روح في بحر الظلام

الحلقة الخامسة

::حسبي الله ونعم الوكيل شهور تتوسل الكلمة مني وعايشين وبس عرفو اهلك اتبريت مني ليش علي شسويت

::ها بوية انوب ترديني اعوف مرتي وفروخي على يامال. انا ماجبرتج طلبتج وانتي وافكتي وشرحتلج كلشي انتي ضليتي تحوسين وخربتي حياتنه انتي السبب

::علي اني دا اموت

::وموتت عين يدي(جدي).

::علي اني عندي ورم. واحتمال يطلع خبيث اني حيل خايفة والله بس ردتك تروح وياي اني ماعندي غيرك

::شوفي ولج جميلة سوالف كيد النسوان انا مالي خلكهه. خلصيني وكولي عليش مودية عليه

ليلى بنحيب عالي::ياا كيد يااا كييد اكولك عندي ورم احتمال يكوون سرطاان تفهم شنو سرطان،

::ش ش شني ورميش ولج تضحكين عليه لو شني
شو باوعيلي عوفي البواجي

ليلى::روح علي رووح الله وياك اعذرني خابرتك بعد ماتنعاد، ضعفت واتصلت بس لان ماعندي غيرك التجأ الة

ماما جانت تحجي بصوت عالي مليء بالبكاء والحزن والعجز صوت حزين مزق اخر بقايا القوة عندي

استغربت من سمعت بابا يقاطعهه بكلماتة بالعادة ميهتملهه ابد

علي::ولج اركدي... ارررركدي... نصي صوتج... خل افهم شمالج.... جميلة.... فدوة رحتلج بس صبر..... خل افهم

::علي والله دا اموت شوف حالي منتبهت شلون ذبلانه فدوة كافي هاجرني والله مسويتلك شي

::اسم الله ولج. جميلة جميلة ماكو شي شمالج انتي شو سولفيلي شني هاي السالفة

ّاسمع ماما تحجيلة كلشي بالتفصيل الملل بصوتهه المليان قهر وخوف

::ماكو شي لا تخافين باجر نروح ونتأكد. شو باوعيلي.

::علي لوين تضل معاقبني والله السويته علمود بنتي ردت يصير الهه سند بنتي كضت عمرهه وحيدة. تعبت خطية.

هسة اني اذا متت منو يبقالهه صار اربع سنوات تعاملنة عبالك عدوانك والله حرام عليك

علي::اسم الله عليج الف اسم الله لا تخافين مايصير شي وتضلين خيمه لبنيتج... شلون تبطل الناس ماتمرض شني كلمن تمرض مات كولي يا الله

::ارجع البنتك خطيهه ترا البنيه ماله غير ابوهه يا علي وانا ماعندي احد لو جار الزمن منو يحميهه اخوي المعوق. لو منوو

علي::والله موبيدي لا تلوميني والله كلبي مفرفح عليجن بس ماريد اتّأذن بسببي.

::شكو علي شضام عليه.... كلبي حاس هالجفاء ورى شي اشرحلي برد كلبي

::ضام هواي. لا تعاتبيني كلبي خلصان..

::ابقى هنا بات الوقت تأخر مو مثل كل مرا تروح تبات برى هذا هم بيتك... لو نسيت