مخرج الهروبُ

باࢪت اضافـي ♥️

بقـلم : شهد ال حسين
رواية : مخرج الهروبُ

شـِفت بـِ عيونك امـَان وسَلمت أمـَري🤎🪐.
__________________________________
::كعدت متكسـرة كمت غسلت وجهي شفت رهف غاطة بـ النوم عفتها ونزلت جوة وهسة صار يأذن ...

الحجية:- ها يمة شـو كاعدة .

روجين:- اي واللة مخنوكة وكلت اكعد اصلـي

الحجية:- صلي بنيتي توضي وتعاي

روجين:- ماشـي

::رحت توضَيت وصليت كملت ضليت كاعدة واحس مخنوكة وماكدر اطلع للحديقة بيها حـَرس شوي واجتي نجمة ..

نجمة:- هاي شنو كاعدة صليتي .

روجين:- اي انتِ شكعدج؟

نجمة:- توني كملت صلاة ونزلت انتِ شبيج

روجين:- مبيـة .

نجمة:- علية روجين !! احجيلي شكو

روجين:- مادري كعدت مخنوكة وخايفـة

نجمة:- ماكو شي لضلين هيجي متوترة .

روجين:- تمام خلي اكوم قبلا تفز رهف

نجمة:- ديلا كومـي انتِ وبطنج جنج بطة .

روجين:- هههههه يلا مبقى شـي
يلا تصبحين ؏ خير .

نجمة:- وانتِ بخير يروحي

::صعدت تمددت انام اباوع رهف حاطة ايدها على عيونها ومهاب نفس الحركة ضحـكت صدك ماخذة اطباعة حتى بحركاتة بقيت اباوع لهم لحد مغفيت ..

::فزيـت ؏ صوت طَبل واغاني اخذت الشال ونزلت بسرعة لكيت حسن جايب طَبل من هذا الكبار ورهف تركص وهو يدك لها
اباوع المهاب يغني وحسن يدك وهية بنصهم ..

روجين:- يمااا بنيتي سويتوها رقاصة ؟؟

رهف:- مامي لدح تعالي

نجمة:- ردح هههههههه يمه بطني ولج بنتج صارلهم ساعة حاطيها وتركص .

روجين:- متسكتين رجلج انتِ ؟ وبعدين مهاب شلون قابل هيچي

مهاب:- بنتج ضلت تبجي شسويلها خليها

حسن:- يلا كافي عزلت روحو .

رهف:- نو ئمو بعد حباب اليدد الكص

حسن:- روحي ركصي بعيد عنـي .

::خزرتها وهية شافتني راحت ورا عمتي وتحجي وتسوي نفسها بريئة ..

رهف:- مو اني هذا ئموو تال تعاي الكصي

روجين:- اني اعلمج .

ام مهاب:- ههههههه معليج متسويلج شي

روجين:- كذابة ولا تخـاف عرمة هاي .

مهاب:- يلا حسن للشغل تأخرنة

حسن:- يلا مع السلامه اخوان نرجع لكم بعد الشغل بأذن اللة باااي