روح في بحر الظلام

الحلقة السابعة

رانيا:: لا يعمري انشالله تطيب وترجع صحتهه احسن من قبل.

عافت كتبهه واجت كعدت بصفي

بهلاثناء دخل زياد باوع علينه وعقج وجهه بقرف

زيـــاااد::اهوووو هم تعووويين والله ملييت منج شكد ما تعووين

رانيا:: زياد والله مالي خلك كلبي مورم من القهر. وخر مني

زياد:: امممم غردي يابه شكو شصاير اعوذ بالله صاير كلما اشوفج تستقبليني بخبر زين

رانيا:: زياد والله راح اموت كلبي راح يوكف. لك خالة جميلة طلع عدهه سرطان سرى خابرتني متخبلة وماما مقبلت اروح وياهه

حجيته والدموع تنزل

زياد:: لاااا. لا حول ولاقوة الا بالله

:: والله متستاهل خالة جميلة ميته قهر عليهه

:: هذا امر الله. وانشاء الله تتشافى منه وتصير سوالف.

اباوعلة يريد يضحك بس خايف مني. هذا شبي تخبل

رانيا:: الله يطيح حظك بلا شنو اليضحك شهالتفاهة اللي بيك دخيل الله

زياد:: هههههههه بالقران راح اكوم اطيح حضج. مو يمج اضحك تذكرت سالفة قديمة

باوع المشمش كاللهه وانتي شكو مكابلتني مو عندج امتحان.. اني هم باوعتلهه صفح..

:: متكومين تدرسين لو لكيتي حجة

مشمش:: هو بيت جيس حب تخلون واحد يدرس يركز انتو مال احرككم واخلص منكم

وي كومتهه زياد شمر عليهه الريمونت خطاها وراحت تدرس.. رجع يباوعلي وكوة مسيطر على ضحكتة

::زياد لا تخبلني احجي شبيك تخبلت ترا ماكو شي يضحك

::كال من جنت زغير جنت احبهه

::عزا بعينك تحب منو

كاتم ضحكته وجهه احمر. اني هم ضحكت كتلة تحب منو الله عليك

::خالة جميلة. لا وجنت ادعي بالصلاة كون تصير مرتي. ميت عليهه وعلى لون عيونهه خو من تبوسني يبوووي اسيح هههههههههه

ماكدرت اصبر ضحكت وغطيت حلكي بايدي وضليت اسمعلة بتركيز

رانيا::وهاي شكد عمرك يمعزا هههههه

زياد::هواي يمكن 11 سنة. لااا وازيدج من الشعر بيت من جنت اشوفهه وي رجلهه اضوج واكول بكلبي خاينه وشابع المرة سب ههههه

دنضحك وهو وسع عيونه على صوت شهكة ضحك مشمش جانت لازمة موبليلي وتصور حجينه بسكتة

من كشفهه طكتهه ضحكة بصوت عالي ومدمعهه وتضحك

مشمش::يا ماتستحي امداك الا اكوللهه ل منى

هي تركض مثل الزئبق وهذا يعرج ويركض وراها يريد يمسح التصوير واني متت ضحك تبدد الحزن غصبا عني