سبية مستباحة

بارت 5

""

لست ابكي لاا تروني
هذا داء في عيوني
ليس دمع ليس جرح
ليس حزن اتركوني
كنت ازهو بلجمال
عندما كنت قبالي
ليتني انقل صوتي
لك من تحت الرمال
انتضر امسك يداك
لا تغادرني وراك
انت حلمي في المنام
مال اصحو لاا أراك
كيف اتي انت تحتي
ادخلني معك في اللحد
حتى ان كان ضلام
لن اكون اليوم وحدي

لقياك اريد لقياك"

___

حرير: ضليت ع هااي الحالة تقريبا اسبوع صرت يومية اخذ من هلعلاج وانام يكعدوني اكل ماكعد ولاا اطلع من الغرفة اساساا جسمي ذبل وصرت بس اريد انام ماريد شيي ثاني بيوم الثامن من العلاج سمعت هوسة برة كومت نفسي كوة حتة اطلع
باوعت لروحي بلمراية شعري الطويل الجنت احبة وماخلي احد يقربلة حتة من جنت افوت من يم بابة افر ضفايري واكلة شكرا ع هلجينات هوة كلشي راح بقت ع شعري فتحت الباب طلعت شفت شخص كاعد ومدنك راسة وحاط ادينة ع راسة ويهز برجلة
بهلحضة ضليت واكفة ماتحركت اباوعلة حرفياا وصلت لمرحلة رجلية ترتخي ماعندي قوة اوكف ابد نطقت اخرر كلمة
ب مهڤ ووكعت عن طولي حسيت ذبيت حملي وحيلي كلة لدرجة صوت وكعتي حيلل عالي اسمعهم شيحجون بس ماكدر لاا احجي ولاا افتح ولاا احرك اي شيي بجسمي حسيت بلشلل بسس
-
مهڤ: باوعت للصوت شفت حرير واكعة بلكاع ركضت عليهة وكلهم اجوي ع الصوت
رفعت راسهة لحضنيي واضرب بوجهة واحاجيهة تكعد
حرير كومي تسمعيني كومي اجيت مو تنتضريني يلا كوميي حور هديتي حيليي
-

الحجية: يمة مهڤ حقهة ماقبلت لاا تاكلل ولاا تشرب قافلة هلباب عليهة وتلكاهاا نايمة كلل الوقتت
مهڤ: شلون هييج جسمهة ميت معقولة هبط ضغطهة كولي لمصطفى يحضر السيارة رادت تطلع وكلتت

مهڤ: لاا حجية عوفي ليحضر شيي خلي يجيب الدكتور اليعرفة هناا مو مال اطلعهاا
رفعتها وشلتهة طببتهة للغرفة نومتهة باوعت للميز قراصة شفافة وبيهة فراشات بنفسجي اخذتهاا وصحت عبير ترفعهاا حتة الم شعرها فوك ماا لونة عسلي اطول منهاا الضاهر موبس لسانهة طويلل يلعن هليوم ع جيناتج هاي
-
مهڤ: هذا شلون تلمونة
عبير: وخرر خوية بين ماا تلم شعرهة متوفية لبنية لزمهة انتة واني راح المة

مهڤ: هم صدك اخذتهاا وعبير لمت شعرها كلتلها تجيبلي شال راحت جابت اخذتة وحطيتة ع راسهة رجعت نومتهة وغطيتهة طلعت بس اديهة ضليت كاعد يمهة لازم اديها واباوعلهة
شمسوية بنفسج حرير هيج تسوين بامانتي تريدين تضيعيهة مني تكعدين وعدنة غير حجيي
الباب اندك وكلت تفضل الدكتور وياا محمد
-
مهڤ: تفضل دكتور حياك

الدكتور: الله يحييك حبيب عدكم العافية خير نشالله
مهڤ: شوفهة كدامك لاا تشيل ايد ولاا رجلل بس النفس يصعد وينزل اليوم نزلت من شغلي وشفتهة بهاي الحالة
الدكتور: موجان لمفروض تاخذهة للمستشفى مبينة حيلل عدهة مضاعفاات
مهڤ: انت شوفهة وشتكول اسويلهة
-
كعد ع الكرسي وطلع جهاز ضغط وجهاز سكرر قاسهن وكالل
-
الدكتور: عمي لبنية وين انتو عنهة اذا ضلت هيج متتحملل ثاني شيي شوفو الرجفة البجسمهة ممكن بأيي لحضة تسبب جلطة متتخطاهاا
مهڤ: ع كيفك دكتور اني وين شفتهة بعدني ماكلت السلام عليكم شفتهة واكعة كدامي تقربت يمهة شلتهة وطلعت طلعو وراية هوة ومحمد
محمد: وين ماخذهة دكول انت طاير بيهة وتركض
مهڤ: اعرف وين رايح ترخص من الدكتور واجة وياي صعدتهة وصعدت وراهاا خليتهة بحضني
محمد امشيي بسرعة ماوصيك
محمد: اهدئ يمعود خلينة نشوف دربنة لتخاف
مهڤ: يلاا محمد يلاا شوفهة لاا ايد ولاا رجلل مكاعد تنطيي ايي اشارة راح تروح لبنية
محمد: استغفر الله ماعليهة شيي بحيلل الله تكوم وترجع احسن من قبلل
مهڤ: وصلنة للمستشفى وطرت بيهة للطوارئ دخلوهاا ضليت افتر اروح وارجع اجة محمد لزم جتفي
محمد: اهدئ مهڤ شديصيرر بيكك تخبلتت
مهڤ: وخرر محمد كلبي راح ينفجرر دخيلك ربي
محمد: نطلع مناا وعندي غير حجي ويااك
مهڤ: شكد تافه بحالك اني
طلع الدكتور وياا ثنين ممرضات
مهڤ: بشر دكتور
الدكتور: لبنية تتعاطة شي علاجات شنوو تاخذ
مهڤ: دكتور شتتعاطة كلشي متاخذ حب راس مماخذة من شفتهة
الدكتور: حالتهة متكول هيج راح نحلل دمهة ونبلغك بلنتيجة
مهڤ: وهسة حالتهة شنو
الدكتور: لحد هسة ماصحت اقوة الطرق حاولنة وياهاا مافاد بيهة ان شاء الله عدهة العافية

مهڤ: راح ومشن ورا الممرضات باوعت لمحمد
عدكم علاج بلبيت ممكن يسوي بيهة هيج
محمد: انت تعرف مستحيلل اطبب هيج شيي للبيت ولاا اني اخذ هيج علاج بي مادة مخدرة وعلاج اميي الطلع بي مواد مخدرة تنوم كلتلهة تذبة واني عزلتة وحد ب ايدي اكيد مابقتة بلبيت لحد هسة
مهڤ: واذا مبقيتة معناهاا هية ماخذتة اكيد ماكو غير هااي
محمد: اضرارة اكثرر من مادة مخدرة مهڤ تدري هالعلاج شكد طلع بي بلاوي الله يستر بس اذا ماخذة منة
-
مهڤ: اخخخ منج حرير ماكدرلج دمرتيني
ضليت انتضر التحاليل وكل فترة صغيرة يسحبون منهة دم تقريباا ساعة وصاحلي الدكتور بعيادتة
-
الدكتور: تفضل استاذ مهڤ ستريح
مهڤ: تسلم دكتور اشرحلي حالتهة شطلع بلتحاليل
الدكتور: استاذ مهڤ بهيج حالات منكدر نخاطر بلمريض ومثل ماكلتلك اكو مادة مخدرة بجسمهة
مهڤ: دكتور بس هية ماجانت هيج هاي الفترة صارت هيج بسبب استشهاد ابوهة وصلت لهاي الحالة واني مو دائماا بلبيت اكثر وقتي واجبات
الدكتور: المخدرات من هاي النوع تأدي للوفاة وراح تخلي المريض يهلوس ويحجي شغلات مو معقولة وتفكيرة يصير بلأنتحار وتصرفات بدون ارادة
مهڤ: اكيد راح اكون وياهاا واخليهة تتخطة هلشي انت بس كلي شنو الممكن اسوي
-
الدكتور: انت لازم تخليهة تنام بدون متفكر افكار مالهة نهاية تخليهة تتعب ومتنام وتلجأ لهاي العلاجات حتة تنام
علاجهة الجانت تاخذة لازم كلة يتبدل بفيتامينات وكالسيوم لجسمهة حتة دمهة يتنضف
لازم دعم معنوي تحفيز يخليهة تكمل حياتهة طبيعي مثلهة مثلل كل البنات تتقبل الواقع وتكوم ع حيلهة
اهم شي لحد يلومهاا ع الشيي الصار لازم تبتعد اي علاج بي مادة مخدرة غير الفيتامينات لتحطون بلبيت لصالح المريضة ونشالله تتخطاهاا
-
مهڤ: فهمت دكتور راح اسوي الازيد من هذاا بعيوني اخليهة
الدكتور: البقاء بحياتهاا ويخليهاا الك عدهاا العافية
مهڤ: تسلم دكتور ماقصرت اخذ راحتك
طلعت من غرفت الدكتور حجيت كلشي لمحمد وضليت انتضرهاا تصحى صار اليلل وماكوو اي حس منهة وميخلون اي شخص يدخلل عليهة
اجة محمد وجايب جاي وياا كعدنة ع كراسي يم باب غرفتهة نشرب جاي
-
ورة دقايق سمعت صوت عياط بغرفتهة ركض محمد صاح الدكتور واني طبيت عليهة
تهز براسهة بعشوائية وتضرب براسهة
-

حرير: باباااا لااا لااا مااا مااات عوفووو
-
لزمت اديهة وسحبت راسهة لحضني

مهڤ: يمج اني ابوج اني امج وكلشي تريدي اصيرلج حريرر اني مهڤ يمج انتي مو وحدج تسمعينيي اشش اهدي
طب الدكتور وسحبهة منيي
الدكتور: استاذ مهڤ لازم تطلع حتة نشوف شغلنة
مهڤ: بس دكتور
الدكتور: لتخاف عليهة اعراض طبيعية لازم تطلع
-
طلعت بتردد افتر يم باب الغرفة وبعدني اسمع عياطهة
ورة فترة طلع الدكتور
الدكتور: للاسف اذا بقت هيج لازم ... يتبع

رأيكم ب الاحداث ...

حساب الانستا وحساب الابطال

يوزر الانستا :     no2s.17

استودعتكم الله