နေရာလွတ်နှင့်အတူသားရဲကမ္ဘာဆီသို့ [COMPLETE]✓

Chapter 54.1

T/N-မျိုးနွယ်စုကို လာတိုက်ခိုက်တာက သူတို့အချင်းချင်းမတိုက်ချင်လို့ သူများကို သွားတိုက်တဲ့သဘော။ဒါပေမယ့် ဒီတစ်ခေါက် သူများတွေမသေပဲ သူတို့တွေပဲသေကုန်တော့လည်း အဲ့သားရဲအလောင်းတွေကို သူတို့စားဖို့ ပြန်သယ်သွားကြတာ သားရဲအုပ်က။ဘာလို့လဲဆို ဆောင်းတွင်းမှာ ငတ်ပြတ်နေတာလေ။အဲ့တော့ ဇာတ်တူသားလည်း အသေကောင်ဆို စားကြတာပဲ။

"ဒီတစ်ခေါက် သူတို့က အတော်များများရိတ်သိမ်းခဲ့ပြီး နောက်တစ်ခေါက်တိုက်ခိုက်လာဖို့အတွက် ကိုယ်တို့က တစ်ပတ်နှစ်ပတ်လောက် စောင့်ရဦးမယ်"ခဲယ်လ်တစ်က ပိုင်မုကို စွပ်ပြုတ်တစ်ပန်းကန်ထည့်ပေးရင်းနဲ့ ပြောလိုက်တယ်။

"ဒါဆို ကျွန်တော်တို့ပြင်ဆင်ဖို့ အချိန်ကျန်ပါသေးတယ် ဒီတစ်ခါတော့ ကျွန်တော်တို့အပြည့်အ၀ပြင်ဆင်ထားသရွေ့တော့ အရမ်းရှက်စရာကောင်းမှာ မဟုတ်ဘူး ကျွန်တော်တို့က သားရဲတွေနဲ့ရင်ဆိုင်ဖို့ကိုပဲ အာရုံစိုက်လို့ရတယ်" ပိုင်မုက စွပ်ပြုတ်ပူပူလေး တစ်ငုံသောက်လိုက်ပြီး ကာကွယ်ရေးပစ္စည်းတွေကို ဘယ်လိုဆောက်ရမလဲဆိုတာ စဉ်းစားနေတယ်။

ဒီနေ့မှာ သူက orcs တွေနဲ့ သားရဲရိုင်းတွေကြားက တိုက်ပွဲအကြောင်းကိုလေ့လာခဲ့ပြီး အစီအစဉ်တွေပြုလုပ်ဖို့ လက်တွေ့အတွေ့အကြုံရှိသွားပြီ။

ခြင်္သေ့လေးက တောက်ပတဲ့မျက်၀န်းတွေနဲ့ ပိုင်မုကို ကြည့်လိုက်ပြီး စိတ်အားထက်သန်စွာ မေးမြန်းလိုက်တယ်။ "အစ်ကိုကြီးပိုင်မု အဲဒီသားရဲတွေကို ရှင်းဖို့ နည်းလမ်းကောင်းရှိလား" ကျန်တဲ့သုံးယောက်က သူတို့ရဲ့နားရွက်ကိုတည့်မတ်စွာထောင်လိုက်ပြီး နားထောင်လိုက်ကြတယ်။

"ဟုတ်တယ် အစ်ကိုတို့ဒီအချိန်အတောအတွင်းမှာ ကောင်းကောင်းစီစဉ်ထားသရွေ့ သားရဲတွေ တောင်ကိုတိုက်ခိုက်လာမှာကို စိုးရိမ်စရာမလိုတော့ဘူး"

"ဘာနည်းလမ်းလဲ?" လူအများအပြားက စိတ်လှုပ်ရှားစွာ မေးလိုက်ကြတယ်။

"အဲဒါကို ကျွန်တော် အခုထိလုံး၀နားမလည်သေးဘူး ဒီနေ့ ကျွန်တော်စဉ်းစားပြီးတဲ့အထိ စောင့်ကြပါ မနက်ဖြန် မျိုးနွယ်စုခေါင်းဆောင်နဲ့ ကျွန်တော်သွားဆွေးနွေးလိုက်မယ်" ပိုင်မုက မျက်မှောင်ကြုတ်လိုက်တယ်။သူ့မှာ ပဏာမအစီအစဥ်တစ်ခုရှိထားပြီး အဲဒါကိုသေသေချာချာ စဉ်းစားဖို့လိုပါတယ်။