في شقه سالم الابنودي
تركض تلك الملاك الجميله وتقفز لاعلي ولاسفل في فرح بجد يابابا انا نجحت وطلعت الاولي ياحلي بابا في الدنيا
سالم بحب: الف مبروك يارحيق حياتي بالمناسبة دي هفسحك في الملاهي ذي ماوعدتك قبل سابق.
رحيق بفرح: بجد انا هروح البس الفستان الجديد.
بتجري رحيق علي غرفتها.
زينه: ربنا يخليك لينا ياابو رحيق.
سالم: ويخليكي ليا روحي البسي بسرعه.
ذهبت زينه لترتدي ملابسها وبعدها بقليل انتهي الجميع واستعدوا للخروج وبعد يوم طويل من اللعب والاكل في الملاهي عاد الاب حاملا الملاك الصغير، ودثرها في الفراش، وذهب يغير ملابسه ويجلس بحضن معشوقته.
زينه بفرح: رحيق مبطلتش لعب النهارده هه هه.
سالم: من التعب نامت في التاكسي، انا خايف عليها يازينه قلبي مقبوض مش عارف ليه.
زينه بلهفه: لا إله إلا الله، انت خايف من حاجه ياسالم.
سالم بقلق: زينه انا خايف علي رحيق احنا عايشين في الغربه، وخايف يجرالي حاجه.
زينه بخوف: بعد الشر ياسالم ان شاءلله هتعيش لما تشوف ولاد رحيق، وتسكت قليل، ثم تقول انت ندمان انك سبت اهلك واتجوزتني.
سالم بلهفه: انا عمري ماهندم اني اتجوزك، انا من اول ماشفتك حبيتك، صحيح وقفت قدام ابوى بس، عشان مكنتش عايز اظلم بنت الناس معايا، اعيش معاها ازاي وانا قلبي معاكي اخترتك يازينه قلبي، وعمري ماهندم.
زينه بحب: ربنا يخليك ليا وميحرمنيش منك واصل.
في الصعيد في قصر الابنودي متجمع الجميع علي السفره لتناول الفطور.
الحاج محمد: سالم هتنزل الشغل مع ابوك النهارده.
سالم: نعم باجدي هقف في المصنع الابنودي للمنتجات الحيوانيه.
الحاج محمد: ربنا يوفقك ياولدي.
كامله في المطبخ ربنا يوفقك ياولدي لترد نعمه امين يارب.
ويزداد الغل في نفس رقيه، لما وصل ليه سالم فبرغم صغر سنه. لكن دايما الحاج محمد بياخد رايه في كل حاجه، ودايما بشتغل في المصنع برغم دراسته وتقول بغل: امين يارب.
كامله عقبال مافرح بسالم وربنا يرزقه ببنت الحلال.
انتهي الجميع من الفطور وكل منهم ذهب الي عمله.
ماعدا محمد وسلمي ومصطفي انتهوا من الفطور.
وجلسوا يتسامرون لتاتي رقيه وتنادي علي محمد.
محمد: نعم ياماي.
رقيه: عايزه اتحدث وياك.
ذهب محمد خلف رقيه الي غرفتها
محمد: نعم ياماي.
رقيه: انتي خلصت امتحاناتك ونجحت والحمد الله، اطلب من جدك تنزل تشتغل في المصنع ذي سالم ولد عمك.
محمد: انا مخلص ثانوية عامه وعايز اريح شويه لسه بدري علي الشغل.
رقيه بغضب: بدري ازاي ابن عمك سالم بيشتغل في الدراسه والاجازه من صغره بينزل الشغل مع ابوه، بيقعد من الشغل ايام الامتحانات اتعلم منه ياولدي، لازم نعرفوا كل حاجه عن المصانع.
YOU ARE READING
رحيق🦋....
Fanfictionيرمز معنى اسم رحيق إلى الخالص الصافي من خمر الجنة،هل صحيح ان لكل شخص قدر من اسمه اما للقدر راي اخر، فهل يكتب لرحيق ان تعيش وتذوق حلاوه الجنه. سالم الابنودي: ٣١سنه، عيون سوداء وشعر اسود قصير، واسمر قمحي، صعيدي متمسك بالعادات والتقاليد، ويرفض الزواج،...
