SUNSHINE DAISY

YOU ARE READING

Fanfiction

Update တအားကြာမှာဖြစ်သဖြင့် မဖတ်ကြပါနဲ့ဦး T T -Daisy... Beautiful Daisy Let Your Sunshine Free- School Life Teenage love XIAO ZHAN X WANG YIBO ZSWW FANFICTION Cover credit to owner

#schoollife #sweet #teenagelove #wangyibo #warmth #xiaozhan #zsww #zswwszd

10

Start from the beginning

by thousandsunnyO

နောက်ပြီးပိုဝမ်းနည်းဖို့ကောင်းတာက ကျွန်တော့်ညီမကအရေးမှာဆိုမှတ်ရအလွယ်ဆုံးဆိုတဲ့ pie (丿) နဲ့ na (\) တောင်ဘယ်ဟာဆိုဘယ်ဘက်လှည့်လဲကွဲတဲ့သူမဟုတ်ဘူးလေ။ အဲ့တာကြောင့်ကျောင်းမတက်ချင်တာဘာလို့လဲကျွန်တော်ခံစားမိပါတယ်။ ကျွန်တော်ဆိုရင်လည်း အိမ်စာမပြီးတာမျိုး စာမကျက်ရသေးတာမျိုးဆိုရင်ကျောင်းကိုသွားချင်လောက်မှာမဟုတ်ဘူးမလား။ အဲ့လိုဖြစ်ရပ်မျိုးတစ်ခါမှမရှိသေးဘူးဆိုပေမဲ့ပေါ့ဗျာ။

"ငါအခုစာအုပ်အသစ်နှစ်အုပ်ထည့်ပေးလိုက်တယ် ခဲတံသုံးချောင်းချွန်ပေးလိုက်တယ်။ ခဲဖျက်တစ်တုံး၊ ပေတံတစ်ချောင်းနော် မပျောက်စေနဲ့"

စျေးမကြီးတဲ့စာအုပ်တွေကိုဒီအတိုင်းသုံးလို့ကြာလာရင် အဖုံးတွေပျော့လာပြီးပြဲလွယ်တတ်တာမို့ တစ်နှစ်ပတ်လုံးသေသေသပ်သပ်နဲ့လှလှကလေးသုံးလို့ရအောင် ပြက္ခဒိန်အဟောင်း သတင်းစာအဟောင်းတွေနဲ့အဖုံးအုပ်ပေးရင်း တတွတ်တွတ်မှာဖြစ်ပါတယ်။

"ဖတ်စာအုပ်တွေကမနက်ဖြန်မှအတန်းထဲဝေလိမ့်မယ် သေသေချာချာယူခဲ့နော် ပျင်းလို့ဆိုပြီးလျှောက်မခြစ်လာနဲ့ လက်ဆစ်တွေခေါက်မှာသိတယ်မလား"

ခါတိုင်းဆိုရင်ကျွန်တော်ကိုယ်တိုင်ကအဲ့လောက်စကားမများပေမဲ့ မနက်ဖြန်ကအငယ်မအတွက်အရေးအကြီးတဲ့နေ့မို့မများချင်လည်း ကရားရေလွှတ်သလိုခဏခဏမှာရတယ်။ နောက်ပြီးသူကစာသာမရတာ ပုံသေးသေးပိစိတွေဆိုရင်တော့လျှောက်ခြစ်တတ်တာနေရာအနှံ့။ အိမ်နံရံတွေမှာလျှောက်ခြစ်လို့အခေါက်ပေါင်းများစွာခေါင်းခေါက်ခံရလည်းမမှတ်သေးတဲ့လူစား။ အဲ့ဒီလိုကလေးမျိုးမို့ပထမဆုံးလဝက်တောင်မကျိုးသေးဘဲ စာအုပ်ပျက်ဆီးသွားရင် အတန်းထဲစည်းကမ်းမရှိဘူးလို့အပြောခံရမှာစိုးတာမို့ သတိပေးစကားလည်းဆိုရပါသေးတယ်။

ဒါပေမဲ့ကျွန်တော်ကသာ ဘက်စုံထောင့်စုံအောင်သေချာတွေးရင်း အကုန်လိုက်ပြောနေတာပါ...ဒီအချိန်ကာယကံရှင်လေးကတော့အင်းမလုပ်အဲမလုပ်နဲ့။ ကျွန်တော့်ကုတင်ပေါ်ပက်လက်လှန်ပြီး ဗိုက်ကအင်္ကျီကိုလှန်တင်ထားသေးတာမြင်ရတဲ့အခါကလိကလိနဲ့ပါပဲ။