مهما طال الزمن ماني الا لك يا حنيني

البارت ٦

.

.

بعد ساعتين

فهد طلع الحوش بس شاف بنت رايحه للباب تستلم طلب من مندوب صد عشان ما يحرجها بس سمعها بعد دقايق تصرخ وتنادي صقر، فز صقر من المقلط ولحقه فهد لأنه الصوت من الشارع

فهد: صقر وش فيه

صقر: اسمع صراخ ساره وينها

فهد: شفت وحده تطلع من البيت قبل شوي يمكن هي، شف هناك عند البابب

سارة وهي تبكي: صقررر

شاف صقر انه ابوها عند الباب وماسك يدها بقوه: وخر يدك

أبو صقر: والله شكله أمك ما ربتكم كلكم وكان يبي يمد يده على صقر بس مسكه فهد

فهد: صقر ودي اختك داخل

صقر: امشي يا سارة

سارة تبكي ومنهاره والمندوب مصدوم وش صاير قدامه

فهد ماسك يد أبو صقر: مين انت عشان تمد يدك على بنت

أبو صقر: ابوها عندك مانع

فهد بعصبية: وإذا ابوها يعني ما يحق لك تمسك شعره منها

أبو صقر: وخر يدك

فهد: اذلف من هنا

أبو صقر: مين انت عشان تطردني من بيت عيال

صقر: فهد خليه

فهد: أخو عيالك إذا ما عندك مانع

صقر استانس على كلام فهد: لو سمحت وخر من بيتنا كم مره اقولك لا تجي احنا مو عيالك ولا انت ابونا

أبو صقر: والله لاخليك تندم يا صقر على كلامك وانت يا حقير والله لأكسر يدك الي مسكتني فيها

فهد: أقول بس توكل

راح أبو صقر وجاء المندوب: لو سمحت

صقر: تفضل

المندوب: البنت الي قبل شوي كانت هنا طالبه هذي الحلويات من محلنا بس ما استلمته بسبب هذا الرجال تبونه ولا خلاص الغي الطلب

صقر بضيق: عطني وكم حسابك

المندوب: مدفوع خلاص بالتطبيق

صقر: مشكور والله واعذرنا على اللي شفته

المندوب: مو مشكلة تصير

دخل الحوش فهد ووراه صقر: سامحني يا فهد ما توقعته يجي

فهد: تستهبل انت وش سامحني ترانا اخوان يعني مشاكلك هي مشاكلي

صقر بابتسامة: أي والله انكم اخواني الي ما جابتهم امي

فهد: يلا انا بدخل المقلط وان شوف اختك وش فيها يمكن عور يدها

صقر: صح صح امسك هذا الكيس

.

.

داخل البيت

ام صقر: صقر وش صاير وش فيها سارة