بعد يوم صعب مر كالدهر.
عفاف: تعالي يارحيق عيشي معايا تحت انتي عارف انا عايشه مع امجد اخوكي بعد المرحوم الاستاذ مسعد الله يرحمه.
رحيق بدموع: الله يرحمه بس مش هسيب شقه ماما وبابا كل ذكرياتنا فيها.
عفاف بحزن: خلاص يابنتي انا هطلع ابات معاكي مش هقدر اسيبك لوحدك.
بعد شهرين في الصعيد..
ساره بدلع: ولد عمتي انا ابوي جايب لي عريس.
سالم ببرود: الف مبروك ياساره ربنا يتمم لك على خير.
ساره بغيظ: الله يبارك فيك بس مش موافجه( موافقه).
سالم ببرود: انتي حره، هاطلع انام تصبحي علي خير.
ساره بمكر: هتجوزك ياولد عمتي هاتجوزك بالذوق بالعافية هتجوزك.
في غرفه سالم
حبيبتي المجهوله:
هي من انتظرتها منذ زمن بعيد، هي شريكه الحياه ورفيقه الدرب. بل هي عشيقتي وحبيبتي.
عندما اكتب عنك فانا اكتب عن روح تسكنني سابقا وحاضرا ومستقبلا، روح لا اعرف شكلها او لونها او جمالها
ولكن اتخيل حنانك وعطفك وحبك لي، فروحك اهواها واشتاق لها في لحظاتي الراهنه الاليمه، اشكواها للواحد الجبار المعين....
يغلق المفكره ويتنهد لا اعرف ماذا احل بي، ثم يرجع عده صفحات ويقرا...
حبيبتي ساخبرك انني ممللت النوم وحيدا
والعيش بين اربع حيطان
وملابسي رثه... ينقصها عطرك
سالم لنفسه انا اكيد اجننت بحب بنت عمري لا شفتها ولا عرفتها طيب ازاي وهي في طيب ده حلم ولا حقيقه
انا تعبت، احسن حاجه اسافر اغير جو.
في القاهرة
الجميل رايح علي فين... يامزه حني عليا ابتسامه طب كلمه هه هه مسيرك هتجي ياقمر.
رحيق بحزن تجري علي السلم تشوفها عفاف
عفاف: مالك يارحيق زعلانه ليه.
رحيق بحزن: خالتي عفاف من ساعه موت ماما والناس مش سايبني في حالي، اخاف امشي لوحدي في الشارع.
عفاف: بحزن لا حول ولاقوة الابالله، احنا اهلك يابنتي.
رحيق: خالتي عفاف انا عارفه، بس انا بفكر ادور علي اهلي.
عفاف: بس انا خايفه عليكي يابنتي ابوكي ميت من سنين، ومامتك كانت خايفه تعرفك عليهم .
رحيق:انا هاروح اشوفهم من بعيد ياخالتي واقرب من جدي واعرف ان كان سامح بابا ولا لسه، انا عايز ابوي يكون مرتاح في قبره.
عفاف بتنهيده: اصبري علي اخر الاسبوع اجي معاكي انا والواد امجد ندور معاكي.
رحيق: حاضر ياخالتي.
في نهايه الاسبوع في القطر المتجه لقنا..
امجد: اخيرا هروح الصعيد نفسي من زمان اسافر واشوف اللبس الصعيد والبيوت وطبعا الاكل الدسم، انا جعت ياماما.
عفاف بضيق: احنا اتغدينا قبل مانخرج لم نفسك شويه.
امجد بدلع: فوفه انا ميجو حيبيك هاتي سندوتش.
عفاف بدهشه: عرفت منين ان معايا سندوتشات.
امجد بغرو: عيب يافوفه انا ميجوا ابنك هاتي بقا.
عفاف: خد لتاكلني انا والبت الغلبانه.
رحيق بضحك علي شكل امجد هو بياكل: انت محروم يابني كل براحه، بعدين سرحت في الجاي والبحث عن اهلها، وتخيل النتيجه هل هيقبلوا تعيش بينهم ولا هيطردوها.
توقف القطر في محطته الاخيره قنا....
نزلت رحيق مع عفاف وامجد...
عفاف: اسال يامجد علي فندق واحجز غرفتين واحده ليا انا ورحيق واحده ليك.
وقف امجد تاكسي
امجد لسائق التاكسي: عايزين نروح فندق مريح.
سائق التاكسي: حاضر يابيه اتفضل اركب.
امجد لسائق التاكسي: انت مين يااسطي؟.
سائق التاكس: انا من قنا يابيه.
امجد: تعرف عيله الابنودي.
سائق التاكسي: مين في قنا مايعرفهم دول اكبر عيله في الصعيد كله ولا سالم الابنودي...
فزعت رحيق حين سمعت اسم ابوهاوقالت لسائق التاكسي سالم الابنودي مش مات.
سائق التاكسي: لا سالم الابنودي ابن محمدالابنودي مات في عز شبابه لكن انا بتكلم عن سالم محمود الابنودي شاب ممتاز، كبر الشغل وخلي بدل المصنع اتنان وتلات وعشره ربنا يحفظه.
وصلوا الفندق وحجز امجد الغرفتين بجوار بعض....
رحيق لعفاف: انا خايف اوي يمكن يطردوني يقولوا جاي اطلب فلوس ولا انا مش بنتهم.
عفاف: احنا هنطمن لاول ونشوف يابنتي انا امك برضوا مش هسيبك لوحدك.
YOU ARE READING
رحيق🦋....
Fanfictionيرمز معنى اسم رحيق إلى الخالص الصافي من خمر الجنة،هل صحيح ان لكل شخص قدر من اسمه اما للقدر راي اخر، فهل يكتب لرحيق ان تعيش وتذوق حلاوه الجنه. سالم الابنودي: ٣١سنه، عيون سوداء وشعر اسود قصير، واسمر قمحي، صعيدي متمسك بالعادات والتقاليد، ويرفض الزواج،...
