انا وسمني جوهرة و نعتب روحي جوهرة صح منسحق حتى واحد يديرلي قيمة خاطر انا دايرة قيمة لروحي عايشة مع بابا و ماما انا هي طفلة الوحيدة و معنديش خاوة ولا خواتات و بحكم هاد الشي لحاجة لي تعجبني نديرها و لي لالا ، جا يوم و قالي بابا بلي حاجوزني بوليد صاحبو قالي هادا الشي الوحيد لي في عمري طلبتو منك نتمنى تحقيهولي قالي بلي هاد البنادم راجل بكل صفات ووسمو ايهاب بصح انا مارانيش قابلة وقلت بابا انا مارانيش حابة نتزوج قالي حبيتي و لالا تتزوجي بيه ، درت البحث تاعي عليه ولقيت مافيه حتى عيب اكس و ماكاش قعدت خممت مع روحي ولقيت فكرة باه نتهنى من هاد الموضوع .
قالي بابا سمانة و تعقدي و تعرسي تروحي لدارك وانا سايست و سكت وعاد شي ماشي من عادتي ، لحق نهار العقد و العرس كانو في يوم واحد كانت معايا بنت خالتي رقية مارانيش قريبة منها بصح تبقى عايلتي و كانت مانا و خالتي يمات رقية معايا يعاونوني باه نوجد روحي لبس ابسط حاجة ممكنة خاطر بروحي مكنتش حابة نتزوج و مكنتش راح نستسلم للواقع .
مور ساعة قالولنا بلي جا الامام و موظف البلدية باه نكملو زواج و اليوم كانت ثاني مرة نشوف ايهاب لولا كي جا دار الشوفة بصح انا مركزتش معاه مي اليوم شفتو كان لابس كوستيم زرق غامق هادا وش شفت خاطر كنت مشغولة نفذ خطتي ..........
عقدنا و قرينا الفاتحة و كلش و في وسط الضياف و اللمة نضت و قلت باعلى صوتي : انا مارانيش قابلة و بابا زوجني بسيف و اجبرني باه قبلت
ايهاب قعد يخزر فيا قالي وش راكي ديري وسط الناس و قالي كفاه ماراكيش قابلة لاه مقلتيش كي جيت ف الشوفة ولا نتي تع فضايح ؟ قتلو ايه انا تع فضايح و طلقني دوكا منروحش معاك و منضنش تقبل على روحك تعيش مع واحدة ماشي حابتك ! قالي ايه منقبلش روحي راكي مطلقة بالثلاث ومنشوفكش و الضياف لي جاونا و شهدو على العرس هوما ثان شهدو عالطلاق هو كمل من و انا نسمع عيطة من تع يما بابا بابا طاح .........
........الحاضر........
هاد الشي عندو عامين ملي صرا 23/8/2021 نهار لي تقلبت في حياتي تزوجت طلقت و تيتمت ، ايه بابا حبس قلبو من واش درت و ماما لدوك مقدرتش تستوعب بلي بابا مات و مراهيش تهدر معايا و ايهاب مازدش شفتو. من داك نهار ....
النهاية.
كل حاجة و عندها نتائجها
ادا عندكم فكرة لاي رواية و لا قصة قصيرة يكتبلي في التعليقات و ندير مجهودي نكتبها
B.L💜
