وامنحنا يقينًا،
يشبه يقين الأطفال،
بأنّ الجروح، كُلّ الجروح،
تُشفى بمجرّد تقبيلها .
__________________
شعور يحاوطني اني لازم اصحصح وفعلا.. حاجيت الي شالني بصوت كله خيبه امل وانكسار
_ ما بيه شي نزلني
_ ها تمام خو ماكو شي يوجعج
_ لا شكرا ما تقصر
عفته ورحت اركض لسيارتي دخلت بيها وفتحت نقالي على الرقم ورديت عليه
_ شلون تعرف هالشي ومنو الي حرك البيت
_ وينك
_ رد علي
دزيلته وما رد اخر شي طكت روحي شمرت النقال بعيد و شغلت السياره وجانت وجهتي للبيت
وصلت للفرع مال البيت واشوف الدنيه مگلوبه
سيارات كلها احدث نوعيه وزلم كلها لابسه دهاديش ولافين چفيه او شماغ على راسهم
رحت صفيت سيارتي ونزلت منها ورحت امشي طبيعي وهم يباوعولي
_ عفوا فد دقيقه من وقتج
اجه رجال من الي ملتمين براس الفرع وسألني
_ تفضل
_ تعرفين وحده هنا يگلولها ام مجد او حجيه نور
_ اعرف ابنها مجد بس ليش تسأل
_ هم قرايبنه ونريد نشوفهم وين بيتهم
_ اعذرني ما اكدر اكلك اذا ما اتأكد
_ تأكدي لعد
طلعت نقالي من جيبي واتصلت بمجد
_ الوو ضلعي
_ هلا مجد اكلك هنا اكو ناس زلم معكلين يسألون عليك وعلى خالتي نور تعرفهم علمود ادليهم للبيت
_ زلم معگلين؟ زين سألي واحد عن اسمه واسم ابو
_تمام
رحت للي سألني وگتله
_ عفوا بس اسمك واسم ابوك
_ ههههههه ولا يبطل سوالفه هذا الجلب گليله اسمي سيف عز الدين
_ اوك
رجعت سماعه نقالي على اذني وكتله
_ يكول اسمي سيف عز الدين وهم گال ولا يبطل سوالفه هالجلب
صوت ضحكته طرشت ذاني طرش
_ روحي دخليهم للبيت ذول بيت خالي العايشين بالانبار
_ تمام زين اكلك شعجب مو بالبيت
_ صارت شغله ضروري اطلع شوي واجي
YOU ARE READING
اريد ان اعيش
Mystery / Thrillerعندما كنا صغار كل منا يرسم لمستقبله احلام ورديه يرسمها بتفائل ويظن انها ستتحقق يوما ما كل منا خطط كيف سيعيش حياته بدون صعاب ومشاكل.. لكن ماذا لو.. الأحلام الورديه صارت سوداء تحيط بنا من كل جانب و أصبحنا لا ننتمي لهذا العالم لهذه الحياة كانت كوابيس...
