Paris 1:20 ..
قمت على صوت شخص وهو ينادي اسمي بهمس خفيف ..
.. : لمار .. قومي وصلنا
فتحت عيوني ببطىء وانا مو مستوعبه الي انا فيه ..
نواف : لمار ؟ قومي وش الكسل هذا
غمضت عيوني وفتحتها 50 مره وكان النوم قاتلني وابي اكمل نومتي .. كل الي استوعبته اني كنت نايمه على كتف نواف طول الرحله
فزيت من مكاني ولصقت بالشباك
نواف : بسم الله وش جاك وش شايفه انتي ؟ جني ؟
لمار : وصلنا ؟ باريس
نواف : وصلنا بس باقي دقايق وتقلع الطياره
لمار : الساعه كم الحين ؟
نواف : 1:22
لمار : ست ساعات نايمه على كتفك!!
نواف : ايي ونومه عميقه بعد😂
لمار : معليش والله تعبتك بس كنت تعبانه
نواف : تعبي عندك راحه
دخلت كلمته فيني الفرحه .. بكلمات بس بسيطه منه اكون اسعد شخص ..
ماقدرت ارد عليه لان مالقيت التعبير الي اقدر اعبر فيه .. كل الي سويته رجعت لنفس مكاني وانا حاضنه اكتافه
لمار : عورتك ؟ هههههه
نواف : ناويه تزيدينها هههههه
لمار : اسفه بس بتعتبر ذا مكان نومي المفضل النوم فيه مريحه
نواف : يعني كل يوم اجهز كتفي لك ؟
لمار : بالضبط
بمجرد اني قلت كلمتي الاخيره هبطت طيارتنا على ارض باريس .. مدينتي المفضله ومدينه احلامي ..
اخذنا شنطنا ونزلنا من الطياره بمجرد بس خرجت من الطياره حسيت بالهواء وهو يلعب بشعري وشعري يضرب بوجهي .. " حلمي تحقق " !
قلت ذي الكلمه بكل انفعال وحماس وانا متحمسه للايام الجايه الي بقعد فيها ب باريس .. كانت نظرات الراكبين الي نازلين من الطياره كلها علي وانحرجت بسبب ذا الشيء .. بس الي لاحظته نظرات الي قدامي الي كان مبتسم على حركتي وحماسي ويضحك بداخله على انفعالي الشديد
نزلت عيني بالارض وما حاولت احط عيني في ولا عين احد من النازلين وانا متوتره ومحرجه من حركتي !
نزلت من درج الطياره و حطيت اول خطواتي ب ارض باريس .. كنت مستمتعه في اي شيء اسويه لو انه كان عادي بس بالنسبه لي ماكان عادي لانها كانت مدينه احلامي من كنت طفله ..
بمجرد اني وطيت ارض باريس ركضت على نواف احضنه لانه كان السبب بتحقيق وحده من احلامي ..
نواف :بشويش بطيح بسببك!! ههههه
كل ذا فرحه عشان باريس😂 !!
لمار : ذي الفرحه ولا شيء بالفرحه الي ب قلبي
نواف : الحمدلله اهم شيء انك مبسوطه
ابتسمت على كلمته و وقفت بنص الطريق وانا اتأمل نواف .. كانت الدموع تتجمع بعيني بسبب كلامه وحنيته الي انعشت قلبي للحياه مره ثانيه
نواف : ايش بك وقفتي ؟ ماتبين باريس ؟ ههههههه
لمار : لا لا ولا شيء
يلا مشينا
تقدمت وصرت بجانب نواف والي ترك شنطته ليده الثانيه ومسك يدي وهو يشابك اصابعي باصابعه ويشد عليها .. كنت انظر لمنظر يدي بيده وهو متشابكه وعيوني تمليها القلوب والدموع من كثر الحب ..
طلعنا من المطار واخذنا تكسي عشان نروح للفندق الي استاجره نواف ..
لما كان بالطريق كنت اتامل كل شارع نمر فيه واتامل الناس .. هاذي باريس؟ هاذي باريس الي كنت احلم اعيش فيها ؟ اليوم انا فيها مع حبيبي ..
لفيت على نواف الي كان باين عليه التعب وانه مانام طول السفره عشان مايخرب نومتي .. اعترف اني حسيت بشيء من تانيب الضمير
التفت وانا مكمله تأمل في شوارع باريس الي تملاها الحياه مع ان الوقت متأخر .. بعد لحظات من تأمل شوارع باريس المُبهره حسيت بثقل ينزل على كتفي لفيت ولقيت نواف وهو حاط راسه على كتفي ومحتضن بمعصمي .. استلطفت المنظر ل درجه كنت مابي اشيل عيني..
كان نايم نومه عميقه وباين عليه التعب وانه ما نام من قام الصباح ..
حطيت يدي على شعره وبديت اللعب فيه بخفه عشان مايحس فيني ويكمل نوم .. بعد 15 دقيقه وصلنا الفندق .. كان جميل لابعد حد صرت اتأمل المكان وانا مذهوله من جماله ! واو جد ..
لمار : نواف .. نواف
نوافف !! يلا قوم
نواف : فين ؟
لمار : يعني فين وصلنا ؟
كان نواف ينظر لي بنظرات تعجب واستغراب ومو فاهم مني ولا شيء
لمار : قوم .. وصلنا الفندق!
طلعت من السياره وطلع نواف منها بعدي ..
نواف : طولت بالنومه؟ هههههه
لمار : لا هههههه
بس بطلعه الروح تقوم وش النوم الثقيل ذا
نواف : مو اثقل من نومك
ضربته على كتفه وانا اضحك .. وصلنا للاستقبال واستلمنا بطاقه الغرفه وطلعنا لغرفه .. كنا نتمشى بالفندق وانا اتأمل جمال الفندق! كان اثاره مثل جيل التسعينات والاشبه بالعصر الفِيكتوري .. كنت معجبه فيه بكل ما املك!
وصلنا لغرفتنا ودخل نواف قبلي الي اول مادخل الغرفه رمى كل شيء بيده وارتمى على السرير
نواف : يازين السرير
لمار : مسرع بتنام تونا وصلنا
نواف : لما نقوم يصير خير
ضحكت على كلمته الاخيره الي واضح بعدها دخل بسبات عميق بديت ارتب الغرفه وادخل الشنط بمكانها وبعد مانتهيت فتحت البلوكه .. كل الي اهتميت له انها مُطله على برج ايفل ! ابتسمت باقوى ماعندي وانا فرحانه على المنظر الي كنت احلم فيه .. تحقق وصرت اشوفه بعيني !
حطيت يديني على سور البلكونه وانا اتأمل الشوارع وحياه باريس والبرج الي اشتهرت فيه باريس .. فجاءه حسيت بيد شخص وهو يحطها على كتفي
فزيت من مكاني وانا مخروشه ..
نواف : بسم الله شفيك هههههه
لمار : انت مو توك كنت نايم ؟ مسرع صحيت
نواف : مانمت .. نومه التكسي طيرت كل نومي
لمار : بس شفت سدحتك لما دخلنا الغرفه قلت مابتصحى غير اليوم الثاني ذي اخرتها؟ ههههههه
نواف : للاسف ههههههه
لفيت وجهي على البرج وكنت مستمره اتامله .. كانت الانوار الصفراء الي ملمعته وباينه كل معدن فيه باينه .. كنت ابتسم بخفه على جمال المنظر ..
لمار : تدري .. ماتوقعت باريس حلوه كذا
نواف : لسا ماشفتي شيء عشان تحكمين😂 !
لمار : بس ذا المنظر يكفيني ..
حط نواف يده على كتفي وشدني لما لصقت بحضنه ..
نواف : اوعدك تشوفين اشياء احلى من ذي
كنت انظر له وقلبي تملاه الحنيه ابي احضنه ..
لمار : مايحتاج انت وفيت بوعدك.. شوفني اتأمل شيء احلى من اي شيء
نواف : تقصديني؟ ههههههه
مسك معصم يدي وشدني له وحضني .. بادلته الحضن بس بشكل اقوى
بعد دقايق فصل الحضن
نواف : تبين نطلع مكان ؟
لمار : الوقت متأخر متأكد في احد بيفتح الحين ؟
نواف : ماتوقع بس خلينا نطلع
لمار : شوف بنفسك من البلكونه المتاجر كلها مقفله ، وتونا جايين من سفر وباين عليك انك تعبان حتى انت
نواف : طلعتي تخافين علي ؟ هههههه
لمار : ايوا ايوا بس ابعد
بعدته عن طريقي عشان اهرب منه واروح انام .. بس ماعطاني مجال او فرصه سحب يدي ورجعني لحضنه وهو رافع راسي لناحيته بيده ..
قرب مني وباسني .. كنت مستحيه وكان باين على وجهي ذا الشيء سحبت نفسي منه بالقوه ورحت للسرير وغطيت نفسي بالبطانيه
نواف : يعني كذا تخبيتي مني ؟ هههههه
لمار : اي
كنت اسمع ضحكه وهو منهار ضحك على رده فعلي .. واشد على البطانيه اكثر ! بلمح البصر وبثواني معددوده شال البطانيه عني وطيحها بالارض
نواف : واو تخبيتي ! وينك ههههههه
لمار : طيب يا فله خلاص روح نام
نواف : اخذتي السرير كله كيف تبيني انام ؟
لمار : عندك الكنبه
نواف : طيب
سحبت البطانيه من الارض ورفعتها على السرير وغطيت جسمي فيها وكانت عيني على نواف .. كنت انتظر لاي حركه يسويها عشان ابعده عني
كان نواف واقف قدام الكنبه وشال تيشرته ورماه على الكنبه
بمجرد اني شفته وهو يرمي التيشرت شديت على البطانيه اكثر وغطيت عيني فيها .. سمعت ضحكته وهو يضحك على رده فعلي .. تجاهلتها وحاولت انام لكن بعد دقايق حسيت بشخص وهو يدخل جوا البطانيه
لمار : انا مب قلت لك تنام على الكنبه ؟
نواف : وانا قلت لك اني بنام عليها ؟
لمار : قلت طيب!
نواف : قلت طيب بس ماحددت وين ينام
اخذت المخده الي كانت بجهته وحطيتها قدامي ..
نواف : رجعنا لسالفه مخده الخصوصيه😂😂 ؟
لمار : ايوا خلاص نام على ذي الجهة
اخذ نواف المخده ورجعها لمكانها الاساسي وانسدح عليها و وجهي مقابل وجه ..
لمار : اف منك عنيد
لفيت جسمي للجهة الثانيه ورجعت احاول انام
كان النوم غالبني بس ماني قادره انام .. بعد 10 دقايق من المحاولات الفاشله اني انام سمعت صوت نواف ..
نواف : نمتي؟
لمار : لا
نواف : ولا انا مب قادر انام
لمار : الارق ذابحني مع اني بموت نوم
بعد دقايق من الصمت بعد كلمتي حسيت بنواف وهو يحط يدينه بين خصري ويقرب له اكثر ..
لمار : ولا زلت مصر؟
نواف : مصر ولا لبنان
ضربته على راسه وانا ماسكه الضحكه من ذبته ..
لمار : ماحاولت تفكر قبل لا تقول ذبتك ؟
نواف : والله حلوه ليه شدتها هههههه
لمار : جد ان القناعه كنز
اعطيته ظهري ورجعت احاول انام
وكان ذا اخر شيء اتذكره من ذي الليله ..
———————————————————————————
حاولت انزله لكم باسرع وقت ممكن لدرجه حتى مابراجعه هههه
بس اتمنى عجبكم البارت وعطوني رأيكم🤍 ؟
اكتبو لي تعليقاتكم الحلوه جد الي تعزز لي اكتب مع ان شغفي ميت🥹
