غرفة 307

part 8

غرفة_307

بقلم الكاتبة: أزل العقابي

تصويت + تعليق + تعليق بين الفقرات ♥️
----------------------------

لَيش خليت الشِوارع كِلهه بعَيوني سِجن .

-----------------------------------

-: عيونة نطن ودگات گلبة صارن واضحات
عصر ايدي بقوة وحچة من بين اسنانة..

-: منوو؟..

-: يحچي ويرجف وبنفس الوقت عصبي
وذاك ساكت ومبينة من ملامحة الخوف وكأنما جابرينة هيچ يسوي ..

يبلع بريگة العرگ ينزل من وجهه ما حسينة غير يشرد عاف ايدي سينمار وراح يركض وراه بأعلى سرعة..
ضليت واگفة على الباب واباوع عليهم لازمة دشداشتي بأيدي وعاصرته من الخوف الي عايشتة هسة..

اختفو من المنطقة سديت الباب ضليت واكفة اجتني فكرة اشرد واعوف سينمار ضحكت درت وجهي جاي افتح الباب ودخل سينمار..

فحطان وما يگدر يحچي اشرلي على حلگة معناهه جيبيلي ماي رحت ركض للمطبخ جبت ماي واجيت گعدت گبالة ..

رفع شعرة وفرغ باقي الماي على وجهه نزل راسة وشابگ اصابيعة وي بعض گال وهو منزل راسة -:
-: شرد مني الخسيس ..!

-: انتَ تعرفة ..؟

باوعلي وگال بأستهزاء
-: لو اعرفة اضل گاعد..؟

-: هم صدگ
ما اهتملي گام من مكانة ويعض بأصبعة ويفتر
اسمعة يفشر بصوت ناصي ومبينة العصبية من ملامحة ..
شوي وگلت -:
- اگلك انتَ ليش ما تروح تدور وراه بسيارة ..؟

-:خرب عقلچ، بس گليلي هنا عقل لو مطي ..
ويأشر على راسي
سكتت ما جاوبتة عافني وراح اخذ سويچة مالت السيارة وما اجة منا لحد اليل
دخل وعيونة داخلة بحفرة ويفرك بعيونة گعد بالگاع
ويطگ راسة بالحايط بقوة ويون اتقدمت يمة وافرك بأصابيعي

-: سينمار يوجعك شي ...؟!

-: راسي روح راسي راح ينفجر..

-: خاف ضغطك صاعد ليش ما تروح الصيدلية
تجيبلك علاج ..

-: تؤؤ عوفيني وحدي ..

-: بيك شي سولفلي ..؟!

-: گتلچ عوفيني ..

-: اي رايحة دخلت للغرفة وگعدت يم الشباك اراقبة
اباوع التحركاتة ساعة يطگ راسة بالگاع بحيث يطلع صوت قوي وساعة يفرك بعيونة بقوة
وجهه احمر مثل الدم وايدة ترجف رجع راسة ليورة على الحايط وغمض عيونة

حطيت ايدي على خدي واباوعلة گمت من مكاني ورحت للچرباية مديت روحي ونمت ...
گعد الصبح فزيت من مكاني طلعت برة لگيتة نفس مكانة ونايم رحت اگعدة انغزة بأصابيعي على چتفة فز من مكانة مزعوج..