قبل اذان المغرب
صحت حنين وهي ميته عطش وتبي مويا شافت انه نديم نايمه ومارح تقوم فنزلت تحت بس قبل ما تدخل المطبخ سمعت صوت أحد يلحن: والله والناس مروقه اليوم
ماجد فز لما سمع صوت حنين وهو يسوي له شاهي وقرب من الباب: حنين؟
حنين: ايي اخبارك
ماجد: الحمدلله بخير
حنين: جعله دوم يارب
ماجد: تدومين لي، بغيتي شيء من هنا؟
حنين: أي بالله عطني مويا
ماجد: ابشري
حنين: وين خططكم الليله
ماجد استانس انها تسولف معه: والله مدري العيال للحين نايمين وانا مالي خلق اطلع
حنين: وش تسوي؟
ماجد: شاهي تبين؟
حنين: أي ابي بجرب الشاهي حقك زي ما انت تجرب قهوتي
انصدم ماجد انها تدري: وش عرفك
حنين بضحك: كذا حسيت لما عرفت إنك تشربها وانت ما تحبها
ماجد: خذي هذا الكوب تعبت فيه وسويته بكل حب
حنين: مشكور وطلعت فوق
كمل ماجد يغني بصوت يبيها تسمعه:
سولف لي تكلم حيل مشتاق لكلامك
ابتسم لي يا عساني كلي فدوى لابتسامتك
قول امرني تدلل وانا تحت امرك وحاضر
الله لا يحرمني من طيبك معاي ومن غرامك
وقفت حنين فالدرج تسمعه وهي تحس انه حب ماجد فقلبها بدأ يكبر ويكبر
دخل محمد: وش عندك مروق
ماجد كمل يغني:
صاير احلى صاير اجمل من قبل مليون مره
كل من شافك تمنى منك انت بس نظره
شوف نفسك في عيوني وانت تعرف سر جمالك
ولا اقولك مافي داعي عن جمالك انت ادرى
محمد: ان شاء الله دايم الروقان عطني شاهي
ماجد: تفضل يا بعد حيي
محمد: فيك شيء غريب وش صاير معك مستانس بزيادة
ماجد: مستخسر علي الوناسة؟؟
محمد بضحك: لا بس اول مره يكون هذا حالك والمشكلة إنك توك صحيت دايم الاخلاق صفرر
ماجد: من اليوم ورايح كذا ان شاء الله
محمد غمز: ليه شكله عشان الدور الي فوق منور
ماجد بابتسامة: يا حبك للسوالف خذ هذا الشاهي وتعال وراي بصحي العيال طفش
محمد: خالد صحى بس الدب فهد مب راضي
YOU ARE READING
مهما طال الزمن ماني الا لك يا حنيني
Romanceرواية سُعودية للكاتبة: اثير الصالح ماجد الي يحب بنته عمه من الطفولة يتجرأ بعمر ال ٢٦ ويقرر يخطبها بس الصدمه انه ولد عمته خالد رح يسوي شيء يمنع زواجهم ويبعدهم عن بعض والسبب كان ...
