"ဘာဖြစ်လို့မာကျောတဲ့ပုံစံမျိုးကိုအတင်းလုပ်ယူနေတာလဲ အန်တီ .. အရှိအတိုင်းပဲနေလိုက်လို့မရဘူးလား .. အန်တီပင်ပန်းမှာစိုးလို့"
"ဖက်"
ဒီတစ်ခါပျို့ပါးကိုသူမရိုက်လိုက်တာကဒေါသမပါ။အားမပါ။ညင်ညင်သာသာနဲ့နူးနူးညံ့ညံ့လေးပါပဲ။
"ဆရာလာလုပ်မနေနဲ့ .. ဖယ်တော့ မင်းတို့ကို
အသားယူနေတာမသိဘူးများမှတ်နေလား"သူမကပျို့ကိုတွန်းဖယ်လိုက်ပြီးသူမအဝတ်တွေကိုခါနေတော့၏။ဒီလိုကျတော့လည်းချစ်စရာလေးပါလား။
လမ်းလျှောက်လာရင်းနဲ့အိမ်ကြီးရှင်ကစကားနဲနဲ
ဆိုလေတယ်။"ပျို .. တို့တစ်ကယ်တော့မြွေကြောက်တယ်"တဲ့။
— — — —
ဒီလိုအေးစိမ့်စိမ့်ဖြစ်နေတဲ့အချိန်မျိုးမှာကော်ဖီပူပူ
လေးကိုသောက်ရတာသိပ်ကိုအရသာရှိတာပဲ။ကျွန်မခေါင်းကဆံပင်တွေကိုသေချာဖြီးချလိုက်ပြီးမှန်ထဲမှာမြင်နေရတဲ့ကျူးရင့်ခြယ်ဆိုတဲ့မိန်းမကိုခပ်ထွေထွေပဲစိုက်ကြည့်လိုက်ပါတယ်။
ပြီးတော့အခန်းထောင့်နံရံထဲကနေသူထွက်လာ
ပြန်တယ်။ကျွန်မရဲ့သေးမြှောင်တဲ့ပုခုံးရိုးလေးများကိုသူလက်ကြီးနဲ့ညှစ်လာတယ်။သူ့လက်တွေကအလိုအလျောက်ပဲကျွန်ခန္ဓာကိုယ်အနှံ့ကိုပွတ်သပ်နေတော့တယ်။ကျွန်မကတော့ခေါင်းကဆံပင်တွေကိုသာဆက်ဖြီးနေခဲ့တယ်။
"ကျူး .. မောင်မောင့်ကိုငြိနေပြီလား"
"ကျွန်မ .. မောင်မောင့်ကိုမငြိနိုင်စရာ
အကြောင်းရှိလို့လား"မှန်ထဲကနေပဲသူ့မျက်နှာကိုကျွန်မကြည့်လိုက်ပြီး
"မောင်မောင်က ငယ်ရွယ်တယ် .. အတန်အသင့်
စီးပွားရေးလည်းရှိတယ် ပြီးတော့ရုပ်ရည်လည်း
ရှိတယ် ပညာလည်းတတ်တယ် .. ရှင်သိလား
ကျွန်မသာရှင့်လိုအဖိုးကြီးနဲ့မယူခဲ့ဘူးဆိုရင် ..
ကျွန်မအနားမှာမောင်မောင့်လိုလူတွေအများကြီး
ဝိုင်းနေမှာ .. ကျွန်မစိတ်ချမ်းသာရမယ်လေ"
YOU ARE READING
"ဆေးခါး" [ completed ]
Romanceပျိုဖျော်တိုက်တဲ့ဆေးခါးတစ်ခွက်။ တို့တစ်ကြိုက်ထဲမော့လိုက်တယ်။
Part (7)
Start from the beginning