للكاتبه:• ف᭫ᮥي᪸᪰رٰوٰ໑ٰزٌِ 💞📃 ،
Insta: its.fairouz0
.
تمشيت الهم بخطوات ثكيله وصلت يمهم تقدم عليه ابويه فاتح ايده
عمران: هلا بنيتي هلا عزيزة گلبي شلونج بويه
ضحكت مستهزءه ..
ليش يهمك شلوني هسه تذكرة عندك بينه ..المهم أنه بخير واذا مو بخير همم لاتهتم ميحتاج احجيلك اول تالي عايفني
.
سلمت على عمي سالم وطبيت اريد بس اشوف امي
سلمت ع الكل وبعدني مشفتها كلولي فوك بغرفتج صعدت اركض فتحت الباب شفتها ودمعت عيني
ذبيت روحي بحضها اريدها تشيل تعبي وهمي اريد ارتاح
حاجتني وتبجييي
خالده: ولج يمه اسيل يمه بنيتي طاك كلبي عليه شلونج يمه من عمت عيني يبعد روحي
أسيل: ابتعدت اباوع بوجهه ابوس بيها ..امي حبيبتي شلونج ياروح روحي مشتاقتلج هواي احجي واشهك
.
حضنتني على گلبها وتبجي وتلوم روحها عافتني بس ادري بيها هيه لا حول ولا قوه متكدر تسوي شي
خالده: يمه شلونه رجلج وياج زين مو همه كالو خوش وليد ومنا وصديق ابن عمج
سكتت جريت حسرره ..اي يمه زين الحمدلله
لعد خواتي وين ..ولله مادري يمكن ويه البنيات يلعبن
وامير وسلام شنو مااجوي ..
لا يمه عدهم شغل ميكدرون ..
يمه ليش مااجيتو بعرسي ليش كسرتو فرحتي
خالده: صارت ضروف وداعت عيونج خواتج ثنيهن وكعن بل فراش وين اكدر اعوفهم بس اعوضج ياروح امج عوضج
أسيل: لا عادي ماما لتهتمين هيه خربانه خربانه
.
ضليت حاضتنها اريد اشبع منها ..بقينا ننتضر زوزو شوكت تجي
حيل متحمسه وفرحانه الها حبيبت روحي هاي ♥️
_________________________________________
زينب: يوم وره يوم علاقتي تزيد بصفوان ويزيد تعلقي بي عشگته عشگ ..بس مو هسه اكله منتضره يوم عرسنا تصير احلى
زينب: اي صفوان احجي ليش ساكت
صفوان: شحجي يبعد المايرمشن من يشوفنج
سكتت خجلانه شكد يتغزل بيه واني مثل الثوله اتصفن
.ممممم من شوكت تحبني وشحبيت بيه
.
من ايام الإبتدائيه من جنتي ترحين وانه طحت بعشگج بس ماحجيت اكلج
وشحبيت بيج ليش هو اكو شي مينحب بهل وجهه هذا بس عيونج الصفر سحلن گلبي سحل
.
يمهه وجهي أحسه يريد ينفجر من الحراره خرب حجيت خجلانه
.مممم
راح نكضيها اممم و اممم
ضحكت شويه بقينا نسولف وسد الخط وراح وره يومين جاب سيد واجه عقدنا ماسويت حفله ولا شي كلت كلها بعرس احسن
مرت ايام هادئه وتفكيري بأسيل اريد حل الها شون
لحد مااجه يوم عرسنا احلى يوم بحياتي
كعدت الصبح كلي نشاط سويت ريوك ونضفنا اني وشوشو
حتى دلعتها من كد مفرحانه صعدت بدلت اخذت شيماء وياي ورحنا للصالون وبالي يم اسيل اخاف هذا غياث ميجيبها
.
_______________________
أسيل: ماما هسه اجي راح اشوف عمه ام احمد
روحي يمه
نزلت جوه فتت للمطبخ يم عمه كلش مشتاقتلها كعدنا نسولف
شويه وطبت بنيه يمه اول مشفتها صليت على محمد مو بنيه لعابه نازله من السما شنو هل جمال
.
فاتت كالت عمه شوكت تجي زينب ..جاوبتها ام احمد.هسه فد نص ساعه وتجي
حجيت وياها كتلها انتي بت منو واجاني صوته من باب المطبخ
دانيال:اختي لارين الحجيتلج عنها
انداريت عليه ورجعت عليها يعمري مشاء الله تجنن حقك تخاف عليها .... لارين: انتي شتصيرين مني ..اني بنت خالك يحضي
ضحكت واجتي حضنتني وتبوس حيل حبيتها
ضلينا شكد نسولف شويه واجتي زنوببه يمه طالعه تخبل فدوه لوجهه
من دون الناس تقدمت عليه بوستني وحضنتني وبجينا ثنينا
كعدت .. كضيناها ركص وتحشيش عليها اني ولارين وهيه خايفه ترجفففف
.
بعد دك ركص وتعب كعدنا اني ولارين كعدت تصورني واني ماعرف يعني اصور بس هيه فنانه بل تصوير كتلها تصويرج يجنن
لارين:هاي شبيج اصلا اني مصوره
أسيل: يعني كامره وكذا وتصورين العالم
لارين: مو بس العالم كلشي حتى مناضر طبيعيه كلشي
_مممم حلووو
اجتي الزفه وزينب صارت تبجي حاضنه امها واجتني حضنتني
اسيل: كافي زينب راح تموتين شبيج مكياجج تخربط
.سكتتها وأخذها عمي سالم وطلع سلمها لصفوان الي الضحكه شاگه حلكه
دعيت من ربي يهنيهم ويسعدهم خطيه يحبون بعض
.
شويه واجه غياث والعالم بدت تروح لبيوتها واني كاعده يم لارين
عمران : بويه غياث اليوم بقي بنيتي يم امها تريد تشبع منها باجر أنه اجيبها الك
_ ضل يباوعلي بنضرات يحسسني اني اريد ابقى
اسيل: لا يأبه اروح رجلي محد يمه هناك
هو شويه ابتسم هدأت ملامحه
عمران: اي بويه يبقى يمنا هم قابل غريب
غياث: لا عمي هاي هيه خل تبقى وباجر الصبح أنه اجيها
_هاي هيه بويه رحم الله والديك
صاحني اروح وره
غياث: لو ما انتي كايله اروح وحق الله جان ابتليت بيج الليله المهم اليوم تبقين اشبعي من اهلج هسه صايرين حنان عليج
وممنوع تطلعين كدام ولد فهمتي
_ هزيت راسي ب اي رحت وراه سديت الباب وتنفست قوي
احس هسه النفس صعد الريتي اووففف كون اخلص منه ياربي
حجيتها وسمعت دانيال كال آميييييين
انداريت عليه صافن بوجهي ومرتجي ع كاونتر...
_______________________________________________
زينب: طلعت الزفه واني ميته من البجي وصفوان كلب خلقته لان ابجي كل شويه يكلي كافي بابا شبيجج
.
وصلنا للبيت .نزلنا هو حطلي بيت وحدي كال ناخذ راحتنا أكثر
قبل لا اطب شالني كتله نزلني اخاف اوكعع
