صلوا علي النبي ♥️
استغفروا ربنا ♥️
اذكروا الله ♥️
✨ندعي لاخواتنا في ثانويه عامه عشان امتحاناتهم النهارده أن ربنا يوفقهم و ينجحهم و يناولهم المجموع اللي بيحلموا بيه و يفرح قلوبهم و قلوب أهليهم يارب✨
_________________________________________
جميله: غيييييييييييث
غيث بفزع: ايييييييييييه
جميله و هي تنهج: يا حيوان خضتني
غيث بسماجه: خوفتي عليا؟
جميله بقرف: ياشيخ اتنيل ... في حد ينام علي الارض كده؟!
غيث بتثاوب: راحت عليا نومه عادي
جميله بدهشه: انت ايه يالا البرود ده يخربيتك
غيث: ماهو مخروب خلقه هيتخرب ايه تاني
جميله بتأفف: طب يلا عشان جدو بيقولك تنزل تتعشا معانا
غيث بتردد: طب ممكن طلب لو ممكن يعني و لو مش ممكن فا خلاص عادي؟
جميله ب استغراب: اطلب؟
غيث: ينفع تقولي لسعد بيه اني مش هقدر انزل اتعشا معاكوا؟
جميله: بس ليه؟
غيث: انا مش واخد عليكوا لدرجة اني اتعشا معاكوا ولا انتوا طايقني اصلا
جميله بتفهم: اممم تمام هقوله بس لو موافقش ماليش دعوه ساعتها
غيث بابتسامه: تمام
غادرت جميله ليدخل مراد غرفة غيث: انت كل ده محطتش لبسك في الدولاب!!!!
غيث: راحت عليا نومه صحيت علي اختك و هي بتصرخ
مراد ب استغراب: بتصرخ ليه؟!
غيث: افتكرني مُت باين عشان كنت نايم علي الارض
مراد بضحك: طب ما ليها حق يابني
غيث ببرود: يلا انتوا عيله مجانين اصلا مش هستغرب
مراد: طب لم نفسك و انزل يلا عشان نتعشا
غيث: انا قولت الجميله تقول لسعد بيه اني مش هقدر انزل
مراد: و ده عشان بابا طبعاً
غيث: عشانكوا كلكوا انا مش واخد عليكوا برضو فا هتبقي صعبه
مراد: خلاص نتعشا سوا هنا
غيث بتردد: هتتعشا معايا بجد؟
مراد بغرور: اه ياعم ابسط مراد باشا هيتعشا معاك
غيث: لا انا بقول تنزل تتعشا مع عيلتك احسن عشان انا خلقي يادوبك والله
في غرفة الجد سعد و الجده رجاء طرقت جميله الباب ليأذن لها بالدخول
YOU ARE READING
الضابط و المظلوم
Actionتدور أحداث الروايه حول شاب وحيد يعيش مع والدته في منزل صغير يعمل سائق لدي عائله كبيره تسمي ب "المنشاوي" ليقع بطلنا في مشكله كبيره تؤدي إلى رميه في السجن ماذا سيحدث في حياة بطلنا و ما الصعوبات التي ستواجهه؟! تابعوا معي كل جديد لتعلموا ماذا سيحدث🥰❤️
