Zephyr~ A Short Story Collection

•

(This story is completely a product of my imagination, the characters are from the show Maddam Sir, certain parts resemble the show which are used for the setting of the story, rest is my own work)

"It has been 1.5 years of our marriage, and he has been nothing more than my senior at workplace, or my trainer and team leader when I go out with my team or him on an important mission.

I am in love with him! truly deeply madly I must say, but love isn't always reciprocated right?

"Apne mehboob ke justajoo mein itna kho gaye ki

Humaari rooh tishnagi mein doob gayi

Aur mohabbat hasrat mein tabdeel hogayi"

(Translation-

"I got so lost in the longing of my beloved that

My soul got drowned in thirst

And love turned into an unfulfilled desire")
(iss dumb shayari se kaam chalalo doston 😅)

Pehli baar jab unse mile the, mile nahi, takraye the! tab kuch alag sa mehsoos hua tha, par jaldi mein the hum, Boondi Singh naam ke ek apradhi ne kuch bachhon ko hostage rakh liya tha, isiliye zyada sochne ka samay nahi mila.

Shaadi ke din dulhe se ghodi lekar, humein lift di, kyunki humaara 'sarkari rath' jo kharab hogaya tha! apne lajawaab negotiation se bachhon ko chura liya, chakri aadmi jo thehre.

Uske baad dheere dheere unka thaane aana, humein achha lagne laga, shaadi pyaar, insab mein koi dilchaspi nahi thi humein, par unhe dekhkar dil ki dharkane tez hojaati thi, ek alag hi ehsaas hota tha unhe dekhkar.

Phir jab mission jeet mein unhone humein on-board liya, aur humein pata chala ki humei Chacha ji ke saamne ek dusre se pyaar ka naatak karna parega, tab humein gussa aaya tha, par unki deshbhakti dekhkar humaare man mein unke liye izzat aur bhi badh gayi thi.

Jab unhone ghar sar pe uthake humaare liye antidote dhoonda, humein ehsaas hogaya ki hum kitni mohabbat karte hain unse.

Unmein woh saari khoobiyan hai, jo humein apne jeevansaathi mein chahiye thi. Bachhon se lagaav, humse bhi bade feminist, deshprem humse bhi kayi guna zyada. In short, romance books ke hero se kuch kam nahi! actually real life hero hain.

Ammi unke ghar shaadi ka rishta legayi, Karishma Singh muh fulaake baithi thi, ki ab ghar mein bhi 'jajbaat' ki khichdi pakegi, par raat ko aake unhone humein kaske gale laga liya, aur kaha ki unki sabse achhi dost unki bhaabi banegi, isse achhi baat aur kya hi hosakta hai.

Pushpa ji ne toh zoro shoro se dance practice chalu kardiya tha, aur Ammi ke chehre pe jo noor Jhalak rahi thi! utna khush humne unhe kabhi nahi dekha tha.

Sab khush the, par shayad woh nahi. Hum donon ko shaadi ke pehle milne keliye bohot baar kaha gaya tha, humlog khudse kabhi nahi gaye, bas ek do baar dhakke maar ke Santu Cheetah Billu ne bheja tha.

Aisa nahi ki hum nahi jaana chahte the, baat yeh thi ki humein samajh mein aata tha ki unhe yehsab pasand nahi aaraha. Hum pyaar karte hain unse, unhe dukhi nahi dekh sakte, isiliye unse pooch liya unki razamandi sachmein hai ki nahi.

Uske baad unhone jo kaha, usse humaara dil toot gaya, par humein manzoor tha, kyunki pata nahi usswakt laga tha, ki unko apne paas toh paayenge! abhi lagta hai bewakoofi ki thi, asal mein khudgarzi ki thi.

Unhone kaha tha, ki unhe Maa ko khush dekhna hai, aur isiliye woh yeh shaadi karenge, humse karenge kyunki unke hisaab se, humse achha koi unke deshprem ko samajh nahi sakta, aur shaadi ki ek hi shart hai, hum kabhi unke aur unke Desh ke beech nahi aayenge aur woh humein apna wakt nahi de paayenge.