_ وين نروح يوم
_ ارض الله واسعة انتي تأذيتي هواية بسببي بنيتي و هسة ماراح اسمح لاحد يأذيج
_ يعني وين ناوية نروح يوم
_ نروح غير محافظة
_ خالة يمكن مراح يعجبج حجي بس اني اليوم راجع لبغداد تكدرين انتي و فجر تجون وياي
_ يمة مو عيب هل حجي متقوملنه فايمه عد ربنه
_ خالة مو قصدي شي بالقران بس تجون تكعدون يمنه اني و امي و بيبيتي اني ابوية ميت و حتى خوان ماعندي _ لا وليدي ماينفع هل حجي
_ خالة والله اريد اساعدكم
_ يوم خلي نروح وياه ماعدنه مكان احنه مو مال تبهذل
_ خالة والله راح احطكم ع راسي امي و بيبيتي راح يفرحون هواية تصير عدهم بنية مثل فجر
_ خالة والله ماعرف شكلك
_ وافقي خالة و خليها ع الله
_ ها يوم موافقة
_ اي يمة ماعدنه غير حل
_ فجر انتظري اني راح اجيبلج ملابس من عندي لان اني ابات بالمستشفى و مرات ابقي ملابس هنانه
_ شكرآ
راحت وئام جابتلي ملابس تنورة و قميص و شال بدلت ملابسي و طلعنه احمد و دفع فلوس المستشفى هو و اجرلنه سيارة و اخذنه بيها طبعا شكد حلوة من انت بكارثة ويجي واحد الله دازه الك يساعدك احمد جان لا يكوم ولا يكعد عد امي كلش جانت تحبه و تحترمه .. وصلنه لبغداد ❤ فديتها شكد حلوة ❤ و دخلنه لبيت احمد طبعا جان بيت كلش دافي و حلو ز مرتب مو بيت جبير وسط بس حلو طبعا احمد جان موصي امه تحضر النه غرفة و حاجيلها ع كلشي ام احمد هواية تعاطفت ويايه :
_ يووم يمة مااماا مووذر اني اجيت
_ هلا هلا باحمد
_ كافي تبوسيني شنو جنت بالجبهة و لا تبطلين سوالفج _ غير ابني و اموت عليك
_ اني هم يا بعد كلبي ❤ .. كافي حبجيات سلمي ع الجماعة هاي ام فجر
_ هلا بيج
_ هلا بيج عيني اهلا و سهلا
_ وهاي فجر
_ هلو خالة
_ هلو حبيبتي جنت اتمنى يصير عندي بنيه الحمدلله صارت
_ تسلمين خالة .
[ لا تستغربون ابد من احمد او ام احمد ترة اهل العراق هم اهل الطيبة و الكرم هم الاصل احمد و امه نموذج للناس الزينه ] .
خلصت امتحانات و نجحت جان معدلي درجه حرارة 52 ههههه بس الحمدلله نجحت و احمد لعب بيه طوبة لان قراني و جبت هيج معدل المهم مو زين مني نجحت داومت معهد فنون جانت حياتي حلوة كلش جان كلشي مرتب و بمكانه اني تمنيتها دوم هيج بس تأتي الرياح بما لا تشتهي السفن
تعشينه عشه زين لان صارلنه 4 ايام مماكلين شي بيه خير و رحنه للغرفة علمود نام :
_ فجر
_ ها يوم
_ منو يصدك اني وياج نام خارج البيت
_ والله محد يوم مااصدك خلصت من ادم
_ و عمار الجلب
_ سدي الموضوع يوم ماريد اتذكر
_ ماشي يمة تصبحين ع خير
_ وانتي من اهل الخير
هل حجي ساعة 10 .. ساعة 12 باليل فزيت جان عندي وجع مينوصف عطيت قوي كلش ركض سمع احمد عياطي و اجاني ركض من غرفتة فتح الباب و شغل الشمعه و حط رجله ع فراشي و لزم رأسي :
_ فجر شبيج شدتحسين وين الوجع
اني لزمته اديه ثنيناتهن من التشيرت مالته لان جان لابس تيشيرات و باوعت عليه و كمت ابجي قوي :
_ احمد راح اموت الوجع كلش قوي
_ باعلي عليه خاف راح تجيج الدورة شوكت اخر مرة اجتج
اني عيطت قوي و بديت انزف من جديد طبعا احمد عرف انو اجتني الدورة .
المعروف [ انو الي يجيها الحيض و هي مسويه ختان و خصوصا اذا بالبداية راح يوجعها كلش و هذا نتيجه لاختلال بالهرمونات الجنسية ] .
احمد جان يباوع عليه و عيونه مدمعه لان حيل مقهور عليه
ركض احمد يشوف دوء مسكن و هو جان عصبي كلش بشكل لان مينفع ينطيني اي دوء امي ركضت وراه دتشوف شراح يجيب :
_ ها يمة احمد
_ و تراب ابوية الي ماعندي اغلى منه الي يتقرب يم فجر اكتله و اذا ادم و عمار زلم يوصلون هنانه الا اكصص رجليهم .
جابلي احمد دوه و شربته و نمت بس جان الدوه بيه منوم لان الوجع مينوصف .. احمد قرر يهتم بيه ميروح للمستشفى الي هو يشتغل بيها اخذ اجازة علمود يهتم بحالتي زين .. احمد اهتم بيه اهتمام مصاير جان يخاف عليه كلش جان يصرف عليه و ع امي ممخلينه نحتاج شي و امه و بيبيته كلش جانو طيبات ويانه و ميضوجونه بكلمة وحدة طبعا احمد راد يقدم ع ماجستير و يدرس .. طبعا احنه بهل وقت علاقتنه صارت زينة و نعرف بعض لان عايشين بنفس البيت طبعا احمد بدأ يحبني بس محجه ابد و لا لمح .. بيوم جان كاعد وحده بالهول و ديدرس ام احمد صاحتني :
_ فجر فجورة
_ ها خالة امري
_ ودي هل جاي لاحمد
_ استحي خالة
_ ههههه ليش حبيبتي صارلكم شهر عايشين سوية ليش تستحين ادخلي و انطيه الجاي
_ ماشي خالة .
طبعا ام احمد جانت تحبني كلش و تريد احمد يحبني لان عرفتني اني شنو و اخلاقي شنو .. دخلت ع احمد الغرفة هو ابتسم كالعادة :
_ ليش امي تشغلج
_ خطية تعبانه هي ( مجنت اباوع بعيونه ابد استحي ).. انت شتدرس
_ ها اني طب بس دادرس ماجستير
_ حلو الطب ؟
_ يخبل لو ما الطب جان متعرفت عليج
اني خجلت كلش و دنكت راسي هو هم ابتسم يمكن قاصد يموتني ببتسامتة ❤_❤
_ ها صدك انتي يا صف و تركتي ؟
_ صف اول متوسط
_ يعني تعرفين تقرين مو
_ هههه طبعا
_ ههههههه اني اثول المهم شنو رايج تمتحنين خارجي _ شلون يعني ؟
_ -.- انطيني مجال .. شوفي اني عندي واسطه شنو رأيج اجيبلج كتب و تمتحنين لان بعد 3 اشهر و تبدي الكليات
_ عادي امتحن ؟
_ اكيد و اني قررت اعوف الماجستير هل سنة و اني ادرسج
_ لا لا عفية ميحتاج
_ ماريد تعبي يروح هيج باجر اجبيلج كتب و اني ابدي اقريج اوك
_ شنو اوك :/ ؟؟
_ اممم يعني اوكي
_ $ اسفة ماعرف هيج شغلات
_ ههههههه لذلك احبج
_ ها ؟؟
_ اقصد يعني تعججبيني كااخلاق
_ ماشي كمل قراية
اني سويت نفسي منتبهت ع كلامة بس اني اعرف هو يحبني و اني هم ماانكر عندي مشاعر تجااهه .. جابلي كتب و هو بده يدرسني و يشرحلي كل المواد طبعا ام احمد من جانت تشوفنه هيج تكيف و امي هم جانت تفرح كلش طبعا اني كتلكم انو وجهي عبس بس وياه جنت اختلف بس يحشش و يضحك يعني ضحكته تجبرك تضحك وياه ❤$ :
طبعا جانت بادية لعبة كرة قدم مال برشلونة و الريال و هو مندمج و مشجع متعصب لبرشلونة و اني اجيتله :
_ عادي تشرحلي احياء
_ بس شوية اخلص اللعبة
_ مو باجر عندي امتحان احياء
_ ماشي يا فصل ؟
_ الوراثة
_ اوك اكعدي
_ باعي هو شنو الوراثة هو ميسي من يكووول و جيب هدددف
اني باوعتله و متت ضحك ضحكت ضحكة قوية كلش صارلي هواية مضاحكة هيج ضحكة هو باوع عليه و خرب ضحك :
_ هههههههههههههههههه ترة بالقران اريد ادرسج
_ ههههههههههههههههه ميهم
واحنه نضحك ..
_ فجر ترة ضحكتج تخبل
خجلت كلش
_ ت..ت..سلم
_ يبوووو بعدج تخجلين مني ههههههههه
_ لا عادي $
_ والله اشو باوعلي بعيوني
_ ليش داباوع
