مستقبلي الجديد

12

وهي بدات تنحي في robe باش تلبس يدخل عليها امين قعد مصدوم و دور راسو
_ ياخي متدقش الباب
_ فيبالي بيتي كان نسيت
_ اي توا رجعت بيتنا يا بابا
تحكي معاه و تبدل في حوايجها
_ اسمعني جيت باش نقلك حاجة تخلنيش نندم لجيت
_ باهي باهي بركا تنجم تدور
دار قعد يخزرلها سارح
_ ااا وين سرحت🙂
_ أمي بدات تحس لفما حاجة موش normal بيناتنا ومرجتني بأسألتها ملي مشيتوا
_ اسألة كيما شنيا 🙂
_ ياخي تتمنيك؟...تي بربي شنيا الاسألة ليسألوهم لزوز معرسين🙂
_ تي فهمتك😂اختك زادة 🙂
_ شبيها🙂
_ قتلي عملتوا علاقة ولا مزال 🙂
_ اي و انتي شقتلها🙂
_ قتلها(بدات تتمعجن و تقدم منو وهو باهت دورت يديها على رقبتو وهبطت توشوشلو في وذنو) اي...موش مرة موش ثنين خوك ميتعبش😉
عنيه تحلت ووجهو حمار بدنو كلي مخدر من نفسها لفي رقبتو...بعدت منو
_ جد عليك بربي🙂قتلها كلشي في وقتو باهي فماش علاه مزروبين🙂
وتنفست الارض الصعداااء🙂تنهد و حك شعرو
_ والله فجعتني🙂
_ سملاا عليك😂هيا هيا يستناو فينا
جات خارجت ودارتلو
_ حقا اختك شدت الصحيح باش ناخذلك حاجة اهيكا في الساك هذاكا شوفها قبل متجي (وغمزتلو😉وخرجت) ستغرب قرب مساك حلو شد nuisette يدور فيها عينيه تحلت حك شعرو وجبهتو
_ اااه ياربي هذا من النهار لول هكا مالا جمعة متتعدى كان متصير حاجة بيني انا و الطفلة والله هذي عمايل سهيلة...اما واللاهي تجي على بدنها تهبل😍
ضرب روحو بكف
_ فاش نحكي انا
هبط يلقاهم قاعدين شافتلو مرام تبسمت بخبث طلعت حواجبها عرفاتو داخل بعضو حاول يهرب عينيه من عينيها و قعد بجنبها في الكرسي
_ كول يا بابا
_ توحشت ماكلتك يا سهيلة والله😍
_ هاني طيبت لولدي
حطتلو مرام الماكلة هو يتمعن في ملامحها...حط مغرفة في فمو يتبنن و كملو كلو
_ هات نعاونك مرام في الطاولة
_ لا اماني عيش اختي ارتاح حكاية تافهة
قعدت سهيلة و اماني في الصالة و مرام لمت الطاولة وخلط عليها أمين يهز معاها في الماعون لقاها تطيب في التاي و خرجت cheesecake و حلو و حجات هذوكم...حط الماعون
_ عيشك
_ شنيا هذاكا لفساك🙂
دارتلو تتبسم
_ شنيا حسب رايك🙂
حس روحو تبدل كلامو تصروفاتو ملي دخلت في حياتو كلشي تقلب معادش يحب يغلط مرة أخرى و رجعت بيه الذاكرة لعامين لتالي
Before 2 years:
_ حبيبي شو محلاها nuisette
_ ايجا هوني نشوف
شدها من يدها دورها لصق فيها يبوس في رقبتها و كتفها
_ كلشي محلاه عليك ياروحي(طبعلها بوسة خفيفة على شفايفها)
دزها عالفرش و كمل لبداه
Back to reality:
وين سرحت
بدا يقدم منها خطوة بخطوة عينيه متنحتش من عينيها اما المرة هذي بخزرة اخرى خلتها تخاف لاول مرة منو حتى لصقت الرخامة حط يد منا و يد منا و هبط عليها قرب لوذنها
_ خبيها لين تلقى مع شكون تلبسها نذكرك لعرسنا موش حقيقي وعمرو لا باش يكون زايد الحكايات هذوما يدورو بيناتنا زيد شمزال شهر؟ زوز؟؟ وتمشي على روحك ونرتاحو متعنيلي شيء راك احمد ربي لخرجتلك عاونتك لربي كهو هيا نخليك توا
وقف و خرج مالكوجينة متلفتش حتى هي جمدت في بلاصتها وجها صفار حست نفس ضاق عليها اول مرة تشوفو هكا من وقت لاول معرسو فيبالها رجعوا اصحاب و ليوم كتشفت وجه آخر منو
_شبيه شصارلو شنيا لعملتو غالط وانا علاه مدافعتش على روحي توا عرفت انا شنيا في مخو شهر ولا زوز و نرتاحو؟؟لدرجة قاعدتلو على قلبو انا لبهيمة لقلبي بدا يلينلو اصلا كيفاه نخمم هكا انا فيق على روحك مرام الراجل هذاكا ميعنيلك شيء
دمعة تحصرت في عينيها حاولت ترجع لطبيعتها هزت طبق فيه حاجات لحضرتهم و خرجت لاحظت سهيلة لمرام ندرا شبيها تبدلت ووجها صفار قدمت حطت الطبق فوق الطاولة و قعدت سارحت في التلفزة عينيها معبيين بدموع شادة روحها بسيف تخمم شنيا لباش يصير بعد متروح سهيلة واماني باش تتقلب حياتها مرة أخرى
_ مرام بنيتي شفما وجهك اصفر ميما
محاوبتهاش كانت شاردة
_ مرام
دارت مفجوعة
_ نع..م نعم سامحني سرحت
_ شبي وجهك اصفر مرام شبي بنتي
هي قالتها ومرام معادش تنجم تتحمل وتتطرشق بالبكاء وجها حمار قامتلها اماني تعنق فيها
_ شفما ياوخيتي شبي روحي
أمين عينيه تحلت بلع ريقو حس لكلامو ميجيش منجم يعمل شيء كبس على يدو محبش يقول لكلام هذاكا اما لازمو قبل ميفوت لفوت
قعدت بحذاها سهيلة تمسحلها على شعرها شافت أمين يخزر بعنيه كهو متحركش و عرفت لفما حاجة صارت بينهم حتى تكلمت مرام
_ ن..حب..نروح لتونس...عند خواتي
هي قالتها وامين وجهو حمار عروق يديه بانو
_ علاه شفماأمينعملك حاجة تكلم يا بنيتي
_ لا...خا..طيه خويا كلمني...توحشتهم يلزمني نمشي فما حكاية لازمني نحلها...مبعد نرجع
_ على هذا تبكي؟كي باش نرجعو لتونس امشي معانا
مسحت دموعما فيسع و طلعت تجري للبيت سكرت الباب و قعدت عالفرش تبكي شنيا لعملاتو في حياتها باش تتقلب هكا؟
سهيلة وقفت قدام أمين
_ أمين لحكاية لقالتهالي منيش مصدقتها تكلم شنيا صار تعاركتو؟؟
في اللحظة هذيكا ينفجر أمين
_امي بربي تلزش عليا تحب ترجع لتونس خليها ترجع ياخي لازم فما حاجة صارت؟ منيش ناقص بربي
هز مفتاح الكرهبة و خرج يرحي في الكياس وقف قدان البلاصة لمستانسين يتلمو فيها دخل يلقى صحابو بدل الجو قعد شد الكاس بيدو مفاق بروحو كان بدا يكثرلها مالشرب قعد قدامو بلال
_شبي صاحبي من وقتاه رجعت تشرب موش بطلت؟
_ تلزيت
_ شفما مستانس تخبي علياا؟ اا تقليش نتنتها مع المرا
_ هاك عرفت
_ موش متحبهاش و لكل علاه تكسسر في راسك مالا
_ بلاهي خليني نحكي ولا فك على زبي خليني رايض
_ باهي بركا شبيك كرزت
_ قتلها كلام ميجيش وعايرتها لانا سخفت عليها ولهيا متعنيلي شيء
_ اي و مبعد
_ باش تروح لتونس
_ اي وانتي تحبها تمشي؟
_ لا كان تمشي انا نضيع رجعت حاجة مهمة في حياتي نجمش نبعد عليها
_ ويوااا يا bro قلها لا
_ نجمش معنديش لحق وزيد تفاهمت مع امي وراجعة معاها بعد جمعة
_ تخافش صاحبي اخزرلي تبع قلبك تو يقلك شنيا تعمل و توا هيا نبدلو جو
هبطو يشطحو جات 4 متع الصباح هز كرهبتو وروح حل الباب باش ميفقهمش و دخل لبيتو يلقاها في سابع نومة دخل ل salle de bain باش يعمل دوش خاتر ريحتو alcool حل الماء على روحو غمض عينيه يراجع في كل كلمة قالها لمرام كمل دوش لف نصو بمنشفة و خرج جات عينو طول عالفرش ملقاهاش خزر للبلكون لقاها ضامة ساقيها و قاعدت حل porte fenêtre
_ ادخل برد
_ حاجة متخصكش
_ ادخل قود توترليش اعصابي
_ بربي كيفاه ندخل والبيت لكل ريحتها شراب
_ تنحات ادخل
تنفضت ودخلت قامتو وحطاتو بعينيها ورجعت تمدت عالفرش لبس حوايجو و تمد بحذاها كل واحد عاطي لاخر بالظهر كان يلقا كل واحد فيهم يدور يعنق لاخر حتى يرقد....اما لا

_________________________________________

To be continued❤️