لا تدمر حياة شخصة بداعي ..
[ التقاليد_ الدين _ العرف_المعتقد_ المذاهب ] .
و انت لا تأيس من ما سيحدث لك ابدآ فهناك من لا ينساك و هو ؛
[ الله ❤ ] .
فما ادراك ما سيحدث لك بعد حزن عميق .
رواية فجر الي راح انشرها +18 الي جوه ال18 لا يقروها رجاءآ و خاصة البنات
اني فجر بنية عراقية من اهل الجنوب عمري 16 سنة جنت شكلي عادي يعني عيوني وسط خشمي متوسط حلكي جبير شكلي يضحك جان ههههههه و فوكاها شكلي معقد ياهو الي يشوفني يكلي اضحكي شصار .. عايشة ويه اخوية اخوية عمره 30 سنة و اسمه ادام عصبي كلش و ممتزوج لحد هسة وامي مرية جبيرة بالعمر و ابوية ميت و ماعندي خوات صح جنة عايشين حياة بما يرضي الله بس اني مجنت سعيدة بحياتي يعني اهلي بطلوني من صرت متوسطه بالاول بطلوني و كعدت بالبيت جنت بس اشتغل اخبز و انظف ويه امي تعلمت ع كل شغل امهات البيوت .. عندي هواية صديقات بطلوهم اهلهم من المدرسة و مثلي عايشات بس مجان عدهن اخوية ادم طبعا ادم هو الي كرهني بالبيت بس والله جنت ساكتة و ابد مااحجي و لا اجادل و لا اسوي اي شي جنت مستحمله عصبيته عليه بس امي تكلي لا تحجين و اني جنت اسكت .
طبعا بيت عمي بصفنه الي هو بيت عمار عمر 20 سنة و هستوه داخل كليه من عمري 14 اني احبه و هو يحبني بس محاجين سوية بس هو اعترفلي و بعدها محجينه هو كمل سادس ادبي و نجح و دخل كلية اعلام فدوة اله جان كلش شاطر طبعا عمار علاقتة كلش قوية بادم اخوية بس ممفاتحه بموضوعي ابد يسميني كدام ادم ختي فجر جنت بالسنة حسنة اشوفه و اظل افكر بيه و لا انساه .. طبعا جان هو من دخل كليه وواعدني انو يتزوجني بس يوصل سنة ثالثة جنت خايفة يشوف وحده حلوة بالكلية و يحبها بس ملاحظت هيج شي ابد عليه .
طبعا جان بعشيرتنه النسوان من فوك ليجوه عورة و لازم ينسترن و فعلا نسوان عشيرتنه و لا جان يطلع منهن شعرة و اذا وحده حبت و احد حتى الكتل ميفيد عدهم يطردون حتى اهلها من العشيرة يعني جانت فد قوانين كلش صارمه عدهم بس جنه معروفين بشرفنه و العفة مال نسوانه طبعا مجان عندي سوالف النت بعد ماكو شي احجيه عند حياتي خلونه بندي بالقصة .
امتحن عمار امتحانات الكورس الاول و استلم النتيجه كلها جيد جدآ فرحت فرحة متنوصف بس عمار جان بيه شي :
_ يوووم وينج خرب بيكم سميةةةة وينج
_ اجيت اجيت يمة شرايد
_ عمار نجح خلي نروحله
_ ادم ادم اروح وياكم
_ امشي ولي لا الزكج براشدي وين موليه كلهم زلم
_ ماعرف كلها زلم عبالي عازمين بنات
_ حتى انتي يمة تسلمين و تباركين و ترجعين ماشي مو تبقين تمضرطين
_ يمة هسة اني شحاجية
_ اي اني كتلج مو تكولين مكال
_ ان شاءلله يصير الي تريده
طبعا اهل عمار جانو اغنياء كلش يعني طاكين كلش جانو يعتبرون تصرفاتنه مال نبارك و نودي هداية مال متخلفين عود ع اساس همه مستواهم اعلى منه كبر لفهم .
راحو امي و ادم لبيت عمار دكو و سلموو و انطو هداية و ادم طلع ويه اخو عمار بس امي جانت ناسية بالبيت الثوب المخيطه مال خالة عمار و مجان غير عمار بالبيت و كالو منو يجيبه عمار كال :
_ خالة سمية اني اروح اجيبه
_ يمة وين تروح ترة فجر وحدها بالبيت
_ خالة شنو متئمنين ع فجر و بعدين اني من الباب و اجيبه و اجي
_ ماشي يمه روح و ديربالك يشوفك ادم
_ ماشي خالة
اجه عمار للبيت و دك الباب اني عبالي امي و مكمت لان اعرف ادم طلع ويه اخو عمار طبعا بيتنه جان باب و ممر و بنهاية الممر بردة يلا المطبخ طبعا بابنه جان واحد بس يسحبه يدخل اني جنت كاعدة بالمطبخ و مطبخنه بيه تلفزيون و اباوع ع تلفزيون و لابسة ثوب شوية مطلعه رجلية و شعري رابطه ليفوك اشو صحت :
_ يووم وينج ليش مدخلتي
سمعت صوت رجال :
_ فجر وينج
فزيت بسرعة و كمت من مكاني باوعت لكيت عمار رفع البردة بيدة باوع عليه من فوك ليجوة و ضحك :
_ صار قرن مشايفج اشتاقيتلج
_ عزة بعيني اطلع عمار تريد يموتونه هسة اذا واحد يجي شيكول
لزم ايدي قوي و دفعني ع حايط و حط ايده ع حايط و تقرب يمي :
_ هاي شبيج فجر مشتاقيتيلي
اني وجهي كله صار احمر مثل البركان اني ممتعودة ع هيج شي ابد :
_ وووخر عمار وداعت ابوية هسة يموتنه ادم
_ ميجي هسة لا تخافين .. فجر اريد ابوسج حلكج شكبرة يشهي
ادم جان ناسي موبايله و رجع للبيت ياخذ طبعا بهل وقت جان عمار كلش قريب مني بس هو جان ضخم مكدرت ادفعه و دخل ادم طبعا جانت فد كارثة متنوصف شافني ادم ويه عمار و يريد يبوسني وانتو تخيلو ادم جان بركان :
_ فجرررررر بت الكلب يا ساقطة نزلتي راسي ..............
طبعا غلط غلط من هذا القوي و هو ديكتل بيه عمار جان يريد يخلصني من جوه ايده و طبعا هو معاف عمار بحاله نزل بيه بوكسات بس اني كسر وجهي و جسمي كله تكسر عافني ادم بالبيت انزف من حلكي و خشمي و ايدي مكسورة و كالي :
_ هسة ارجعلج بت الشوارع
و سحل عمار بالشارع كدام الناس و دخله لبيته و صارت عركه جبيرة كلش انتهت العركه و اني جنت بالبيت حتى ميقبل ادم يدخلي اكل جنت بس بالغرفة يم امي و حالتي منتهيه طبعا ادم راد فصل 5 ملايين طبعا جانت اكثر بس قنعوو شيوخ العشيرة انو مصار شي يستاهل اكثر بس بس جانت 5 ملايين و عقاب لعمار و اليه طبعا عقاب عمار خلوه يترك الكلية و اني جان عقابي يختلف اجمعو شيوخنه انو لازم يسولي ختان او يسموه طهارة ( شلون يطهرون الولد يسموه ختان ).
