(نور)اشتغلت عند مرة جبيرة بالعمرحبابة ومن أهل الله
مرة جبيرة تعبانة ماكو احد آلهة اولادهة متزوجين
وعايفيهة بحدهة استغربت من هذولي النماذج شلون
يكدرون يعوفون امهم الي ربتهم وتعبت عليهم وتاليهة
من تكبر يشمروهة همزين الله زوجهة من مات بقة
الراتب مالتة مال تقاعد آلهة ومن خلالة جابتني
اداريهةلان خطية ماعدهة احد يعتني بيهة اسميهة بيبي
(رجاء)لان جبيرة بالعمر واعتبرها مثل بيبيتي وهية
هماتين تعتبرني مثل حفيدتهة الي اصلا ماشايفتهم لان
اولادهة كل واحد بحالة مشغولين بأمور حياتهم
وعايفين امهم الجبيرة ابحدهة مع الأسف ع هيج اولاد
ألو اني ليش استبعدهة وعندي اخ ظالم مثلهم ميفرق
عنهم بشي الدنية والفلوس زاهيتلهم بس ماكو شي
ايدوم تاليهم بحفرة مترتين ويأخذون وياهم بس
الوصلة البيضة بس بني آدم شيشبعة .بيبي
(رجاء)جانت دائمامواضبة بصلاتهة وتصلي ليل ونهار
مرة متدينة خاشعة لله تعالى حافظة للقرآن الكريم
نوبات ابات يمهة واجيب وياية اختي الصغيرة وياية
اني ونايمة بالليل اسمع صوتها الحلو من تقرة قرآن
واول ما اكعد الصبح اكعد ع سورة البقرة للقارئ (عبد
الباسط )الله ع صوتة الحلو ليودي الواحد لغير عالم
الكاهة دتصلي صلاتهة وتقرة قرآن اروح احضرلهة
الريوك وادخلهة للحمام اسبحهة خطية متكدر تكوم
تسبح ابحدهة رجلهة متعينهة تستند عليه وتكوم .من
خلالها التجأت لله تعالى وتعلمت اقرة قرآن لان اني
مامكملة دراستي مجان أخوية ومرتة يخلوني اكمل
ايريدوني بس اجيبلهم فلوس بطلوني من مدرسة و اني
بصف ثاني ابتدائي ااعرف اكتب شوية بس من خلال
بيبي (رجاء)علمتني كلشي القراية والكتابة والدين الله
يطول بعمرها ان شاء الله. مرت الايام ويوم عن يوم
اتسوء حالة بيبي (رجاء) وضلت بعد متكدر تكوم من
الفراش وعايشة ع الأدوية والمغذيات كلش انقهرت
عليهة هية صارت كلشي بالنسبة الية واني بسرعة اتعلق
بإحد محتاجة الحنية الي الكاهة منهم لان طول عمري
فاقدتها ومااريد اتصير عليهة شي يوم عن يوم كلبي
يتكطع عليهة واني اشوفها تعبانة وتموت كدام عيني
ومااكدر اسويلها شي غير الدعاء الله يطول بعمرها بس
لازم ماانسة كلمن ويومةوكلنة ضيوف بهل دنية يجي
يوم وكلنة ع هذا الطريق تبقة بس أعمالنا الي تحدد
نهاية طريقنة بالدنيا وبدايتهة بالآخرة واجة اليوم الي
جنت خايفة من يمة يوم موت بيبي (رجاء)الي علمتني
ودلتني ع الطريق الصح قبل لاتموت دزت علية بغرفتها
نور يمة تعالي فتت للغرفة .(رجاء)بنتي حبيبتي الي مو
من دمي بس اعز من روحي وكلبي اني قربت نهايتي
وعذريني بنتي مااكدر اكمل وياج بدرب حياتج الي
باقي راح اعوفج ابحدج تواجهين هاي الدنية والوحوش
الي بيهة بنتي اريدج تصيرين قوية وأقوى من الحياة
وتواجهين كل صعوبات الحياة فدوة لعمرج ابنيتي
اريدج تصيرين سباعية وتواجهين كل مشاكل بالصبر
والله ان شاء الله يفرجها عليج وينورلج دربج من اموت
اخذي هاي سواراتي الي لابستهن وهذا المحبس الي
لابسته عذريني حبيبتي ماعندي شي ثاني انطيه الج
بس هذني ياريت لو عندي شي حتة اورثة الج بس
شسوي هذا البيت ورث لاولادي الي عافوني ع فراش
الموت وماسئلو عليه الله يسامحهم اني مزعلانة منهم
مبريين دنية وآخرة. اخير كلامهة كوة كملتة
وماتت .راحت بيبي(رجاء)الي جنت انام بحضنها
الدافي وكلامهة الحلو وحنيتهة الي ملكيتها عند أقرب
الناس الية .دفناهة مثل ما وصتني يم آهلهة واجوي
اولادهة حالهم حال الغربة وكت الدفنة بس وبعد
ماشفتهم بقت عندي الذهب مالتهة خطية ماعدهة بس
سوارين ومحبس وجانت عايفتهن للزمن تاليها عافتهن
وراحت بعت المحبس وثوبتلهة بيه وان شاء الله
اثوبلهة بالبقية لان ماعندي اثوبلهة فااضطريت ابيعهن
وهنة اصلا مالاتهة هية أحق بيهن باخرتهة هية
ماقصرت وياية بدنياهة لازم اثوبلهة باخرتهة واوفيلهة
جزء من الي سوته اليه خطية حتة قبل لاتموت ذكرتني
بكلادة بيهة اسمي واسمها لبستهة وبحياتي مراح انزعهة
للموت ولا افرط بيهة راح اخليهة بكلبي مثل مدفنت
حبهة الية بكلبي الله يرحم بيبي رجاء .انتهت رحلة
بيبي رجاء بالحياة وتستمر رحلة بطلتنة نور وشنو الي
منتضرهة ..
YOU ARE READING
الخادمة والملياردير القاسي
Mystery / Thriller(نور)الفتاة ذات ال(١٧)عام فتاة فقيرة رمز للبراءة ليس لها معيل تحملت مسؤولية منذ الصغر (عاصف)من أغنى الاغنياء جمع ماله من القتل والفساد والاعمال المشبوهة كيف سيكون اللقاء وهل ستهب العاصفة ع البراءة وتمحيها هل سيجتمع الخير مع الشر
