لايك وكومنت تقدير لتعبي فضل وليس أمراً🧡
نروح لفاتن طول فتره العزاء كانت تبكي بصمت كل شخص حولها عنده سند وشخص واقف معه هي وحيده لحالها كانت في عز هدوها ودموعها تنزل وصلت لها رساله من عمر كانت محتواها"سلام عليكم كيفك فاتن عظم الله اجرك في جدك والله يرحمه يارب ويصبركم ادعي له ولاتبكون عليه محتاج دعواتكم هو"شهقت من بعدها هو الوحيد الي حس فيها شافها فتحت الرساله وماردت عليه اتصل مكالمه وفتحت الخط فاتن وهي تطلع من شهقات خفيفه سمعها عمر وعوره قلبه عليها كيف تتحمل وتتخطى وفاته تكلم: فاتن ابوي وشفيك لاتبكين لاتعذبينه بقبره ادعي له
فاتن :ماقدر ماقدر قلبي يعورني اشتقت له حيل ابيه معي ابيه هو قال بزوجك وواقف معك واحط يدك بيد زوجك شهقت تقطع قلبه عليها مابيده شيء مايقدر ياخذها في حضنه ولا يمسح دموعها حاول يسولف ويطلع له سالفه تكلم معها بكل شيء لين سمع ضحكتها من سالفته الي قالها بخصوص الدوام انبسط لما سمع ضحكتها وجلس يسولف وتمددت فاتن على سريريها ونامت على صوته تكلم عمر: فاتن فاتن وين اختفيتي ماسمع رد وسمع صوت طيحه الجوال ضحك وانبسط انها نامت وهي تضحك سكر المكالمه بعد ماستودعها الله بقلبه .
_________
نروح لبحر وصل المستشفى هو وبيلين وهو خايف وميت خوف دخلوها الطوارئ مباشره وعملوا التحاليل الي طلبوها منها عشان يشوفون السبب سوت التحاليل ولازم ينتظرون ساعه ونص عشان تطلع النتايج طلعت لبحر الجالس في الانتظار قالت له واخذ يدها : طيب تعالي نتمشي شوي على بال مايمر الوقت هزت راسها وطلعت معه ركبوا السياره واخذوا لها قهوه ومشى بسياره وهو ماسك يدها ويشد عليها كان الجو هادي ومشغلين اغنيتهم المميزه لقلبهم وقفوا في مكان هادي ولف لها ونزع نقابها بهدوء بحكم فضاوه المكان من الناس بدا يمرر يده على تفاصيل وجهاا بهيام عاشقها وعاشق ملامحها نطق: ليه انتي كثيررره على قلبي كذا وش اسوي انا اطلب ربي قلب ثاني عشان احبك فيه اكثر كيف عشتي ودخلتي هالقلب بدون قدره ومجهود مني ومنك صرتي بنت هالقلب ومالكته نزلت راسها بيلين بشعور داهمها شعور عمييق سكن قلبها تحبه وتحب كلامه وحرووفه تعجز عن التعبيبر امام مخارج حرووفه الي يغرقها فيها كملوا سوالفهم لاحد مامر الوقت ومشوا متجهين للمستشفى
__________
رسيل~
بعد ماطلعوا البنات من عندها صحت بهدوء ودخلت دوره المياه توضى وتصلي ركعتين الوتر تدعي لجدها تدعي بكل مافييها خلصت من صلاتها ودعائها وخلال هالوقت اتصل فهد فيها وقفت ونزلت جلال الصلاه عنها وتقدمت لجوالها فتحت المكالمه وخذت جوالها وجلسا على السرير ردت بهدوء: اهلين فهد
فهد: هلا فيك كيفك ياعيوني
رسيل: تمام الحمدلله
فهد: ليه مو نايمه ومرتاحه وش تاركتك لهالوقت ومشغل بال حبيبه قلبي
رسيل: ولا شيء كنت نايمه وصحيت اصلي الوتر واقرا شوي قران قلت لعلي ارتاح فيها شوي
فهد تهند بهدو من حالتها: تقبل الله ياعيوني
رسيل: منا ومنك يارب . اي قلي وشمسوي انت وليه صاحي
فهد: ابد قلبي قال حبيبيه خاطرك صاحيه اتصل عليها وشوفها
ضحكت بهدوء وقالت: عن العياره فهود وش مصحيك جد
فهد: ولا شيء ياحبيبه قلبيي بس كذا واصلاً بالعاده هالوقت اكون صاحي فيه
رسيل: وداومك كيف تداوم وانت ماتنام الليل ؟
فهد: انام لي ساعه تكفيني وزود لاتشغلين بالك فيني اي عطيني من عذب سوالفيييك
رسيل: ولا شيء ماعندي سوالف سوالف علي يمكن انام على صوتك عدل فهد جلسته وبدا يسولف عليها وبعد مرور نص ساعه حس انها بدت تنام تكلم : بكره الصباح تجهزي بنطلع نفطر سوا
رسيل : من عيوني يروُحي وكمل فهد سوالفيه لاحد ماحس فيها انها دخلت بنومها العميق من انقطاع صوتها وانتظام تنفسها استوعها ربي وقفل تلقونه ينام له ساعه قبل الفجر.
_________
يوم جديد وصباح جديد الكل كان نايم وهارب من مواجهه هالفقد كل شخص غارق بتفاصيل وهواجييس وسارح بخياله ماعدا شخصين سارحين بشيء جمييييل جدا شيء انقى من الثوب الابيض عند بحر وبيلين كانوا جالسيين وسارحين بخيالهم وكيف راح تكون حياتهم بعد كم شهر شيء جاهم وصار كالبلسم لهم من حزنهم نرجع بالوقت للامس وقت التحاليل دخلوا المستشفى وعلى طول اتجهوا لغرفه الدكتوره دخلوا بعد ماسمحت لهم بالدخول ناظروها وكانت راسمه الدكتوره ابتسامه خفيفه من ملامح الخوف عليهم جلسوا قدامهم وتكلم بحر بعد صبر: وش فيها بيلين يادكتوره عسى خير
ضحكت بخفه الدكتوره وقالت: خير خير اخوي مافيها الا كل خير
بحر تنرفز من ضحكتها وقال بعدم صبر: طيب وش هالخير قولي لي وطمني قلبيي يرحم اهلك
مدت بيلين يدها وشدت على يد بحر وقالت : اهدى طيب عطها فرصه تتكلم
سكت بحر وينتظرها تتكلم كانت الدكتوره تراقب توتر بحر وبيلين واحتارت تطرح الخبر على مسامعهم ولا تطرح الخبر على بيلين وهي تتصرف يمكن حابه تفاجاه او شيء ماتدري كتبت بورقه صغيره مبرووووك انتي حامل حابه تبشرين زوجك لوحدك او اقول له اخذت هالورقه وحطتها بيد بيلين مسكتها بيلين برجفه وفتحتها وقرت الكلام وشهقت شهقه قويه وبدت دموعها تنزل ماتوقعت ولا واحد بالمئه تحمل هالفتره نهائياً توتر بحر منها وعجز يصبر وهو يشوف رجفتها سحب الورقه وبيلين ماعارضت نهائياً طلعت الدكتوره من عندهم تاركه لهم مساحتهم الخاصه فيهم رجف فك بحر بعدم تصديق رفع نظراته على بيلين وقال: هذا ايشش صدقق هزت راسها بيلين بدموع وقف بحر ورجع يجلس وقال: بصير ابو بيجينا ظنى مني ومنك مسك راسه بصدمه وقفت بيلين ومسكت وجهه بكفينها وقالت: بتصير احسن واحن ابو صدقني عيالي محظوظين بابوهم وقلبه حضنها بحر ودفن وجهه برقبتها عجز يتحمل جلس على الكرسي وجلسه بحضنه ومازال دافن وجهه برقبتها بعدها عنه وقال: مو مصدق بصير ابو انا بصيرر ضحك من كثر ماكرر هالكلمه قاطع عليهم دخول الدكتوره وخجلت بيلين من جلستها بحضنه ابعدت عنه وجلست على الكرسي المقابل له وبدت الدكتوره تعطيهم التعليمات والاشياء المهمه عليهم قاطع كلامها سوال بحر : نقدر نسمع نبضه ضحكت الدكتوره من حماسه وقالت : اي تقدر اذا تبيي امه نقوم ونسمعكم نبضه هزت راسها بيلين ووقفت معها واتجهت للسرير وانسدحت عليه ورفعت طرف تشيرتها ومررت الدكتوره السائل على طوف بطنها ووضعت الجهاز عليه شغلت زر النبض وبدا نبضه يغطي مسامعهم طاحت دموعهم من قوه نبض جنينهم جاهم يثبت حبهم وعلاقتهم وقوه تمسكهم ببعض بعد مرور ساعه وقفت بيلين بعد مامسحت السائل من عليها ونزلت تشريتها واخذت بعض الفتيامينات والمقويات وطلعت مع بحر وهم في قمه فرحهم ومشاعرهم المنفجره داخلهم كل شخص داخله مشاعره مبعثره مايقدر يعبر عنها بحر نسى حزنه وخرج منه يتمنى يخبر الدنيا كلها انه بيصر ابو من اعظم زوجه وصلوا بيتهم ودخلوا غرفتهم مباشره بحكم ان الوقت متاخر حيل واول مادخلوا لف بحر مباشره وجعلها بحضنها يحضنه ويشد عليها بالحضن يبي يدفنها وسط صدره ماكان يقدر يعبر بالكلام اكتفى بالشد لها وكل فتره يبعد عنها ويغرقها قُبل على كل جزء فيها استمر على وضعهم وتعبوا من الوقوف ابتعد عنها ونزع عبايتها ورماها على الكنبه وتوسط السرير وجعلها في حضنه يبها اقرب من احشائه انهل عليها بالقُبل لاحد ماتخدرت بيلين واستسلمت للنوم بين احضانه وقُبلاته .
__________
نرجع لوقتهم الحالي صحت بيلين ومن سرحانها باليوم الي فات ومشاعرهم تكلم بحر : يلا خلينا ننزل ونمحي الحزن منهم بهالخبر هزت راسها وعدلت شكلها ونزلت معه وهي ماسكه كفها كان بحر حريص عليها وعلى مشيها لدرجه يخليها تمشي على اقل من مهلها ضحكت من اهتمامه وقالت: تونا على هالحرص تونا بالبدايه .
ضحك وقال: مالك شغل لو سمحتي خليني اهتم على كيفي ضحكت
وقالت : ابد تحت امرك انا وصلوا وحصلوهم جالسين بالصاله كلهم ورسيل عبايتها على كتفها تنتظر فهد وقاسي وريفان الكل موجود القوا نظره عليهم وقال بحر: عندي لكم خبر
ابو بحر: خير يابوي وش فيك
بحر: ابشركم ياعائلتي الفخمه ولدكم الفخم والبكر بيجيه ولد
شهقت امه ووقفت وقالت: اصدق القول يابحر
ضحك بحر وقال: وربك يامي بيجيني ولد تعالت ضحكاتهم ووبدوا يحضنونهم بفرح ويباركون لهم وطلعوا من جوهم الكئيب قطع عليهم فرحتهم صوت جوال رسيل الي اعتلى فرحتهم فتحت عليه رسيل: هلا والله
فهد : هلا فيك يابوي يلا انا عند الباب اطلعي .
رسيل : ابشر يلا طالعه
بحر وقف على بال ماتلبس رسيل عبايتها وقال: بروووح ابشر فهود
ضحك قاسي وقال: اي لازم يبشر هالفهد ضحكوا من قاسي وغيرته على بحر الخفيفه وطلع بحر : ارحب يالفهد
فهد نزل وضمه: البقى ياخوي وشلونك
بحر : بافضل حال وانا اخوك البشاره يالعضيد .
فهد : ابشر بعزك ياخوي قول وش عندك وخلني اطلق حجاجي معك ويستهل خاطري .
بحر : اخوك وعضيدك بيصير ابو يالفهد
سكت لوهه فهد وحضنه من استوعب وبدا يلقي كلماته بالتهنئه والمباركه لاخوه وعضيده صحيح ربي مارزق فهد باخوان لكن عنده بحر وقاسي يسوون عيونه واعز من نفسه علييه ترك بحر اول ماشاف رسيل طالعه خبط كتفه بحر واستودعه الله ومر لـ رسيل يقبل راسها ويشوف تحتاج شيء ولكن اجابته: ماتقصر ياعيوني بس ماحتاج شيء والله بعدين فهد معي اذا احتجت شيء مابيقصر هز راسه بحر ودخل تاركها تطلع لـ فهد وصلت له واستقبلها حضنه الدافي توسطت حضنه لعده ثواني وابتعدت عنه تركب السياره ركبوا واتجهووا لمطعم محبب لقلب كلاهمها اتفقوا بحب هالمطعم من اطلالته للاكله الذيذ وصلوا ونزلوا شبك فهد انامله بانامل رسيل ضحك من ميز فرق يدينهم وكيف يده كبيره مايله للاسمرار عكس يدها الناعمه البيضاء ويزينها اسورتها الناعمه وخواتمها شد على يدها ودخل وطلبوا اكلهم وجلسوا يتناقشون ويسوالفون بكل شيء خلصوا فطورهم ورجعوا للبيت
