أللهم صل على محمد وال محمد
ألبارت 𝟯𝟬
الكاتبة : زينب حسين
القصة حقيقية
#دياجير_ألماضي
حبايبي فضلًا وليس امراً متابعة للحساب ♥️🌚
@Zainabzoza359
بسم الله
**************
اني منا مطايقه نفسي غطيت وجهي بيدي اخذ كم صوره واجى يمي باسني براسي
_ يلا حبيبتي كملي مكياجج وحجابج علمود ننزل سوه
_ باوعت هوه اني اصلا شجايبه مكياج باوعت ع المرايه وجهي ماال وحده ميت رجلها
فتحت الجنطه لكيت الحمره الي اذا اوصل باب الفندق تروح خليت منها شوي ولفيت شالي رتبته وخليت عطر اخذت جنطتي وتلفوني وطلعنه لكيت العوائل جوه الي ويانه بالكروب والبنات كلهن عبالك طالعات من صالون مخليات مكياج طوخ وعدسات ورموش واضافر وكلمن ايدها بيد زوجها اشوف نفسي اني بعالم ثاني اصلا مو هامني بس الهم الي بگلبي كافي ولا تهنيت بحياتي جبتها كلها عذاب بعذاب والمفروض هذا شهر عسل وايكون احلى مايكون بس باليوم الي المفروض افرح صار جحيم ...
فزيت ع ايد ادهم لزم ايدي
_ يلا حبيبتي امشي نصعد
_ هاا اي يلا.... صعدنه وشغلو اغاني هادئه غمضت عيوني وخليت راسي ع الكشن بقى بالي شارد. لحد ما كالو وصلنه نزلنه مدينة العاب جبيره ماجدي لاند دخلنه اجينه ندفع الدخوليه بعدني اني استحي منه ف كتله اني ادفع
_ ماشي حبيبتي
_ احااا بقيت متفاجئه بالجذب مكال لا انطيت فلوس الدخوليه ثنيناتنه واخذت كارت الي وكارت اله جان بس الدفع برا مال الدخوليه اما الالعاب جوه مجاني دخلنه بقيت اباوع واني فاتحه حلكي بحياتي مداخله مدينة العاب
واصلا حلم طفولتي ادخل مدينة العاب بس محد جان ياخذني محرومه من كلشي اني
اخذني من ايدي وبقينه نفتر مخلينه لعبه مجربناها حتى الي اشوفها تخوف هم اجربها بالاخير تعبت وعطشت اشتريت عصير وكعدنه بعيد عن الناس
_ادهم
_ ها حبيبتي
_ تعبت
_ اي لعبتي هواي ارتاحي بعد لتصعدين
_ ما اقصد ع الالعاب
_لعد
_تعبت اريد اخلص شوكت نكمل واخلص من هذا الهم؟؟ اريد افرح مثل هذول البنات فرحانات ونزلت دمعتي
_ شوكت متكونين جاهزه اني موجود
_اليوم
_ متأكده؟
_ ايي
_ اريد احجيلج شي
_شنو
_وانتي دتلعبين ابو مصطفى عرفتي هذا ويانه بالكروب هوه وعائلته زوجته واطفاله وام زوجته
_ اي عرفته شبي
_ حجيتله عن وضعنه
_ تخبلت اني... شنووو شنو حجيتله شبيك انت صاحي شلون تحجي هيج شي شخصي لناس منعرفهم
_ خلي افهمج شوفي ليش نغالط نفسنه وضعنه مبين كدام الناس كلها لا فرحه ع وجوهنه ولا مرتاحين والرجال فكر غير تفكير عباله مجبورين او تفكير اكبر وسألني واني كتله انت اكبر مني ويمكن اني ماعرف اتصرف وماعرف المن احجي وانت انصحني والرجال مقصر
كلي الموضوع سهل واني اخلي زوجتي اليوم من نرجع للفندق تحجي وياها بوحدها وحجه ويايه هواي واكو تخدير وهالسوالف بالصيديله
YOU ARE READING
دياجير ألماضي 12:00
Mystery / Thrillerمَاذا أحل بِناْ ؟ لِماذا تَطَشر شَملنْا ؟! لِماذا أصبَحنْا غُرباء لايَعرُف احَدنْا الاخَر هلْ هَذا قَدَرُنْا !؟ام هَذا مِنْ فَعل اَيدِينْا أنَعود مَثلَمَا كُنْا ام للقَدر رائي اخَر مَابنْا لمَاذا كُلَ هَذا الجَفاءٌ لِماَذا ابْتَعدنْا عَنْ بَعَضَن...
