روح في بحر الظلام

الحلقة الاولى

لقائهه وياي كانما سنة مفاركتني تووصل ليمي تااخذ جنطتي مني

تتكلم بضحكات طفولية

مشمش:ولكم هلاا ولكم هلااا بعمري هلا بكلبي هلا بالنستلة جيبي جيبي

رديت عليها مقوسة حواجبي بأبتسامة

:هم كلبج النستلة لا رانيا ولا عمري هاج بس ماعت من الحر خل تبرد يلا تاكليهه

مشمش :لا لا هي هيج اريدهه مايعه مثلج ههههههه

بداخلي فرحانة بس رديت بملامح كاتمة ضحكتي وادعي الجدية
: انتي شهالسوالف الماصخة منين تجيبينهه

اباوعلهه تاكل بالشوكولا دخلنا للبيت عيوني تدور ع امي
:ماما ماماا

طلعت من المطبخ المس بأيدهه

ليلى:الله يساعدج ،يلا بسرعة غيري وتعالي ساعديني ترا ضهري مكسور من الستة الصبح لحد هسة مااشفت راحة وابوج راح يجي كاتلة الجوع

:يلا جاية، بس ابدل

بسرعة بدلت ملابسي وغسلت وجهي الجوو كان حاار التغسيل بعد تعب نص نهاار بالمدرسة كاان متعة من نووع آخــر ابتسسم واني اتحسس برودة الماء على وجهي وررقبتي وادية اقداامي

نادتني تستعجلني رحت بسرعة

اتكلم بنبرة متسائلة

:ماما شنو بابا يتأخر ترا ميته جوع

ليلى:لا مايتأخر جهزي الغدة اروح اخيط دشداشة ام عمر اليوم تريدهه خطية من زمان مأخرتها واذا اجا ابوج مايرضا اخيط يمة يكره صوت المكينة.

رحت اجهز الغدا شوية واجا ابوية

تعببان والشمس حاركته يجي مسافة جبيرة مشي لحد ميوصل للبيت حتى يقتصد بالمصروف ملابسة ملطخة دهن سيارات وجهه متعوب

رانيا:الله يساعدك بابا
رد بصوت تعبان روحه ذايبه

عماد:هلا بابا بس اصلي اريد الغدة جاهز وزياد ما يجي يتأخر ل تلاثة هسة مريت علي عزلو غداه

هزيت رأسي بالموافقة ورحت
اني هم رحت صليت الضهر واجلت صلاة العصر

حطيت الغدة عالسريع ومشمش وياي گعدنة على السفرة كلنا متعبين ارواح مرهقة ماما عيونهه تعبانة من الخياط وبابا يشكي من متنه رجال كبير واني من دراستي اللي مدا اسيطر عليها وسالفة دريد اللي شاغلة بالي وما اعرف شلون اتصرف ولا المن اشتكي

عكس مشمش رغم صغيرة بالعمر هي بس مسوية جو بالبيت ، بابا حيل يحبهه من يكعد تعوف غداهه وتهفي علي وتسوي سوالف تخلي يكزكز عليهه رغم عصبيته ومزاجه الحاد تخلي يضحك غصب عنه

عكسي تماما اني خجولة هادئة جبانة جملة ما اعرف ارتب ولا كنت اعرف اجامل اتمنى بس ما اعرف
ما اعرف اذا ربي خلقني هكذا او اللي مريت بي خلاني بهالضعف