🌳🌳🌳☘️🍀🍁🍂
ရှေ့မျက်စိတစ်ဆုံး ခရမ်းရောင်ပန်းတွေချည်းပြည့်နေတဲ့ ပန်းခင်းထဲ သူရောက်နေခဲ့တယ်။ ဥရောပက နာမည်ကြီး Lavender ပန်းဆိုတာဒါများလား။ဒီနေရာကို ဘာကြောင့်ရောက်နေလဲဆိုတာ သူကိုယ်တိုင် နားမလည်ဘူးဖြစ်နေတယ်။ယောင်လည်လည်လျှောက်သွားရင်းနတ်သမီးအချောလေးနဲ့များဖူးစာဆုံမလားမျှော်လင့်မိတယ်။
' ဦး '
' ဒယ်ဒီ '
ဦး ဆိုတဲ့နာမ်စားကထားပါတော့ဘာကိစ္စ ဒယ်ဒီခေါ်သံကထွက်လာတာတုန်း။ နောက်လှည့်ကြည့်လိုက်တော့ ဖြူလုံးလုံးကောင်လေးတစ်ယောက်နဲ့အတူ သုံးနှစ်သားကလေးလေးတစ်ယောက်က သူ့ကိုလက်ပြနှုတ်ဆက်နေတယ်။
' ဒယ်ဒီ . . . တားကိုပစ်တွားတယ် '
' ဘယ်က ဒယ်ဒီလဲ ငါကလေးအဖေမဟုတ်ဘူး '
' ဒယ်ဒီကစိမ်းကားလိုက်တာ '
' ဦးကျန့် ဒါတွေခင်ဗျားတာဝန်ယူရမယ် '
' ဘာတွေလာပြောနေတာလဲ မင်းတို့ကိုငါမသိဘူး '
ကလေးလေးက သူရှေ့တဖြည်းဖြည်းလျှောက်လှမ်းလာချိန်မှာ အားကုန်ထွက်ပြေးလာခဲ့မိတယ်။
' ငါ ကလေးအဖေမဟုတ်ဘူး !!!!!!
မဟုတ်ဘူး!!!! 'ဘုန်း 💥
' အားရိုး. . . သောက်ကျိုးနဲ အိပ်မက် '
အရပ်ရှည်ရှည် ကိုလူပျိုကြီး ကုတင်အောက် ပက်လက်ပြုတ်ကျပြန်ပြီ။ ရှောင်းကျန့် မထသေးဘဲ မျက်နှာကြတ်ကို ကြည့်ရင်းအိပ်မက်အကြောင်းပြန်စဉ်းစားမိတယ်။ တွေးရင်း မျက်ခုံးကခပ်လှုပ်လှုပ်။
' ကျက်သရေမရှိလိုက်တာ '
' စောစောမထတဲ့အိမ်က ကျက်သရေဘယ်ရှိမလဲ နာရီကိုကြည့်ဦး စုံထောက်ကြီး '
' ကျိုးချန် '
အကျီမပါ ဘောင်းဘီတိုလေးနဲ့အတွေးလွန်နေတဲ့ သူငယ်ချင်းကိုကျိုးချန် မျက်စောင်းထိုးပြလိုက်တယ်။
' မင်းဘယ်လိုလုပ်ရောက်လာတာလဲ '
' သိချင်ရင် အမြန်မျက်နှာသစ်ပြီးထွက်ခဲ့ အောက်မှာ ဧည့်သည်ရောက်နေတယ် '