ៍ឡើង ធ្វើឱ្យទាំងពីរនាក់ម្ដាយកូនសម្លឹងមើលទូរស័ព្ទដូចគ្នា។ មិនគិតយូរ Fourth ក៏ចុចទទួលភ្លែត។
"អាឡូ! នៅឯណា? ហេតុអីមិនមកយកគេ? ទូរស័ព្ទខលក៏មិនទទួល សារក៏តប" ទទួលភ្លាម Fourth ក៏និយាយប្រាវៗធ្វើឱ្យអ្នកខាងនោះបើកភ្នែកឡើងទាំងមិនយល់សាច់ការ។
(ទូរស័ព្ទបងបិទសម្លេងទើបមិនដឹង ហើយអូនទៅសាលាធ្វើអី?) ឮសំណួររបស់ Gem ហើយធ្វើឱ្យស្ដាប់ក្ដៅស្លឹកត្រចៀកតែម្ដង! នេះចេះសួរទៅកើត ប្រុងឱ្យទៅសាលាដើម្បីស្ទូងស្រូវឬ?
"ទៅរៀននឹងហើយចេះសួរឡប់ៗបែបនេះទៅកើត" Fourth និយាយខ្លាំងៗ ធ្វើឱ្យម្ដាយដែលនៅក្បែរនោះបើកភ្នែកធំៗមើលមកកូន តាំងពីដើមមកដូចមិនដែលដឹងសោះថាកូនរបស់ខ្លួនកាចដក់ថ្នាក់នេះ។
(ទៅរៀនស្អីរបស់អូនហ្អាស? គ្រាន់គេវ៉ាកងហ្អី?) ការចងចាំរបស់ Fotfot ក៏វិលមកវិញ! អើ! ចេះភ្លេចទៅកើត ʘ‿ʘ ខំស្រែកឱ្យគេឡើងហំ ពេលនេះព្រលឹងខ្លាដែលសណ្ឋិតក្នុងខ្លួនក៏ហោះចេញទៅបាត់ នៅសល់តែព្រលឹងរបស់ឆ្មា ᕙ(͡°‿ ͡°)ᕗ
"អឹ...អូនភ្លេច" Fourth និយាយតិចហាក់ដឹងកំហុសដែលបានស្រែកឱ្យគេអម្បាញ់មិញ។ ហាហា
"មកលេងម៉ាក់ផង" សម្លេងរបស់ម៉ាក់ Fourth បង្ហើរឡើងបន្ទាប់ពីឈរស្ងៀមអស់ពេលជាយូរ។ Fourth បើកភ្នែកធំៗក្រោយឮម្ដាយនិយាយបែបនេះ ឯអ្នកម្ខាងទៀតវិញក៏មិនចាញ់គ្នាដែរ។
(Fourth !! នេះអូនប្រាប់ម៉ាក់ហើយឬ)
"ហ្អឹម." Fourth ឆ្លើយក្នុងបំពង់ក តែធ្វើឱ្យអ្នកដែលស្ដាប់ញញឹមឡើងទាំងរំភើប។អ្នកអានក៏រំភើប ᕙ( ͡° ͜ʖ ͡°)ᕗ
________
អធ្យាស្រ័យផងណាដែលមិនសូវបានផុស ...(-_-メ)
![](https://img.wattpad.com/cover/332647245-288-k423348.jpg)
YOU ARE READING
លើសពីមិត្ត
Romance"លើសពីមិត្ត" ជាប្រលោមលោកដែលនិទានអំពីទំនាក់ទំនងមួយរបស់មនុស្សពីរនាក់ ដែលស្ថិតនៅក្នុងបន្ទាត់ខ្សែខណ្ឌមួយ។ វាជាអ្វី? ជាស្នេហាឬជាមិត្ត?
ភាគ ១១
Start from the beginning