صدفة في المتنبي

بارت 15

At the touch of love, everyone becomes a poet.

عند لمسة الحب، جميع إلانسان يصبح شاعرا

< صدفه المتنبي >

بقلمي انا : سعيده الزيدي

------------------------------------
علي :- سديته بوجه شويه ودزلي الموقع واتبعته
وصلت قريب ع مطعم هيج جاي امشي بسياره وصدفه التفتت ع سايد الثاني  وصارت كبال عيني
تمشي ركزت زين هيه لو متوهم
هيه نفسها حاضنه اديها من البرد
وتمشي سريع ومدنكه

هنا مااعرف شصارلي فد ارتبكت
وتخربطت اوضاعي  بسرعه طبكت السياره ع صفحه  وطفيتها باوعت عليها وكفت يم مجموعه ناس ينتظرون الباص
وكفت ع صفحه وصفنت
اخذت الجاكيت مالتي من الكشن الورا ونزلت قفلت السياره
اتفحصت للشارع شبه فارغ  مشيت بسرعه حتى اعبر ع سايد الثاني اني وامشي البس بلجاكيت
وكف باص وبدو يصعدون
ركضت بخفه حتى الحك بيها

وصلت يمهم ماهيه صاعده
حشكت نفسي وصعدت
الباص جان مقبط كلش
والبعض منهم واكفين ماكو مكان
مشينه بينه الباص
ادورها بعيوني من بين الناس  لمحتها واكفه ومبين نص وجها 
صاده ع جامه
اني بلباب وهيه ب النص وبينه كم شخص
حرت شلون اوصل يمها
حشكت نفسي بين الناس وادفع حتى اوصل يمها
:- بس شويه
:- من رخصتج
:- بلا زحمه طريق
:- العفو اريد اعبر

:- دست ع حذائي متشوف

علي :- اسف ماانتبهت ..

ريحانه :- اسمع صوت ورايه
بس مااهتميت شارده بهمومي
مااحس غير  واحد واكف قريب عليه كلش  وعطره ترس ريتي رفعت راسي اباوعله نصدمت هوه نفسه يباوعلي مبتسم

مباشرتا رجعت نظري ع جامه
ابلع ريك بقينه ع هل حال ساكتين رجعت رفعت راسي عليه وحجيت

ريحانه:- انته شجاي تسوي هنا ؟

علي :- اجيت حتى اعتذر منج
على الصار البارحه

ريحانه :- هممم شي حلووو بلمناسبه مو حلوه تروح تشتكي لمديري وتخليني انفصل من شغلي وبعدين تجي تعتذر وبكل بساطه

علي :- شنو ؟ صدك اتفصلتي من الشغل !!

ريحانه  بنفاذ صبر:- شوف ماالي خلك حتى احجي وياك ابد

علي :- باعي اني مخليت احد يطردج من الشغل مستحيل اسويها

ريحانه :- باوعتله ساكته حسيت كلامه صدك وماعنده علم بلي صار حجيت

:- ماشي هذه هوه عفى الله عما مضى

ابتسملي وبقى صافن بوجهي مبتسم درت وجهي ع جامه شويه وحجه مستعجل

علي :- اني راح انزل

ريحانه :- المكان ضيق بسبب كثر الركاب حاولت اسويله طريق لزمني من كوع ايدي بحجه يعبر رفعت راسي اله مصدومه وهوه مبتسم  وعطره خنكني كد ماقوي عبر من يمي
ونزل بعد معاناه