آفْرُودِيتْ 🦢

الحلقة الرابعة و الستون🧚‍♀️

🔸️حلقة 64
🔸️أركان_يحكي:
كبست على القلم أكثر و كملت بقية تفاصيلها...لي غطست فيهم أول ما بدا الإجتماع...لدرجة ما سمعت حتى كلمة لي تقالت و لا حتى فاش يحكيو بالظبط توقعت إني فقدت موهبة الرسم اللي قطعت عليها بعد موت دانييل...أما في اللحظة هاذي لقيت روحي نرسم فيها بكل تفاصيلها...فقت من سرحتي على صوت واحد منهم يحكي
ألبرت:سيد أركاان...أنت شقولك في الموضوع هذا
هزيت عينيا في وجهو و خذيت نفس طويل نحكي
أنا:الإجتماع وفى...نحكيو في بقية التفاصيل مبعد
مديت يدي شوية و عطيتهم إذن باش يخرجو غزرلي بالوقت يحكي
نوح:كنت ترسم فيها ؟
عديت عينيا على تفاصيلها مرة أخرى و سكرت الدوسي نحكي
أنا:منعرفش علاش قاعد نحس أنها قريبة مني برشاا
نوح:تتوقع أنها مشات من هوني بإرادتها ؟
أنا:ما نستغرب حتى شي من إليناا...نعرف أنو صحة راسها و اللي تخمم فيه...فوق كلشي
نوح:اللي صار معاها كان كبير برشاا...خسارتها لخوها و تعرضها للقتل...أكيد باش تفضل الإنسحاب
أنا:أنا لي معرفتش نحميها كيما وعدتها...و مع هكا مكانش لازمها تبعد...خاصة أنها مسؤولة على قطعة مني تواا
نوح:تتوقع أنها حافظت عليه ؟
أنا:ماهيش باش تتخلى عليه...أنا متأكد...هي مستحيل تفرط في قطعة من روحها
نوح:ملا لازمك تلقاها في أقرب وقت
أنا:حتى لو لقيتها...مستحيل تسامحني...قبل ما تبرا من جروحها...أما علاقتب بيها كوم و أنها تبعد عليا ولدي و لا بنتي كوم آخر...مستحيل نسامحها عليه بالنسبة ليا صغاري خط أحمر...ممنوع أي حد يتعدا عليه
نوح:إن شاء الله زوز يكونو بخير...هذا أهم شي توا
أنا:إن شاء الله...أنا باش نبقى في المكتب متاعي و يا ريت تخبر ديانا تلغي كل الإجتماعات لي عندنا اليوم
نوح:باهي كيما تحب
هزيت الدوسي في يدي و خرجت معاه..توجهت للمكتب متاعي...دخلت و جبدت تصويرتها من جديد عديت عينيا عليها و عبيت الكأس متاعي...اليوم بالظبط ما عندي حتى رغبة في الخدمة و لا في أي شي آخر كبست على الزر أول ما طلبتني و خذيت نفس نحكي
أنا:شفما ديانا ؟
ديانا:سيد جيمس يحب يشوفك توا
أنا:خليه يدخل عندي
ديانا:حاضر سيد أركان
عديت يدي على وجهي بالوقت...زعمة اللي نحس فيه صحيح و هي قريبة مني...قلبت الورقة لي فيها صورتها أول ما دخل...غزرلي يحكي
جيمس:سيد أركاان...فما أخبار مهمة لازمك تعرف بيهم
أنا:تفضل نسمع فيك
جيمس:مدام إلينا موجوودة هوني في أثيناا
هزيت عينيا في وجهو من غير حتى كلمة...كمل يحكي
جيمس:و مصادرنا طلعت صحيحة بخصوص وجودها في بريطانيا...أما لتوا منجمتش نحدد هوية الشخص لي معاها و لا عنوانها زادة...الشخص لي معاها يعرف كيفاش يخفي أثرها...خاصة أنو مفما حتى دار شراوها و لا أجروها في آخر فترة
أنا:من وين عرفت بوجودها هوني ؟
جيمس:تأكدت من موعد الطائرة لي حطت قبل أيامات يعني طول الشهور لي فاتت و أنا مراقب كل الرحلات من بريطانيا لأثينا...سواء الرحلات العامة و لا الخاصة غير هكا عندي صور تثبت وجودها هوني
غزرتلو مع دقات قلبي لي قوات مع ذكر الصور...حط الظرف في يدي يحكي
جيمس:مشات للمقبرة في أول يوم ليها...يعني لولا وجودها جنب قبر ويليام مكناش نجمو ناخذو الصور خاطر رجال كانو مغطيين المكان
كبست على الظرف و جبدت الصور...يمكن صورة و لا زوز برك لي كانو ملامحها واضحين فيهم...غزرت لصورة أخرى و لي توضح أنها حبلة...و لا أنا لي قاعد نتوهم خاطر بالرسمي مزلت نحب على الصغير هذا منها
جبدت آخر صورة...لي خلاتني ضايع أكثر و أنا نغزر لشكون واقف مقابلها و يمس فيها زادة...أصلا منعرفش كيفاش نجمت نحافظ على الهدوء متاعي رغم النار لي حسيتها شعلت داخلي في لحظة..هزيت راسي شوية و غزرتلو نحكي
أنا:الشخص لي هووني...عفس بساطي و تعدا على أملاكي زااادة....و مدامني كلفتك باش تكون العين لي نشوف بيها برااا...أنت مجبور تعرف شكون الشخص هذاا و كلشي يتعلق بيه...حتى العنواان لي هووما فيه توااا
مديت يدي و شاورتلو باش يخرج قبل ما ينطق بحرف واحد...دخل نوح بعدو مباشرة...كبست على الصورة و مزقتها بيدي بكل الغل لي حسيت بيه في اللحظة هاذي ناحيتها...خاطر مستحيل نسامحها إذا كان اللي صار من شهور بإرادتها...غزرلي يحكي
نوح:لبااس ماااهو ؟
أنا:كنت نعرف أنها قريبة مني
نوح:رجعت ؟
أنا:رجعت صحيح...أما كل الحسابات تبدلت تواا
نوح:مفهمتكش...مدام رجعت خلينا نمشيو للعنوان لي هي فيه تواا
أنا:لااا...هي اللي باش تجي لعندي بسااقيها المرة هاذي و مهما كان السبب اللي باش يجيبها...الإنتقام..الكراهية الحب...و لا حتى الصغير اللي بيناتنا...هي باش تجي لعندي وحدهاا
نوح:شنية صاار ؟ شبيك حقد-ت عليها هكا ؟
أنا:أنا ولا مرة حقد-ت عليهاا...أما زاادة مستحيل نتنازل لأي شخص...يتعدا حدودو معايا...حتى لو كانت هي و وجودها مع شخص آخر توا و لجوءها ليه...صدقني باش يكلفها برشااا
نوح:باهي...يمكن عندها أسباب مقنعة...حاول أنك تسمع منها قبل...في الأخير هي خسرت خوها و هو في حماايتك
أنا:أناااا ولا مررة نكررت الغلطة متاااعي نووح نعررف إني خيبت أملهااا في برشا حااجات...أما الخطوة هاذي منها مااهيش مقبوولة...لازمها تتعلم توااجه...مشااكلنا و خلافاتنا نحلوها مع بعضنا...مش بالطريقة هاذي
هزيت الكأس و شربتو على ضربة...فرد وقت قربت ناحية البلار...خاطر نحس في روحي باش نتخنق من الفكرة هاذي و مهما كان الشخص لي معاها و أهميتو عندها...باش يدفع ثمن وجودو هوني و الإعتدا-ء على أملاكي زادة.