الجميلة و السايكوباثِ

دامِس (23)

﴿ الجميلة والسايكوباثِ ﴾

بقملي أنا : چمارة علي 🤍

بسم الله

               °°°°°°°°°°°°°°°°°°°°°°°°°°°

ابيجيل : خبب شنية وين راح دامِس ؟

سدِم : جوز عندة شغل فوك

ابيجيل : شغليش .. دبقي حبيبتي ابقي أني كايمة اسوي أكل دام هوة عندة شغل ..

انصدمت وكالت

سدِم : يااااا أنتي تسوين اكلل ؟؟

ابيجيل : ابتسمت وكلت .. أي عادي اكلي كلش طيب

سدِم : يااااا .. شايفة أني شكبرني ما أعرف غير بس اطك بيض واندومي وسباكتي وحتى اسويهن مو طبيات ..

ابيجيل : أني بديت اتعلم من وأني عمري 10 سنين أول أكلة سويتها ... تعاي خل نروح بالمطبخ مادام اسيل نايمة ..

كامت وياي ورحت للمطبخ .. وكفت تخصرت وكلت ..

ابيجيل : شنو اسوي أكل ؟

سدِم : بكيفج ..

ابيجيل : بلة أنتي كوليلي شنو اسويلج يعني أكلة تحبيها علمود تقيميها ..

سدِم : ما أدري والله أني ما مشتهية أكل

ابيجيل : أوك بس كوليلي شنو ومن راح تشوفيها عود راح تحبيها وتاكليها غصباً .. بأبتسامة ..

سدِم : ههههههههه .. بكيفج أي شي ..

ابيجيل : ابتسمت وكلت .. يمعودة هسة كولي شمشتهية ؟؟

سدِم : امممم .. سوييي ... مقلوبة تعرفين ؟

ابيجيل : تدللين عيوني .. هم زين عدنا دجوج وعدنة طميطو وعدنة بتيتو وعدنة بذيجو

سدِم : بذيجو شنوو ؟؟

ابيجيل : يعني بيتنجان ..

سدِم : ههههههههه ..

ابيجيل : ضليت اقطع الخضروات .. وطلعت الدجاج وسألت ..

سدِم : ابيجيل اعتذر على سؤالي .. أنتي هم مرة طالعة ؟؟

ابيجيل : جريت نفس وغسلت أيدي ودرت وجهي الها وكلت ..

- لا

سدِم : بتعجب .. ابدددد ولا مرةةةةة

- مرة وحدة .. ومن هاي المرة بعد ما ردت اطلع أبد

سدِم : يعني ما تطك روحج هنا ؟

ابيجيل : اممم .. مرات بس ما اكول لدامس

سدِم : ليش ؟

ابيجيل : لأنو راح انكتل وما يطلعني لو أموت

سدِم : صدك يعن بعمرج ما شفتي الضوة ؟؟ أو الشمس ؟

ابيجيل : لااا شفتها .. أكو غرفة بيها شباك صغيروني من اضوج أصعد اشوف الغيوم ..