Dangerous Love [BoyxBoy]

Chapter 9

CARL POV

Kakatapos lang namin mag practice at palabas na kami ng campus. Mabuti na lang at may meeting ang faculty kaya medyo mahaba ang naging practice namin.

May nakuha na kaming vocalist, Clarence ang name niya, Music Education ang major niya kaya hindi kami nahirapan dahil magaling talaga siyang kumanta at mag adjust. Ang drummer naman namin ay si Dave, isa siyang myembro ng banda kaya magaling din talaga siya. At ang guitarist naman ay syempre ako at si Zach. Mabuti na lang talaga marunong ako nito kaya may ambag ako sa grupo.

"Mauuna na kami sa inyo guys" sambit ni Clarence

"Sabay na ako sa kaniya since pareho lang kami ng building." Paalam din ni Dave.

"Mag iingat kayo. Bukas na lang ulit. Salamat sa oras niyo" nakangiti kong sambit sa kanila.

"Walang anuman. Kayo din ingat" paalam nilang dalawa at saka lumihis ng landas samin.

Kami na lang ni Zach ang magkasama ngayon palabas.

"Ano masasabi mo sa practice natin kanina?" Tanong niya sakin

"Honestly, ang galing niyo lahat kanina parang isang banda talaga kayo habang nag peperform. Siguro yung blockings na lang ang poproblemahin natin at susuotin" paliwanag ko sa kaniya habang mabagal na naglalakad.

"Anong kami? Kasama ka kaya namin at ang galing mo din. Hindi ko nga inexpect na sanay ka gumamit ng mga instrument" pang bobola niya sakin.

"Sobra ka naman makapuri. Marunong lang ako... hobby kasi namin ni Papa dati yun eh kaya sa kaniya ako natoto" nakangiti kong sambit sa kaniya.

Si Papa kasi talaga ang nagturo sakin mag play ng mga instrument. Lalo na pag day off niya siya ang nagiging coach ko. Ito yung isa sa mga pamana niya sakin. Kaya sa tuwing namimiss ko siya lagi lang akong tumutogtog ng gitara habang kumakanta.

Habang inaalala ko si Papa bigla na lang may tumawag sa pangalan ko. Paglingon ko nakita ko si Trev at ang grupo niya.

"Bakit andito pa kayo? Gabi na ahh" wika niya sakin. Tiningnan naman niya yung kasama ko.

"Nag practice kasi kami para sa presentation sa birthday ni Mr. Luciano" paliwanag ko naman sa kaniya.

"Masyado niyo naman ginagalingan baka kayo na ang manalo niyan huh" natatawa nitong wika sakin.

"Kayo saan ang lakad niyo?" tanong ko naman sa kaniya. Mukhang may gala sila kasi nakapormahan at umaabong ang kanilang pabango.

"Magliliwaliw lang kami diyan sa tabi tabi. Alam mo na boys thing" sambit nito sakin.

Sasagot na sana ako ng magsalita si Zach sa tabi ko.

"Carl, mauuna na ako. Bukas na lang ulit. Ingat sa paguwi" paalam nito sakin.

"Sige... mag iingat ka din pag uwi. Salamat din sayo" nakangiti kong sagot ka sa kaniya.

Bago siya lumakad nagkatinginan pa sila ni Trev. Hindi ko alam pero parang may tensyon sa tinginan nila. Mga ilang segundo rin yun at mukhang balak itigil kaya nagsalita na din ako.

"Oo nga pala Trev, mabuti na lang at nandito ka kasi may itatanong din ako sayo" pag aalinlangan kong singit sa kanila.

Nagpatuloy naman na sa paglakad si Zach at hindi na lumingon pa pero itong si Trev ay sinusundan ito ng tingin maging ang mga barkada niya.

"Sino yung lalaking yun?" tanong niya sakin

"Si Zach yun kaklase ko" sagot ko naman sa kaniya.

"Ano nga ulit yung itatanong mo sakin" tanong niyang muli at ngayon naman ay nagliwanag muli ang kaniyang mukha.