(( بسم الله الرحمن الرحيم))
،،،،،،
«هَلي شَمدريني تَالي سنيني بس لَوعات»..؟!!
ـــــــــــــــــــــــــــــــــــــــــــــــــــــــــــ•••
چنه گاعدين بل غرفة رفعت راسي واشوف غفران بعتبه الباب تسنط وجدان گاعده مقابيلي صافنة بفراغ
ومحمد صافن وبعيونة الحيرة وزيد بعيونة خوف ورعبة طفل بوسط هل وضع المتوتر
زيد: ش شنوو هاي ي شبية
صحتله تعال يمي زيد
اجة يمي وجهة اصفر ويرجف مرعوب
غفران: زينة جيبي ماي لزيد خلي يشرب
تمشيت المطبخ وانة مرعوبه وطرافي ترجف حيلل خايفة اشوفه
تقربت للترمز سحبت كلاص من الكاونتر فجاء صار باب المطبخ متت خوف ورعبة طاح الكلاص مني باوعلي بقرف
حامد: تفف على هيج خلفة انة اعلمج
طاحت دمعتي مو لان تفل عليه لا من الخوف شنو ذنبي انة! شنو سويته!
شلت الكلاص وجبت وصله ومسحت الماي وسحبت كلاص وترسته ورحت للغرفة وانة ارجف من الخوف
غفران: سوالج شي؟
زينة: لاا
انطيت الماي زيد شربه وباوعلي وبعيونة الخوف ويحجي ع كيف وكلامات متقطعة
زيد: ز زينةة شبيه ا بوي ي
زينة: حبيبي مابيه شي نام هنا لا تخاف انة يمك
وانة احجي وياه فزينة من صوته كمزنه كلنه وكفنه يم الباب وجان نشوفه هذاك الوحش
الخوف سيطر علية كلش خايفة وانة اشوف هذا المنضر الذي اربكني بهذا العمر سحبهه من الدوانية لاخر غرفة وانة اشوف هذاك الوحش وشرار الي يطلع من عيونه تعودت على هذا المنضر وانة طفلة لا تجاوز عمر 9 سنوات
حامد: شلون تسلمين علية ساقط
ذكاء: والله بس سلام هوه سلم تريد ما ارد علية
حامد: انجبي حيوانة اليوم اذبحج
ذكاء: بس خ خلي اشر ر ﺣ حلك
جان اغمض عيوني من الضربة واشوف لازم العكال بيده وطكه ع راسه احس راسي أذاني عبالك طكه بيه
كلبي تكطع على امي،،
صرخ زيد التفت عليه وخزره وراح يمشي يقفل البيبان حتى لا يطلع صوت
رجع وهوه يمشي يلف العكال على ايده باوع النه نضره تخوف باوعت غفران ع وجدان حتى ادخلنه للغرفة الثانية سحبتنه وجدان للغرفة انة وزيد دخلتنه وزيد كعد بصفي خايف ويرجف وانة اخس منه من الخوف بقينه نسمع صوته وهوه يضرب ويعذب ويغلط انواع الغلط.
دخلت غفران تركض سحبت تليفون واتصلت على خالي
غفران: الو و ه هاا خاليي تسمعني اي اي انة غفران تعال للبيت بسرعة ابوي راح يكتل امي بسرعة لا تتاخر
لحضات وندك الباب ونسمع صوت خوالي صارو ب البيت مرت كم دقيقة وصار هدوء دخلت وجدان ومحمد كعدو ودخلت وراهم غفران
محمد: ها اخذه
غفران: اي
صار ابوي ب الباب الغرفة وباوع علينه نضرات تخوف ولتفت على غفران
حامد: شلون عرفو
غفران: ب با ابا ما اد ري جنت ب المطبخ خ
حامد: سهلة
عافنه وطلع شويه ورجع
حامد: غفران خلي فراشي بدوانية وما اسمع اي صوت
والي اسمعة يبجي اكتله و اودي وراه امه ساقطة
راحت غفران لتفت علينه وجدان
وجدان: تعالو افرش الكم حتى تنامون
زيد: وجدان انة خايف اريد امي
محمد: شبيك انته مو رجال شبيك تتبجبج جنك مره
وجدان: محمد تراا طفل تعال حبيبي زيودي لتخاف باجر امي ترجع حبيبي احنه يمك
رحت وياه وجدان اساعده نفرش
فرشنه ونطرحنه كلمن بفراشه اباوع غفران صافنه وجدان بحضنه زيد نايم وصافنه عليه ومحمد نايم
وانة خايفة وجوعانه بدون عشاا وخايفة من باجر....
ــــــــــــــــــــــــــــــــــــــــــــــــ•••
لا تنسون تصويت حبايب 💕🌺
أنت تقرأ
لا أحلام مع أبي
Mystery / Thrillerالحياة مسرحية وكلمن يطرح ع طاولة الحياة فكره الحياة تعب ومشقة وطريق كلها وعر واشواك بسم الله الرحمن الرحيم"الذين ضل سعيهم في الحياة الدنيا وهم يحسبون أنهم يحسنون صُنعًا"
