دياجير ألماضي 12:00

فصل التاسعة وعشرون

ثاني يوم بالليل
كال يلا جهزي نفسج نروح
بدلت واخذت عبايتي وهوه نزل الجنط ونزلنه يم امه جابتلنه عشى
كالت تجوعون بالطريق اكلت لكمه وعفته ميته جوع بس استحي اكل حجه هوه
_ طيبه هناك تنزعين العبايه مو تفضحينه
_ شنوو ليش شنو هنا اكو الله وهناك ماكو الله ترا ماعرف انزع العبايه لا خليني هيج مرتاحه
_ حبيبتي ميصير هناك معدهم وحده تلبس عبايه وثلوج وجبال يعني تصعدين للجبل بعبايتج
_ استحيت حسسني همجيه صح مطالعه سفرات ابد بس ماعرف مو بيدي شلون انزع العبايه... بس جان كتلي قبل وقت ممشتريه ملابس عريضه مال طلعه ملابسي مو مناسبه اطلع بيها بلا عبايه
_ لا مبيهن شي
_ اوك الي تريده
سكتت وكمت شلت الصينيه وغسلت وسلمنه ع اهله وطلعنه رحنه للشركه مال السفر وانطونه رقم الباص الي نصعد بيها صعدنه اباوع كلها بلا عبايات بس اني حسيت نفسي اختلف عنهم توترت كعدنه بمكانه ولمن قبطت السياره ومشت كلي ادهم
_ من ننزل باستراحه خليي عبايتج بالجنطه ولبسي جبه هسه مريحه اكثر للطريق بين منوصل وهناك لبسي الي يعجبج
_ تمام حبيبي... مشت السياره هواي وصدوك نزلنه باستراحه وبدلت لبست جبه خليجيه فضفاض ورتبت لفت شالي ورجعنه صعدنه

جانو كل كل ساعه ينزلونه باستراحه ناكل ونرتاح ونرجع نكمل والطريق يخوف مگطوع ماكو ناس ولا اكو بنايات غير بين كل مسافه طويله نلاگي مطعم لو فندق بطريق مگطوع ناكل ونرجع
وراها غفيت محسيت غير ثاني يوم ب١٠ الصبح كعدني ادهم
_ يلا حبيبتي وصلنه ترا وكلها ساعه وحده ونوصل للفندق يم القلعه
_ كعدت متكسره ممرتاحه بنومتي شوي صارت ١١ وصلنه ونزلنه ونزلنه الجنط وكعدنه بالاستراحه مال الفندق بين ما انطونه مفاتيح الغرف دخلنه للغرفه كبل ذبيت ملابسي بدلت وشمرت نفسي ع الجربايه تعبانه هوه هم بدل واجى يمي حضني حضنته وغمضت ردت انام تقرب باسني وما وخر غير لمن دفعته اختنكت وكوه اتنفس رجع باسني ويشم بيه بهدوء وبقى يتجرء بلمساته همستله... حبيبي الدكتوره كالت ميصير اله تمر ٣ ايام
_ اي وهذا اليوم الثالث
_ زين اني هسه تعبانه خلي نام اول وبالليل الي تريده يصير جاوب بجديه
_ لا هسه كلت
_ كتله تمام وسكتت
_ بده يتقربلي واول ما اجت عيني بعينه شفت نظرته نفسها من تقربلي بالبيت

غمضت عيوني حيل خفت منه ماحسيت غير نضربت راشدي ع وجهي فزيت مرعوبه
شش شبيك شبيك ليش هيج ليش دتضربني شسويتلك هسه هم منعتك هم
كتلك وخر هم بجيت؟؟ ليش

_ لج ليش تخافين منيي
_ بس غمضت عيوني لان اخاف من نظراتك اخاااف افهمني.. اجاني الراشدي الثاني والثالث دفعته عني بكل قوتي وركضت للحمام دخلت وسديت الباب
اباوع الباب مبي قفل مينقفل الباب عباره عن زجاج مضلل مينسد

بقيت ابجي كعدت بزاوية الحمام وابجي والطم ع وجهي شجابني وياه لهنا ليش ورطت نفسي وليش وافقت ازوج اصلا ليش هيج شفته دخل لميت نفسي وخليت ايدي ع راسي

لا عفيه اطلع لتضربني رووح رووح اطلع برااا ماريدك
.. تقرب يمي وكعد مقابيلي وسحبني اله دفعته وكمت ركضت ردت اطلع من الحمام سحبني من ايدي وخلاني ع الحايط وكف كبالي وساكت باوعت بعيونه مو نفسهن قبل شوي مو نفس عيونه التخوف هاي عيونه مليانه ندم ودموع حضني
_ طيبه والله احبج ماريد تخافين مني ماريد تتهربين مني تنكسر ايدي اذا امدها عليج اني رحت لقبر ابوج بيوم عرسنه وعدته ما اذيج شلون مديت ايدي عليج شلون
_ وخر عني ادهم ماريدك عفيه رجعني لامي رجعني باجر وكلهم بتكم طلعت مو بنيه خلي يكتلوني واخلص تعبت اني والله تعبت ليش مو حالي حال البنات افرح بعرسي وهسه المفروض شهر عسل مرتاحين ومتونسين ليش هيج
_ اشش كافي حبيبي
_ ابجي وارجف رجعتلي الرجفه نفسها والخوف

فتح الدوش وخله المي دافي وكفني جوه الدوش
وكلي
_ كافي انسي الصار كله وعد بعد ماتقربلج ولا اريد اي شي منج لحد متكونين جاهزه وراها بس نكمل ماتقربلج ابد اله انتي توافقين كافي امسحي هاي العيون الحلوه اهدئي حبيبتي اعوفج تسبحين ع راحتج

_ طلع واني سبحت وكملت صحتله جابلي البرنص مالتي لفيت نفسي بي وطلعت نمت ع الجربايه شوي وندكت الباب طلع شاف منو ورجعلي
_ حبيبي هذا مندوب الشركه يكول جهزو نفسكم شوي وطالعين مدينة العاب ومول ومطعم ولليل ونرجع للفندق
_ ماريد اريد انام تعبانه
_ حبيبتي بالليل ننام كومي هسه لعد شعدنه جايين غير تنونس نغير جو
_ اذا تريد اقفل الغرفه عليه وروح وياهم واني معندي شي هنا انام
_ واعوفج بوحدج كل عقلج كومي عمري كومي بدلي يلا اني اختارلج ملابس بعد شتريدين
_ كام فتح جنطه وطلعلي بنطرون وقميص وردي فاتح وجاكيت للركبه ابيض وشال وردي وابيض وحذاء سبورت ابيض
_ يلا شتريدين بعد كومي وامشطلج اني هم
_ كعدني وجاب المشط مشطلي شعري
_ يلا حبيبتي كومي بدلي لخاطري
_ اخذت الملابس ودخلت للحمام بدلت وطلعت وهوه كام يصفر
_ هاي شنوو لك شطالع شنو هالاناقه خرب عرضك ادهم ع هالاختيار صبري خل ناخذ صور

طيبه_اني منا ماطايقه نفسي وانوب صور كتله.....

.

.

.يتبع

*********

الى هنا انتهى البارت اتمنى ان ينال أعجابكم

واذا عجبكم البارت صوتوا عليه 🌚♥️

للأستفسار او السؤال إنستكرام

Zainabzoza359