Yash: krish ab bolega bhi ki kya hua?
( krish started narrating what all happened in the goenka house to yash and krishna)
Manjiri: maine ye faisla kiya hai ki abhimanyu aur aarohi ki shaadi hogi.
: what the hell!!
( all look towards the entrance to find kairav standing there fuming )
Kairav: aapka dimaag thikane pe hai ya kahin bech aayi hai aap ms. manjiri. abhimanyu aur aarohi ki shaadi? satiya gayi hai aap
Aarohi: bhaiya! aap kaise baat kar rahe hai maa se. aap unse aise baat nahi kar sakte. aur abhimanyu se shaadi karne ka faisla maine aur abhimanyu ne milkar liya hai aur woh bhi sirf ruhi ke liye, taaki usse uski papa ki kami na feel ho.
Manjiri: aur ye naubat bhi iss ladki ki wajah se aayi hai. humare ghar ki khushiyaan cheen li usne. jabse humare ghar mein kadam rakha hai tab se sab kuch ashub hi ho raha hai humare ghar. humne humare 2 bacche khoye hai. pehli toh tumhare wajah se hi na kairav. anisha ko bacha sakte the tum lekin tumne waisa nahi kiya. aur humare ghar 6 saal pehle jo chita jali thi woh akshara ki wajah se. ye sab bhool gaye hai. humne kitna dukh saha hai ye koi nahi samajh paayega. aarohi ne apna pati khoya jab usse uski sabse jyada jarurat thi. maine mera beta kho diya, mere abhi ne apna bhai kho diya aur ruhi usne toh apne papa ko dekha tak nahi. sirf aur sirf iss akshara ki wajah se. mera abhi peechle 6 saal se akela hai. lekin ye ladki apni jindagi mein aage badh gayi. apna grahasti basayi, shaadi kar li doobara baccha paida kiya sukhi sansaar khada kiya. ek baar mudkar tak nahi dekha. mere abhi ko chodke bhaag gayi ye ladki.
Krish: enough ms. manjiri. bohot sunn li aapki bakwaas. ab aur nahin. iss duniya ki har cheez ki jadd aap akshu ko kaise maan sakti hain.
Manjiri: kyunki ye sab ussi ki wajah se hua hai.
Manish: bass manjiri ji. bohot hua. bohot bol liya aapne. ab main apni bacchi ke khilaf kuch nahi sununga. jo bhi hua bohot bura hua lekin usmein akshu ki galati nahi thi.
Manjiri: thi ussi ki galti thi. agar woh neil ko lekar uss concert mein nahin jaati toh ye sab nahin hota.
( akshara, kairav and krish were shocked because they knew that akshara had gone to visit the doctor due to pain in stomach.)
Akshara: ( teary ) main koi concert nahin gayi thi nahin gayi thi main koi concert, main toh
Manjiri: mujhe mere bete ki khooni se baat tak nahin karni hai. maine mera faisla suna diya hai. abhimanyu aur aarohi ki shaadi hogi. ek hafte mein sagaai aur phir ek mahine mein shaadi. aur ye faisla ab koi nahin badal sakta.
Manish: aap shayad bhool rahi hai manjiri ji ki hum aarohi ka parivaar hai, aur humare marji ke bagair aarohi shaadi nahin karegi. aur agar aap itna hi chahti hai aur aapko aarohi ki chinta hai toh hum uske liye ladke dekhna shuru kar dete hai. lekin aarohi abhimanyu se shaadi nahin karegi. aur ye mera faisla hai jo koi nahin badlega. abhimanyu aarohi se pyaar nahin karta aur main meri bacchi ko ek aise shaadi mein nahin baandh sakta. aur rahi baat ruhi ki toh usse uske papa ka pyaar jarur milega lekin woh abhimanyu usse nahin de sakta.
usne humesha aarohi ko sirf ek collegue ki tarah dekha hai not as a life partner. woh ab meri bacchi ki jindagi ke saath aur nahin khel sakta. aur main aarohi ka dil dobara tutne nahin de sakta.
Manjiri: abhi usse kya de sakta hai aur kya nahin ye main jaanti huin manish ji. maa huin main uski. mujhse behtar usse koi aur samajh nahin sakta.
Krish: toh yeh aapki sabse badi galat faimi hai ki aap usse janti hain aur samjhti hain, kyunki aap kuch bhi nahin samjhti.
aur aapko jo karna hai woh kijiye uska humse koi lena dena nahin hai. lekin agar dobara aapne akshu par kisi bhi tarah ka iljaam lagaya toh mujhse bura aur koi nahin hoga. aur mrs suhasini goenka isiliye aapne hume yahan bulaya tha, ye sab sunne ke liye. dobara hume apni shakal na dikhaiye yahi sab ke liye behtar hoga. chal akshu yahan se. ek pal bhi iss ghar mein ab main aur nahin ruk sakta.
Suhasini: krish beta aisa nahin hai. please ruk jaao bacchon yahan. itne saal baad dono apne nanihal aaye ho please beta.
Krish: ye mera nanihaal nahin hai mrs goenka. i hope aapko yaad hoga ki kiss wajah se ye mera nanihal nahin hai ab.
radhe krishna. hum chalte hai.
Krish: aur hum wahan se aa gaye. uske baad wahan kya hua mujhe nahin pata.
Krishna: aur kairav kahan hai?
Krish: mujhe nahin pata aur mujhe janna tak nahin hai. jab akshi ko uski jarurat thi tab toh muh mein dahi jamaye baitha tha. aur pata nahin aaj achanak bolne ki akal kahan se aagayi usmein.
Krishna: krishh. bass.
Yash: lekin krish akshu ko bukhaar kaise aaya?
Krish: woh actually jab hum wapas ghar aaye toh uska aur abhir ka jhagda ho gaya jiski wajah se usse severe panic attack aaya jiske side effects se bukhaar aaya.
Yash: abhir ne akshu se jhagda kiya? almost impossible cheez hai ye. but theek hai thank god a dono mein sulah ho gayi haina krishna?
( yash and krish both noticed krishna was little tensed and lost in her thoughts somewhere)
Yash: krishna kya hua, dhyaan kahan hai tumhara?
Krishna: mujhe laga wahan khidki ke paas koi tha. jaise koi humari baatein sunn raha tha.
krish: wahan koi nahin hai krishna. yaar sabse jyada ghussa mujhe unn goenka's pe aata hai. abhi bhi unhein issi baat ki tension hai ki unki laadli aarohi ko woh dr waapas na chod de iss baat ki nahin ki how can abhimanyu and aarohi marry each other woh dr uske pati ka bada bhai hai aur uska jeeja hai.
Krishna: seriously. agar jeeja aur saali ka bond ho na toh woh yash aur akshu jaisa hona chahiye. aarohi toh mujhe kabhi bhi pasand thi hi nahi. humesha bass akshu se jalti aayi hai woh. main pure dil se sirat aunty ki respect karti huin, kyunki unhone sach mein kairav akshu aur sabhi gharwalon se dil se pyaar kiya, apni ek alag jagah banayi unhone kabhi bhi naira mumma ki jagah lene ki koshish nahin ki. infact woh toh naira mumma ko unki badi behen aur unki mentor ki tarah maanti thi unki bohot respect karti thi. pata nahin ye aarohi aisi kaisi nikli.
usually bade bacche jealous hote hai lekin yahan toh ye, jabki usse sabse jyada pamper kiya gaya hai jindagi bhar.
Yash: anyways, please kuch khaa lete hai mujhe bohot bhuk lagi hai.
( they went to the dining area unaware that someone heard their entire conversation from the window and was shocked, hurt and furious)
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
now who heard their talks?
and did abhimanyu succed with his suicide attempt?
hope you guys liked the chapter. stay tuned for more.
lots of love,
Author 🤍
