نار الغيرة(ليبية_منقولة)

الحلقة 28

نــــــــــــــــار الغيره❤الحـــــــــلقه28

الكــــــــــاتبه: دودي بوفا

نـكمل باقــي روايـتـي

جي رؤوف روح بي اهلا وكل واحد خدي مرته وركب

فيفي: عدينااا محلل اوفااا

رؤوف: من رفعك

ريم: رفعهاا راجل نرجس

رؤوف: شن شريتي

فيفي: اني شريت شكلاطه ودودي شرت بطاطس وشكلاطات

رؤوف شاف لي امه: دودي يلي نعرفها ولا وحده تانيه

صفاء: اي هيا

رؤوف: ومن قاللها تطلع الدعوه هدي

صفاء: بعد تاخدها احكم فيها اما توا عند هلها حره

رؤوف: خلاص ره العرس سبوع الجاي

صفاء: خلاص واتي كل شي كأنك عليا

رؤوف صبا:

صفاء: وين ماشي

رؤوف: ماشي نصلي مافضيتش من بدري

صفاء: بعدين تعال

رؤوف ركب لداره بيش يتوضه ويصلي

شويا ورؤوف نزل

ريم: خيرا شعرك هكي تقول خاش تحت الدوش

كان شعره مبلول كأنه مداير دوش وطالع

فيفي جاته: الله شعرك مشفشف وقعدت تلعبلا بيه

رؤوف: حتي انتي مشفشفه شوفي هاا لانه كان شعرها مطلوق

فيفي: لا ني بنيه

رؤوف: وني وليد

شوي وخش واحمد: سلام عليكوم

فيفي عدتلا تجري: بابااااا

احمد: نعم ي بابا تعالي هي

فيفي: جبتلي عصير

احمد: ايي نسيته في سياره تو بعدين رؤوف يجيبه

رؤوف: عدي المطبخ تو تلقي عصير

احمد: مدوريشي تو يجبهلك بعدين

فيفي: ريم حطيلي طيور الجنه

ريم: ليل توا فيفي

رؤوف: حطيلها طيورها الجنه

فيفي: اليوم نرقد معاك اوفا

ريم: وني بتخليني بروحي

رؤوف: اني ماتحطيليش طيور الجنه ره

فيفي: باه

وجي وقت النوم فيفي رقدت معا رؤوف

فيفي: اوفاااا نوض افتحلي تلفزيون