Backburner

BINABASA MO ANG

Fanfiction

"Being on the back burner means that you're in someone's life as a second (or third) choice." || inspired by niki - backburner || [ niki is the main reason I decided to write this kind of storyline, so everyone give applause to our queen niki 👏 ]

#angst #backburner #fluff #kimtaerae #ricky #rickyshen #shentaerae #taerae

1. I like the way we are right now.

Magsimula sa umpisa

ni noiaverse

အခန်းထဲရောက်တော့ ထုံးစံအတိုင်း ထယ်ရယ်ရဲ့အခန်းဖော်က ပြန်မရောက်သေးဘူး။ သောကြာနေ့ညဆိုတော့ ကောလိပ်ပါတီမဟုတ်ရင် ရည်းစားနဲ့သွားအချိန်ကုန်နေတာ ဖြစ်မှာပေါ့လို့ ရစ်ခီကောက်ချက်ချလိုက်မိတယ်။ ထယ်ရယ်ရဲ့ အခန်းက ရစ်ခီအခန်းလို ရှင်းလင်းနေတာမျိုးမဟုတ်ဘဲ ရုပ်ရှင်ပိုစတာမျိုးစုံ plushie မျိုးစုံနဲ့ ပြည့်သိပ်နေတယ်။ ထယ်ရယ်ရဲ့ စာကြည့်စားပွဲပေါ်မှာတော့ ရစ်ခီ ဟိုးတစ်ပတ်ကမှ သူ့အတွက်ဝယ်ပေးထားတဲ့ cactus အကြီးအသေးစုံတွဲက ငုတ်တုတ်လေးထိုင်နေကြတယ်။

အရုပ်တွေနဲ့ပြည့်နေတဲ့ ကုတင်ပေါ်မှာ ထယ်ရယ်ကို ချအပြီး ဆံညိုရောင်ကောင်လေးက ဘေးနားမှာရှိတဲ့ ဘဲပေါက် plushie ကို ရင်ခွင်ထဲထည့်ပြီး ရစ်ခီကို ကျောပေးအိပ်သွားရှာတယ်။ ထယ်ရယ်ရဲ့ အိမ်စီးဖိနပ်ကိုချွတ်ပေးရင်း ကုတင်အောက်မှာထားပြီး ရစ်ခီ အခန်းထဲကပြန်ထွက်ဖို့အလုပ်မှာ ထယ်ရယ်ဆီက အသံတိုးတိုးလေးထွက်လာတယ်။

"ဂွတ်နိုက်ပါ ရှန် ငါ့ကို အိမ်မက်ထဲထည့်မက်နော်"

တံခါးကိုဖွင့်ဖို့ပြင်နေတဲ့ ရစ်ခီလက်တွေ ရပ်တန့်သွားပြီး ကုတင်ပေါ်က ထယ်ရယ်ကို လှမ်းကြည့်လိုက်မိတယ်။ ဒီဆံညိုရောင်ကောင်လေးက သူ့စကားအခွန်းတိုင်းဟာ ရစ်ခီရဲ့စိတ်အခြေအနေကို ဆူနာမီလို ကပြောင်းကပြန်လုပ်နိုင်တာ သိလောက်မယ့်ပုံမရဘူး ထင်တယ်။ ဘာစကားတစ်ခွန်းမှ ပြန်မပြောဘဲ ရစ်ခီ ကိုယ့်အခန်းကိုယ်ပြန်လာပြီး ပွင့်ရက်သားရှိနေတဲ့လပ်တော့ပ်ကို ပိတ်လိုက်မိတယ်။

—

Campus နားက ကဖီးဆိုင်လေထုထဲမှာ ကော်ဖီနံ့သင်းသင်းနဲ့ တီးလုံးသံအေးအေးက ပြန့်နှံ့နေတယ်။ စားပွဲပေါ်တင်ထားတဲ့ အိုက်စ်အမေရိကာနိုတစ်ခွက်ကို ထယ်ရယ်ယူသောက်လိုက်ပြီး လပ်တော့ပ်စကရင်ပေါ်က ခေါင်းရှုပ်စရာသင်္ချာဂဏန်းတွေကို မျက်မှောင်ကြုံ့ရင်း ကြည့်လိုက်တယ်။

"calculus လား"

ကောင်တာကနေ စတော်ဘယ်ရီမစ်ရှိတ်တစ်ခွက်နဲ့ ချိစ့်ကိတ်တစ်ခုယူပြီး ပြန်လာတဲ့ ရစ်ခီအမေးကို ထယ်ရယ်က ခေါင်းညှိမ့်ပြတယ်။ ထယ်ရယ်ဆံပင်က လက်နှစ်ဖက်လုံးနဲ့ သူ့ဆံပင်သူထိုးဖွထားတာကြောင့် ဟိုးနေရာတစ်ပင်ထောင် ဒီနေရာတစ်ပင်ထောင်နဲ့ ငှက်သိုက်လိုဖြစ်နေရှာတယ်။