#رواية_تدخل_الشياطين🔥.
#للكاتبة_سوسو_الشريف🖇♥️.
.
.
.
.
الحلـــــ(12)ـــــقة ....
سعد:نا نبيكي تخطبيلي يا امي..
سعاد:ماشاءالله واخيرا نبي نفرح بيك 🥺❤️❤️ بس الشهر هظا ميصيرش منه وانت عارف عليش بس الشهر الي بعده نبدأ اندورلك....
تسنيم:واخيرا بيقعد عندنا فرح😍😂❤️❤️.
سعد:لا متعبش روحك نا حاط علي وحدة نبيكي تخطبيها ليا...
سعاد:من هي؟؟؟
سعد: نور بنت عمي موسى...
سما&تسنيم:كيييفف؟؟؟؟؟
سعاد:...
سند اتصل ب حور...
حور:الو سند خير ان شاءالله...
سند:من وين يبي ايجي الخير وانتي في حياتي...
حور:شنفي بسم الله ونا شندرتلك..
سند:ومزلتي اتقولي شن درتلك انتي وحدة منكش متربية ولانك بنت اصولل..
حور:ههيي شنتقول احترم نفسك وين لاقي روحك انت...
سند:انتي ط...وفجأة ايجيه كف من
امه...
حور: سند شنو الصوت هظا😳؟؟؟
سليمه:معش اتجرأ واتقولها كيف تقدر اتقولها انت اصلن😡😡😡...
سند يعيط: ياامي انا حور خلاص معش قعدت متريح معاها نبي انحس بشوية استقرار فحياتي حتى حمل معش حملت خليني انتزوج وانعيش....
سليمه: سند عارف كان طقيت في حور بكلمة نغضب عليك ويحرم عليك الحوش ولا كان طلقتها انت اطلع من الحوش مش هيا حور بنتي فاهم يا سند بعدين تعال هنا انت مش عاجبني الايام هذين مش طبيعي...
سند :انا طبيعي يا امي وبكامل قواي العقلية وبعدين انتم اهلي المفروض تدعموني علي قرار كيف هكي...
بعدها يسمعو صوت التليفون والواضح ان سند مسكرش الخط وحور سمعت كل شي...
*ـ ـ ـ ـ ـ ـ ـ ـ ـ ـ سوسو الشريف🖇️♥️ ـ ـ ـ ـ ـ ـ ـ ـ ـ*
عند سعد...
سعاد:شننوو نور ماغيرها..
سعد:امي نبيها البنت....
سعاد:يعني كملن البنات جايني ع نور في مية بنت غيرها نورر لاا...
سعد:كنك يا امي انا اخترت انا الي نبي نتزوج..
سعاد:سعد هنا كلمتين نور احلم بيها وبعدين من قلة البنات...
تسنيم:مش انت كنت تبي رهف شنصار شن الي غير رايك؟؟
كلهم انصدمو..
سعد:كنت لاكن توة غيرت رايي..
سعاد:رهف ماشاءالله عليها غار قولي وانعدي نخطبها لك وانت ديما لاط ع الحاجة السمحه رهف عادي نور لا هظا خاطي قلة الادب واللسان الطويل نور متشرفنش...
سما سمع فيهم وساكته..
سعد مننكرش ان فرح بكلام امه وطلع من الحوش..
اما عند رهف
بعد ما بكت قررت ان مش ح تستسلم واتسلم شي ايخصها لشخص غيرها مسحت دموعها وفتحت باب دارها خشت للحمام اكرمكم الله وغسلت وجها طلعت لامها..
رهف:ماما..
عفاف:نعم تعالي كنك تبي شي؟
رهف:ماما نا مش موافقة ع الزواج...
عفاف قعمزت كويس وبإنتباه:كيف صار مش كنتي موافقة شن الي غير رايك جأة المشكله ممرتش حتى نص ساعة علي كلامنا؟
رهف:هكي حسيت بضيقة مش متريحة ومش مطمنه وقلبي ينغز فيا ماما منبش نتزوج حتى نفسيا مش مستعدة وحاسة الزواج هظا بيأثر سلبا علي حياتي..
عفاف:بالك اتخيلي بس هظا شي طبيعي بعد البنت تنخطب اتحس بالخوف انها رح تطلع من حوش هلها...
رهف بدت تبكي:لالا ياماما الله يربحك هظا بالذات مش متريحتله قوليلهم مش موافقة..
عفاف تنهدت:حاضر حبيبتي مفش شي بالغصب والي تبيه بيصير بس انتي متضايقيش روحك اهم حاجة نفسيتك اتكون كويسة... مسحتلها دموعها...
رهف ابتسمت حضنت امها:انتي احسن ام فدنيا كلها🥺❤️..
عفاف اضحكت:هيا صبي خشي للحمام اغسلي وجهك❤️..
رهف:حاضر باستها فخدها وعدت..
