انتقام السلطانة ( قيد الكتابة )

الجزء الخامس عشر

في صباح يوم جديد
في قصر الجارحي

نزل مالك وهو متشيك وهو يرتدي بدله غاية في الاناقة و قد كان وضع البيرفيوم ذات الرائحة الجذابة

( دي دي دي شياكة دى دى دى دى اناقة
احلي نيولوك دا ولا ايه)

وقد كان الجميع مجتمع علي طاوله الافطار

ادهم لمالك: ايه يا بني مالك متشيك ليه بس كدا ليه لتكون رايح تخطب

مالك: بصراحة كدا اه رايح اخطب وعايزكم معايا

مليكة: ايه دا انت وقعت ومحدش سم عليك

سلمي (والدته): والله وكبرت يا بني وهشوفك عريس قلا قولي من العروسة

مالك بحرج: السكرتيره بتاعتي نورين

اسر: شكل الصنارة كدا غمزت ولا ايه

شغف بحب: مبروك يا قلبي عقبال مشوفك يوم فرحك

مالك بحب: ربنا بخليكي يارب
ثم اكمل بمرح امين يسمع من بوقك ربنا

وذهب الجميع الي الشركة

دخل مالك لنورين وقال لها: الغي كل مواعيد النهاردة وامشي من الشركة و روحي علشان هاجي اتقدملك الساعة سبعة

مر النهار بطوله علي ابطالنا
وجائت الساعة السابعة

في فيلا والد نورين
كانت نورين تتجهز من صديقتها المقربة آسيل

اسيل : بنت جميلة ذات عيون عسلية وشعر بني فاتح
وانف صغير ولديها غمازتان وشفاه مملوئة وجسد ممشوق وقصيرة القامة في سنه تالته جامعة كليه ادارة اعمال

اسيل بمزاح: يؤبرني هالجمال المصري

نورين بضحك: مالك يا بت قلبتي لبناني كدا ليه

دخلت والده نورين وقالت عريسك جه اهدي كدا واعقلي ومتكسفيناش

نورين: كدا برضوا ياست الكل تعرفي عني انا كدا

والدة نورين: لا طبعا واهدي علشان شكل كدا الشبشب هيشتغل

( ضربتها يا جماعة بسلاح كل ام مصرية ابو وردة ما انتو عرفينوا يا جماعة و مجربينوا)

وجاء مالك وكان متشيك
واخر حلاوة

ادهم : انا طالب ايد بنت حضرتك لابني مالك علي سنه الله ورسوله

والد نورين: وانا مش هلاقي حد زي ابن حضرتك لبنتي فاضل بس رأي العروسة

وحينها دخلت نورين وهي تمسك صنية المشروبات وهي خجلة وقدمتها للجميع
وجلست بجانب والدتها

وشرعوا في شرب القهوة
عند مالك اثناء شربه للقهوة تغيرت ملامحه ولكن تحامل علي نفسه واكمل بقيه القهوة

والده نورين: في ايه مالك يا ابني هي القهوة مش عجباك ولا ايه

مالك بتوتر: لا طبعا عجباني
ونظى لنورين بنظره شر وقال لها تسلم ايدك يا عروسة