شمس العاصي تشرق من جديد

جزء تاني17

شمس العاصي تشرق من جديد جزء تاني 17

عمران واقفه بعيد ليه..

هند لم تنظر اليه ..دموعها تنسكب بهدوء ..تشعر بالحرج ..تفرك يديها بتوتر..

عمران تعالي ياهند قربي ..تعالي ياحبيبتي متعيطيش

لتمشي بخطوات متضاربة..لتقول بتلعثم..

انا اسسفه

جذبها بهدوء لتجلس مقابلة له انا مش ممكن ازعل منك ابدا ..

هند :انا والله مكنش قصدي ازعلك بس انا اديقت قوي ..انت مش عارف انا بحبك وبغير عليك قد ايه..لتصمت قليلا وتكمل باختناق لما ابوي مات انت خدتني بحضنك كنت ليا اب واخ وكل حاجه كنت الفارس اللي بحلم فيه من ساعت ما وعيت عالدنيا... مكنتش اتخيل روحي مع حد تاني غيرك.. لما طلبتني كان اسعد يوم في حياتي مكنتش متخيله انك هتتقدملي...بس ..بس ..اتصدمت لما عرفت ان ..ان. امي اللي خلتك تعمل كده..كنت فاكراك بتحبني انا مش انانيه ياعمران ..مكنتش عايزه اخطفك من مراتك .. بس انت وامي خلتوني اشوف نفسي وحشه ..وحشه اوووي ..وانا مش وحشه..لتزيد شهقاتها..انا اسفه ياعمران ..

اسفه عشان خربت عليك حياتك..عارفه انك هتفضل تحب سميه وانك هتفضل شايفني بنت عمك اللي مجبور تتحملها وتفضل معاها

عمران : مجبورر ياهند مجبور ايه الكلام ده..مفيش راجل بالدنيا يتغصب على جوازه هو مش عايزها ..وانا كنت كده كده هتجوز عشان العيال ..وسميه الله يرحمها عارفه كده كويس ...وهي مكنتش معترضه...

هند :عمران..

عمران :اسكتي ياهند وسيبيني اكمل انا اه بالاول مكنتش متقبل الفكره عشان دايما شايفك اختي الصغيره..بس انتي مسبتليش مجال افضل كده ..انت دخلتي جوى قلبي بس مش زي زمان ..يعني مبقتش اشوفك زي اختي ..شفت هند اللي قدرت بطيبتها وحبها واهتمامها ودلعها تخليني غصب عني اقع بحبها ...

هند...

عمران :انا بحبك ..سميه ربنا يرحمها ...كنت بحبها وبحبها جدا ده غير انها وصيت امي الله يرحمها..زعلي عليها عشان حاسس اني قصرت بحقها وكنتت بهتم بيكي و بتجاهلها ..حاولت اعوضها بس معرفتش ..عشان هي خلاص متقبلتش مني اي حاجة بعد موت اخوها..عشان كده قلبي وجعني كل ما افتكرها. بحس اني السبب باللي حصلها..

هند :مقصر معها ياعمران انت سبتني وانا حامل وفضلت تسافر معاها من بلد لبلد وديتها تتعالج وفسحتها..وانا كنت مستحمله خلفت وانت مكنتش جنبي..معترضتش ..كان قلبي بيحترق وانا عارفه انك معاها وواخدها بحضنك وسايبني لوحدي..اتقهرت قوي.. ومنطقتش بكلمه.

عمران انا اسف..بس

هند :متعتذرش متعتذرش ياعمران انا قلت كل الكلام ده ..عشان تعرف كويس انك مقصرتش مع سميه ..بالعكس انت خدت بالك منها واهتميت بيها قوي..