انت اخر انسان في بالي لاجيت انام واول انسان في باليفي بالي لاصحيت

البارت-45-

خرج ذياب وهو يحس الدنياا مو شايلتهه من الوناسه دخلت ورولا وهي تتذكر شكله وتفاصيل وجهه الحاده رفعت صوتها رند:في مفاجاة جتس يارولا من اكثر واحد يحبتس
رولا ابتسمت من عرفت انه عمر:حبيبي هو
رفعت رند صوت المسجل واعتلى صوت الفريق عمر بن عبدالرحمن وهو يقول:مساكم الله بالخير جميعاً وابارك لاوخيتي والله كان ودي احظر لاكن تعرفين ظروفي يابعد العين مبروك يارولا جعلني ما اعدم راستس كلنا فرحانين انتس اخذتي واحد مثل ذياب لاكن حزينين على فراق روح البيت ونوره وندري ماتخلينا ياقلب عمر
تسكر التسجيل واعتلت الصرخات والتصفيق وقفت لين وركضت للحمامات وهي تشهق اشتاقت لهه حست انه ردت روحها من صوته رفعت جوالها وصارت تتصل فيه بس ماوصلها ايي رد...
انتهت اجمل ليله من ناحية رولا وذياب واحزن ليله ل لين
_عند عمر _
دخل مكتبه بعد ما خلص من التدريب رما جيكيته وميت حر لف على جواله الي يتصل وكان تركي خلاه على الاسبكر ونزل بلوزته وهو يقول:ارحب
تركي ابتسم:البقى
عمر ضحك:وحشتك صح
تركي:اي والله
عمر وهو يغرق شعره و وجه بالموية:انا ولا جويد
تركي:اكيد الجود
عمر ضحك:ياحقيرر تبيعني
تركي:اسمع مابتزعل اذا خطبت وملكة وخليت العرس بعد شهرين
عمر ابتسم:مابه زعل يارجال تزوج وعيش حياتك
تركي:في ذمتك
عمر:اي والله
تركي ابتسم:تم جعلني فداك
عمر ابتسم:مجار
قفل ولف من انفتح الباب وكانت الي وراه سكرتيره بالمركز الداخلي:ممكن ادخل
عمر وهو صاد عنها:قد دخلتي وش عاد تستاذنين
بيان وهي تناظر صدر عمر الي عليه قطرات من المويه عضت شفتها السفليه:يبونك بالساحه
عمر لبس بلوزته واخذ جواله والجيكيت وفتح الباب بدون مايرد عليها ليان وهي ماسكه قلبها:يجننن ياربيييي
خرج عمر ل الساحه ورفع جواله وهو يشوف اتصالات لين زفر:لاتدق اذا دقت رد
ماقعد ثواني الا ودقت على لين رفع جواله ل اذنه و وصله صوتها الباكي:عموري اسفهه اسفهه
اوجعه قلبه من بكاها:شتبين
لين وهي تمسح دموعها:ابيكك تكفى تعال خل نتفاهم ابي ابرر لكككك
عمر بحده:وش تبررين انتس ماتبين تحملين مني
لين بصدمه:وش التفكيرر ذاا لو ما ابي احمل منك كان ماسمحت لك تلمسني مستوعبب وش تقول
عمر:طيب
لين زفرت:عمر ارجع
عمر وهو يناظر ب المتدربين:لا تعدلتي رجعت
قفل بوجه لين الي بعدت شعرها عن وجهها ومسحت دموعها وظبطت مكياجها وخرجت لهم
_عند الرجال _
تنحنح تركي:ياعم بندر
لف ابو غنى عليه:سم
تركي:انت تعرف وش طلبي عندك
ابو غنى:بس البنت رفضت
تركي بلل شفايفه:اسالها ودام اللملك املك عليها والزواج بعد شهر من زواج ذياب
كان بيرد ابو غنى بالرفض بس اعتلى صوت ابو محمد:اسالها مره ثانية مافيها شي
وقف ابو غنى ودخل ونادا الجود لحالها:خطبتس تركي مره ثانية وبيملك الحين وقال بعد شهرين الزواج
الجود:موافقه
ابتسم ابو غنى وخرج دخل المجلس وناظر ب تركي الي يفرك يدينه ببعض:البنت وافقت
لف تركي على حظن يزيد له وهو يضحك ماكان مصدق مابغى مابغتت توافق عليه وترفق بقلبه لف على ابو غنى وهو يقول:تعال وقع
وقف وجلس جنب المملك و كتب اسمه كامل و وقع وحس انهه يوقع على بداية جديدة لحياته على قدوم عائله له على عوضه الي يحلم فيه طول عمره ويدعي ربي به انعقد قلبه بقلب الجود عقد قران الجود وتركي بعد انتظرا طريل من تركي وقف ابو غنى ونادا ملك والجود و وقعت الجود وهي ترجف كانت تناظر ب اسم تركي وتوقيعه تحس انه طيبب بشكل موطبيعي صح انها ما تعرفه ذاك الكثير بس دايم لين ولينا يقولون مواقفه مع عمر ويزيد ويوم خلا يزيد يقعد ببيته وقعت وصرخت ملك:مبروكك حبيي
دخلو وقامو الكل يباركون لها ضحكت وسن:بنخلي عمر يختفي دايم عشان تتيسر امورنا
لفت على نظرات لين الحاده:نمزح
لين:لعد تمزحين ل امحي زياد
لينا وهي حاطه رجل على رجل:يازين اخواني وهم جايبين روسكم الي يبيلها كسر
لين مسكت خصرها:حبيبي انا بصوت جبت نهاية كيف كلام بوسه حظن اوهه ينسى كلشي
لينا:الصدق ما الومه يعني وجه صوت خصر كلشي فيتس
لين بغنج ونرجسيه:خليه يرجع بس ل اغرقههه
وسن صفقت:يلبيهه يعني في ورع جديد
لين ضحكت من تذكرت عمر وهو يقول ورع:لو سمحتي بيبي
وسن:الي تبينه بس اهم شي ورع
لين:مو لازم اغرقه بذيك الاشياء
لينا:عمر بحره ذيك الاشياء ويبي يغرق فيها وما يخرج
وسن بخبث:وش الي مايخرج
لينا ضحكت من فهمتها:الي ببالتس
لين وهي مفتحه عيونها:ياخبيثينن العمل
وسن طاحت تضحك بحظن لينا الي منصرعه ضحك:لا جد لازم تراضينه
لين وهي تناظرهم بطرف عين:بيني وبينه
لينًا ضحكت:بعدها تجي تقولي
لين:كلبه تعرفين اني ما اخبي عليتس
_بالمجلس_
دخل تركي وشاف الجود جالسه ولابسه فستان باللون البيج وماسك على الجسم كامل وايديه مكشوفة قرب منها وباس خدها بقوه:اهه اخيرا
كانت الجود جريئه وناظرت فيه:تروكيي
تركي ناظرها بصدمه:عيدي اسمي تكفىين
وقفت الجود وجلست بحظنه مسك خصرها تركي وشد عليه وبلل شفايفه وهو يناظر شفايفها قالت الجود بكل دلع:تروكيي
تركي:تسمحين لي
الجود حطت اصبعها على شفايفه:لا
تركي وهو متخدر:ليش
بعدت الجود عنه بس مسك خصرها وسحبها له وباس مبسمها بقوه وبعد منها بعد ماطلبته النفس:تركييي
تركي ابتسم بخفه:انتي الي بديتي ولا ماكانت نيتي خمريي الحين
بعدت الجود منه وجلست جنبه:تصدق اني حبتيك من اول ماصقعت فيك
ضحك وباس نحرها بعدته الجود:مابتكلم الا لين تهدا
تركي ضحك و وقف وصار بعيد عنها:يلا تكلمي
الجود ضحكت بصدمه:ليش رحت بعيد عني
تركي:عشان ما اقاطعس واخوض معركه مع شفايفتس من اول يوم لي وانتي حرمي
ضحكت الجود:المهم كنت احبك من ذيك السالفة
تركي:ليش رفضتيني من اول مره
الجود:كان ولد خالتي الطيار خاطبني بس رفضت وقلت بكمل جامعه وجيت انت وخطبتني وقلت بعد مابي عشان مايشكون فيني وتزوج ولد خالتي وانا تخرجت من الجامعة
تركي ابتسم ابتسامه عريضة:طيب احبتس
الجود وقف وباست خشمه وخرجت ضحك وحط يده على قلبه:اهه يارب ارفق بقلبيي
_مر ثلاث اسابيع بدون اي احداث مهمه بييت يزيد _
لين بحده:يابنتتت حطي الحليب بعدين الكريمه على الكيكه
لينا وهي تطعم الكريمه:اه ياعمر ارجع بسرعهه اسبوعين وهي ناشبه بحلقي
لين:على تبن عجليي باقي بنروح الاسطبلل نشيكك على الي سووه البنات
لينا:يلاا يلا
دخل يزيد وهو متعصب وثوبه عليه دم لفت لينا وشهقت:وشفيكك
يزيد وهو يغسل يده:كنت ب مسلخ جدي
ركضت لينا للمغسله ورجعت فز يزيد ومسك يده:وشبتس
بعدت لينا عنه بقرف وحطت يدها على صدرها:يعع بعد ريحتكك
يزيد قطب ولانت ملامحه:وشبها
لين لفت عليه بعد مادخلت الكيكه بالثلاجه:زوجتك باقي تتوحم وريحت اللحم والغنم قلبت نفسها
يزيد بسخرية:لحم تري
لينا استحقرته:واذا احترم اني حامل بولدك
مارد يزيد وطلع من المطبخ وراح لغرفته لفت لينا ل لين:صاير يرفع ظغطي
لين وهي تشوف الحلا:بروح البس البسي انتي بعد طولنا
خرجت لين وراحت تلبس
طلعت لينا للغرفه وجلست على السرير وهي ماسكه بطنها ب الم خرج يزيد من الحمام وهو لاف المنشفه على خصره:وشبتس
اخذت لينا نفس:وديي اذبحك انت و ولدك
وقف يزيد قدامها:علامتس منفسه
رفعت لينا راسها له:من ولدك الي مايهجد
يزيد:خليه ياخذ راحته قلب ابوه
لينا:ولينا الي تتعور
نزل يزيد لمبسمها وباسه بخفه:خلاص اهدي
وقفت لينا وحظنت يزيد الي ضحك من تقلبات مزاج لينا وحاوطها
_بغرفه لين_
قاعده قدام المرايه ونزلت نظرها لجوالها:وجع له ثلاث اسابيع ما سال
اخذت جوالها وارسلت نقطه وقفلت و وقفت تلبس الجنز الاسود والتوب الازرق واخذت جيكيت عمر الاسود وخرجت بعد مالبست الشوز واخذت العباية
_عند عمر_
كان يقرا اوراق ولف على رسالة لين فتحها واستغرب كتب بكل جديه:سمّي
قفل الجوال ورفع نظره على دخول لينا وهي تمشي بكل دلع قال بكل حده:وش تبين
ليان قربت منه:بس سوال بسيط ياحلوو
عمر كان منصدم:اطلعي براا
ليان حطت يدها على كتف عمر:انت متزوج
لف عمر على رسالت لين و اوجعه قلبه دفها بكل قوته وخلاها تطيح بالارض اخذ جواله وطلع برا المكتب وهو ينتفس بسرعه وعرق رقبته ينبظ من القهر رفع جواله وشاف لين مسجله له صوتيه فتحها وارتخى من صوتها وهي تقول:كيفك ما تسال ولاشي بعدين خلاص ارجع وحشتنيي ترااا واليوم بشوف احزمك وانت مو معيي احبككك عموريي اسفهه
عمر ابتسم وهو متخدر:نعنبوو الي يزعل منتس
لف على صوت ليان الباكي:طلعت متزوج طلقها وتزوجني بدلعكك اكثر منهاا
عمر ماقدر يتكلم من بجاحتها وخرج ل الساحه وشاف المتدربين يستعدون ل التدريب
_بالاسطبل_
نزلو لين ولينا وشافو البنات يجهزون الزينه والفعاليات وكانت حفله ب سبب ملكة رولا والجود كانت لين تدور ملك بعيونها:ملوكتي وين
الجود:للحين ما جات
رند وهي ترقص:يحمس باقي اسبوع ويجي زواج رولتي
لين:وبيرجع الي له الخافق يهليي
_ببيت زايد _
لف على صوت شي يطيح بالارض وقف بسرع وشاف ملك ماسكه يدها الي تنزف وا القزاز على الارض مسك يدها:تعورتيي
ملك هزت راسها:لا بس بعد من القزاز
رفع زايد ملك بحظنه وخرج من المطبخ وجلس وجلّس ملك على رجله وسحب يدها وباسها:تعورتس
ملك وهي متوتره من بوسته:لا لا
نزلها على السرير وراح يجب قطن وشاش ولفها على يده:يلا تاخرنا
اخذت ملك عبايتها وهي اصلا قد تجهزت نزلت وركبو السيارة وتوجهو ل الاسطبل
_عند البنات قدام الخيول _
لين:انا بركب الاحزم
ورد ابتسمت:وانا الجادلل
ركبت لين الاحزم وخرجت فيه ل ساحه الاسطبل وصارت تمشي فيه بكل هدوء وكان الاحزم متجاوب معها وكان هادي انحنت له وقالت بهمس:صاحبك مو هناا واحشنيي
صهل الاحزم وابتسمت لين:حتى انت اشتقت له صح انه كلب يسوي نفسه ثقيل عليي
طبعًا كل ذا مصورته رند عشان ترسله ل عمر وبعد من ضمن فلوق الاسطبل اليي بتسويه
ركبت الجود الكحيله ورمت جوالها على ملك:صوريني
ضحكت ملك:ياحظ تركي بس
الجود وهي تظبط التوب:علتبن ابي انزله استوري
ملك ضحكت:امشي بس
صارت الجود تمشي بالكحيله وشعرها متطاير من الهواء صورتها ملك وارسلتها ل تركي بدون علم الجود نزلت الجود من الكحيلة:اشوف الفيد
عطتها ملك الجوال ورفعت نظرها ل الرسالة الي جتها من تركي:ياحظ الكحيلة
شهقت وناظرت ب ملك الي ميته ضحك:ياازققق خيررر
ملك:عشان ماتتعبين وانتي تحاولين تجيبين راسه بعد الزواج من الحين ابدي المشروع
الجود استحقرت ملك وكتبت ل تركي:شكرًا
الجود:ياثور خليني اصير ثقيله شوي
ضحك تركي وهو يشوف الرسالة:تبي تصير ثقيلهه فداها جعلني ابوسهاا
جلسو البنات ف الجلسه وبدت حفلته صرخت وسن:مبروك بنوتاتيي وشكلنا بنخلي عمر يختفي عشان تجي الاشياء الحلوهه
لين قبصتها:وجعع تريني زوجتهه
وسن:الله يعوض عمر فيتس
كانو يحتفلون بكل حببب
_صباح يوم الجمعه زواج ذياب _
لين من اول ماصحت وهي ترسل ل عمر:تكفى تعال اليومم قول ميدهم يخرجونك عشان زواج خويكك
كانت ترسله بس ماوصلها اي ردد ركضت ب عبايتها ل يزيد:عمر بيخرج صح
يزيد بحزن:يقول مابيجي مايمديه باقي له يومين
صدت لين تمسح دموعها وخرجت مع البنات ل الصالون كانت طول الطريق تتنفس بهدوء عشان ماتبكييي وصلو ونزلو ل الصالون
_عند عمر _
كان يمشي بكل سرعته ومحد يعرف انه بيجي كان بيتصل على يزيد يعلمه بس جواله طفى وشاحنه كان خربان رماه وزفر بحده:يلعنن بوكك
كان عمر ماشي من وحده ليل امس والحين الساعه2 ظهرر كان يفكر بلقاه بلين بعد الي سوته صح انه سامحها بس انه باقي بقلبه زفر:مافيه مشكله تنعاد واجيب عشره مو واحد
ضحك:كنه كثير عشره على لين وبطنها الصغير اهه جعلني فدا خصرهاا الي جاذبنيي من الجنوب وانا بجدهه
_عند العيال بالقاعه_
كان يزن يساعد العمال بفرش الزل وقف وهو ماسك ضهره:متى يجي زواجي واصير اتكي
ذياب وهو شايل كرتونين التمر:بتنكرف وانت ماتشوف الطريق اعجل ي التبنن
حاتم وهو يشوف العمال يركبون اللبات:عمر ثنين
يزن:صدقق عمر بيجي
يزيد وهو ماسك جواله:الملعون طول الشهرر وهو فاتح جواله والحين مقفلهه
ذياب صرخ:بسرعععهه عجلووو
_عند البنات_
كانو يشوفون مكياج رولا الجود:يجنننن يجنننن
لينا:مرااا
لين وهي تشوف مكياجها:وانا
الكل لفو عليها ملك:حلوو حبيتت انه لوككك جريئ يناسببتس
رند:ايلايكتتت
دخلت ام زياد:خلصتوو حاتم عند الباب هو وعبدالملك بننقسم ل سيارتين
البنات كلهم:ايه
خرجو وركبو البنات مع حاتم الي هم:رولا لينا رند لين الجود غنى ملك
السياره الثانيه عبد الملك:وسن اثير مها شيخه رنيم تسنيم ورد
_بسياره حاتم _
كان يناظر بالمرايه الي تعكس:نفس الاشخاص بكل زواج
لين:احمد ربك ل اهفك
حاتم:اوف حرم الاخ منفسه
لينًا قبصته:امش تاخرنا
حاتم وهو يفرك مكان القبصه:خلي بس ورعس يجي والله ل اعذبه
لين:حدك الا ولد اخوي هتوني
حاتم:عشان عمر ماهو موجود بس
لين:البخ البخ
حاتم:سمي
وصلو القاعه ونزلو دخلت لين و وصل عمر للقاعة فز يزيد:ذيك سيارة عمر صح
ذياب بتدقيق:الا هوو هوو
_______________________________
انتهى البارت اعتذر على انه قصير بس جدا مظغوطه
بارتنا يوم الاحد هاذا ب 4000كلمه ترقبو لاتنسون النجمه🤍✨

الكاتبه: ارين ال علي💙
انستا:ryn_4900
تيك:ryn_490