နေရာလွတ်နှင့်အတူသားရဲကမ္ဘာဆီသို့ [COMPLETE]✓

Chapter 66.1

ပိုင်မုက ပင်ပန်းနွမ်းနယ်နေတဲ့မျက်နှာနဲ့ မျက်လုံးအောက်က အမည်းရောင်အဝိုင်းလေးတွေနဲ့အတူ တာ့ဝူကိုကြည့်လိုက်ပြီး  သူ့ကို လေးစားမှု ပိုတိုးလာတယ်။ သူ့စိတ်ထဲမှာတော့ တာ့ဝူဆီက အားဖြည့်ဖို့ ကောင်းတဲ့အရာတွေတောင်းဖို့ တွေးနေတာ။ ကျားတောင်ပံမျိုးနွယ်စုရဲ့ ဒီအဖြစ်အပျက်ကနေ နောက်ဆုံးမှာ သူက မျိုးနွယ်စုတစ်ခုစီမှာရှိတဲ့ ကြီးမြတ်တဲ့စုန်းမရဲ့ အရေးပါတဲ့ အနေအထားကို သိရှိလာခဲ့တယ်။

ခဲယ်လ်တစ် အိပ်ပျော်သွားပြီးနောက် ဂူက အသက်ဝင်လာတယ်။ အကြောင်းရင်းက သေဆုံးသွားတဲ့ orc စစ်သည်တော်တွေရဲ့ ရုပ်ကြွင်းတွေကို မြင့်မြတ်တဲ့မြေမှာ မြှုပ်နှံဖို့ ပို့ဆောင်မှာဖြစ်လို့ပါ။ သူတို့ရဲ့မိသားစု၀င်တွေက စစ်သည်တွေရဲ့ အလောင်းတွေကို တွန့်ဆုတ်စွာ ကြည့်ရှုခဲ့ကြပြီး အနာဂတ်မှာ တစ်ယောက်နဲ့တစ်ယောက် ဘယ်တော့မှမတွေ့ရတော့ဘူးလို့ သူတို့တွေးမိတဲ့အခါမှာ ဝမ်းမနည်းပဲ မနေနိုင်တော့ဘူး။ ရလဒ်အနေနဲ့ ဒီဝမ်းနည်းစရာကောင်းတဲ့ ခံစားချက်က လူအုပ်ကြားထဲ ပျံ့နှံ့သွားပြီး ငိုသံတွေက ရုတ်တရက် ပိုပြီး ဝမ်းနည်းပူဆွေးလာတယ်။

အန္တရာယ်ဘေးကနေ လွတ်မြောက်သွားတဲ့ orcsတွေရဲ့ မိန်းမပျိုတွေကတော့ ဝမ်းနည်းပူဆွေးနေသူတွေကို စာနာစိတ်နဲ့ ကြည့်ရှုခဲ့ကြတယ်။သူတို့က မနေ့ကတည်းက မစားမသောက်ဘဲ အလောင်းခန္ဓာကိုယ်ဘေးမှာ နေခဲ့ကြတယ်။ ပြင်းပြင်းထန်ထန်ဝမ်းနည်းနေတဲ့ သွင်ပြင်တွေက သူတို့ကိုကြည့်တဲ့သူတွေကိုပါ ဝမ်းနည်းလာစေတယ်။

ပိုင်မုက သူတို့ကို တစ်ခုခုပြောချင်ပေမယ့် သူ့မှာ ရှိတဲ့ ဘယ်လိုရာထူးနဲ့ သူပြောနိုင်မှာလဲ။ခဲယ်လ်တစ်သေသွားရင် သူလည်း သူတို့လိုဖြစ်မှာပါပဲ။ မေ့လိုက်ပါတော့ ငိုတာကလည်း ကောင်းတဲ့ အရာပါပဲ။ သူတို့ နှလုံးသားထဲက ဝမ်းနည်းမှုတွေကို လိုချင်သလောက် ဖော်ထုတ်ကြပါစေ။ အချိန်က အရာအားလုံးကို ကုစားနိုင်ပြီး နောင်လာမယ့်နေ့ရက်တွေက အတူတူပဲဖြစ်လိမ့်မယ်။

မျိုးနွယ်စုနှစ်ခုက စွမ်းဆောင်နိုင်တဲ့orcs တွေအားလုံးရောက်ရှိလာပြီး ကြီးမြတ်တဲ့စုန်းမက ယဇ်ပူဇော်ရာမှာ ၀တ်ဆင်ခဲ့တဲ့ ရောင်စုံအဝတ်အစားတွေကို ၀တ်ဆင်ထားတယ်။ ဒီနေ့မှာ သူက ဒီသူရဲကောင်းတွေအတွက် သင်္ဂြိုဟ်ခြင်းအခမ်းအနား ကျင်းပမှာပါ။ဒါမှသာ သူတို့က ကြီးမြတ်တဲ့ဘုရားသခင်ရဲ့အနားကို ချောချောမွေ့မွေ့ပြန်သွားနိုင်မှာ ဖြစ်ပါတယ်။မျိုးနွယ်စု‌ခေါင်းဆောင်နှစ်ဦးက တည်ကြည်တဲ့မျက်နှာထားတွေနဲ့ ကြီးမြတ်တဲ့စုန်းမရဲ့နောက်ကို လိုက်လာကြတယ်။ မျိုးနွယ်စုခေါင်းဆောင်ပုကျီက တစ်ချိန်က ကွယ်လွန်သွားခဲ့တဲ့လူတွေကို တွေးတောနေခဲ့တယ်။