မျက်ဝန်းများဟာရုတ်ချည်းအရောင်မှိုင်းသွားသည်မို့သူကျေနပ်သွားရပြန်သည်။
ဧည့်ခန်းထဲသို့ဝင်ရောက်လာသည့်စစ်သည်များဟာ စုန့်ပြည်မှ။ကိုယ်ရံတော်လီထိုက်က အလျင်အမြန်ဓားထုတ်၍ မင်းသားဂျွန်အားကာကွယ်သည်။ ဧည့်ဆောင်တစ်ခုလုံးအား အဝိုင်းခံလိုက်ရပေမယ့် စုန့်တပ်သားများက လက်နက်တော့မထုတ်။
"ရာရာစစ မင်းတို့ကငါ့နန်းဆောင်ထဲလက်နက်ကိုင်ပြီးဝင်လာရဲတယ်"
မင်းသားဂျွန်ရဲ့ကြိမ်းဝါးသံက တိတ်ဆိတ်သည့်နန်းဆောင်အား ထိုးဖောက်လျက်ကျယ်လောင်စွာထွက်ပေါ်လာ၏။
"ရာရာစစ စုန့်ပြည်ရဲ့တော်ဝင်ကချေသည်ကို သင်ကဓားနဲ့ရွယ်ရဲတယ်"
"အရှင်"
"အငယ်တော်"
အသံရဲ့နောက် ထွက်ပေါ်လာသည့်အရှင်ကြောင့် ထယ်ယောင်းကိုယ်ဟာမတ်ကနဲဖြစ်လျက်ထရန်ပြင်လိုက်ပေမယ့် လည်ပင်းထက်ပိုမိုဖိကပ်လာသည့်ဓားသွားနဲ့အတူ အရှင့်ရဲ့စိုးရိမ်တကြီးတားမြစ်သံထွက်ပေါ်လာသည်။
"အခုချက်ချင်းဓားချလိုက်ပါမင်းသားဂျွန်...ထယ်ယောင်းကိုကျုပ်ဆီပြန်ပေး"
"သူ့ကိုကျုပ်ရဲ့ကိုယ်လုပ်တော်အဖြစ်ချီးမြှင့်ထားပြီးပြီ"
စူးစမ်းကာကြည့်လိုက်ချိန် အငယ်တော်ကသူ့အကြည့်များကိုသိသိသာသာရှောင်ဖယ်သွားသည်။ထုံးနှောင်ခွင့်မရှိသည့် ကချေသည်တစ်ယောက်ရဲ့ဆံပင်များဟာ ချီ၏ တော်ဝင်အမှတ်အသားပါသောပိုးစဖြင့်စည်းနှောင်ခြင်းခံထားရပြီ။
ကြားလိုက်ရစဉ်ကသူမယုံနိုင်ခဲ့သလို ယခုမြင်နေရသည့်ထိုအရာအားလည်း သူမယုံကြည်နိုင်သေးပါ။ သူပြောတဲ့ရည်ရွယ်ချက်ဆိုတာထိုအရာလားဟုမေးလိုက်ချင်သည်။
အငယ်တော်ဆီကရှင်းပြချက်တစ်ချို့ကိုကြားချင်သည်။ ထိုသို့သောအခွင့်အတွက် အငယ်တော်ဟာသူ့အနားပြန်လာရမည်။
"ထယ်ယောင်းဟာ ကျုပ်တို့စုန့်ပြည်ရဲ့အပိုင်...ကိုယ်လုပ်တော်အဖြစ်နဲ့မင်းသားဂျွန်ဆီ လုံးဝ မပေးနိုင်ဘူး"
အတ္တတစ်ခုဖြင့်ဖြစ်စေ။
အငယ်တော်ဟာ သူ့အပိုင်မဟုတ်ရင်တောင် စုန့်ပြည်ဟုအပိုင်ဟူ၍တော့ သုံးနှုန်းခွင့်ရချင်သေးသည်လေ။
YOU ARE READING
The Love Sleeping Under The Moonlight
Fanfiction[𝚄𝚗𝚒+𝚉𝚊𝚠] ရန်သူ့ဓားလက်နက်အောက်မှာကျရှုံးရခြင်းထက် ရန်သူ့ချစ်ခြင်းမေတ္တာအောက်မှာကျရှုံးရခြင်းဟာ ရှက်ဖွယ်ကောင်းသောကျရှုံးမှုတစ်ခု။ ရန္သူ႔ဓားလက္နက္ေအာက္မွာက်ရႈံးရျခင္းထက္ ရန္သူ႔ခ်စ္ျခင္းေမတၱာေအာက္မွာက်ရႈံးရျခင္းဟာ ရွက္ဖြယ္ေကာင္းေသာက်ရႈံးမႈတစ္...
Part 3
Start from the beginning
