للكاتبه :• ف᭫ᮥي᪸᪰رٰوٰ໑ٰزٌِ 💞📃
Insta: its.fairouz0
_راح اطلكج بس صدكي راح اكرهج بروحج وحياتج وكولي مكال غياث.....
.
ضليت ارجف من كلامه بسرعه سديته بوجهه...شويه ونفتحت الباب ..طب دانيال ..شمرت نفسي بحضنه
دانيال: اششش كافي ماريد اشوف دموعج بعد خلص راح تخلصين منه
أسيل: دانيال مااخلص منه خابرني يكلي اكرهج بروحج وحياتج
دانيال:تخسى واني موجود كل عقلج يكدر يلمح ضلج بعد
.
بقيت حاضنته وأبجي لحد ما ارتاحيت ..
_يلا هسه نامي ارتاح وباجر نروح للمحكمه ..
_لفيت راسي ونمت محسيت بعد ..اله كعدتني زينب الصبح
زينب: اسيل يلا كومي لانتأخر على محكمه ...
فتحت عيوني كتلها..يلا هسه بس اسبح واجي
رحت حضرت ملابسي وطبيت سبحت وبدلت نزلت جوه يمهم
شويه واجه دانيال وصفوان طلعنا للمحكمه...جان موجود
بسرعه طببونا للقاضي قدمت كل الادله اللازمه..انو هو يعنفني
وكتله متنازله عن كل حقوقي ماريد شي منه بس اريد أتطلك
ولله ماكو شويه والقاضي طلكنا لان ماكو اعتراض من الطرفين
حسيت هسه اتنفست شايف مسجون ونفك اسره هيج اني
حمدت ربي على كل شي أن جان زين أو موزين
وصلنا للبيت مرتاحه كلش ..هستوني دااصعد وجرني دانيال
دانيال: رجعتيلي يضوه عيوني ..مراح اخسرج هل مره وعيونج انتي اعوضج عن كلشي عن كل كسره بروحج
دمعت وكتله ؛ بس اني اذيتك هواي دانيال شتنسى منهن
دانيال:يهون كلشي لخاطرج يهون كلشي واهم شي تبقين كدام عيني حتى متحبيني اهم شي اشوفج مرتاحه لج كلبي تكسر من دريت هذا يضربج ..بس اخذ حق كل ضربه ضربها الج وداعتج
أسيل: عفيه دانيال كافي ونبي تعبت بعد ماتحمل عوفه خل يولي ماريد اي شي يذكرني بي بعد خلصت منه والحمدلله
_الحمد لله حبيبتي يلا روحي ارتاحي انتي ...
طبيت للغرفه وكلبي صاير بي دمام خوف وفرح وارتباك وتوتر كلشي مافهمت شنو مشاعري بهل لحضه
.
تمددت ضليت اتكلب اريد اغفه ماكدر ..غطيت راسي شويه ونفتحت الباب ..
.
لارين: لككككككك الحححببببب ماتييييي
أسيل: هههههههه حبيبييي مشتاقتلج هواي
_اجتي حضنتني بقوه شويه واني بجيت وهيه نقهرت
لارين: اهوووو كافي وين مااروح بجي لج اسكتي هو اني اجيت اغير جو يمج
أسيل: هههههههه سكتت حبيبتي شلونج شخبارج
_زوينه وضايجه همزين تطلكتي علمود ابقى يمج
