قرة عيني الليالي

البارت21

#قرة_عيني_الليالي
#البارت21
#الكاتبة_شاهي_شوكت

سفانه: درت وجهي عنا وكف كدامي وانا كاعده اشوف بس، دشداشته ماريد اباوع بوجهه اصلا
فيصل:كومي رتاحي وصلي وتعاي نتعشه
سفانه: خوش: اخذت ملابسي غسلت صلينه وهو بس يحش جكاير
فيصل: احم خل ندخل بصلب الموضوع
سفانه:.دريت وجهي اله بستغراب
فيصل:بناتي خط احمر
سفانه: قابل شعليه بناتك ليش تحذر وتهدد
فيصل: اشش
سفانه: درت وجهي منزعجه منه
فيصل: سالفت اريد اطلع وامشي انسيه تردين شي انا اجيبه الج دوام بعد ماكو
سفانه: دوامي ماعوفه
فيصل عكت حاجبي: نعم ماسمعت
سفانه: سكتت
فيصل: يالله كومي نامي
سفانه:بقيت كاعده بمكاني..دوامي ماعوفه وذا مجبور رجعني الاهلي
فيصل: وهي لعبه ارجعج الاهلج كومي تراني مالي خلك حتى لهدوم العليه
سفانه: كمت واحجي عليه بكلبي/ وهو يخزر بيه
سفانه: ناقصني خبال بعد/عفته ورحت نمددت على جربايه /اجه بصفي نام كمزت، من يمه رحت ادور افراش ماناقصني يروح يسويلي شي وانا نايمه
فيصل:شني جاي ادورين
سفانه: فراش
فيصل: مسلسلات التركيا عوفيهن وتعاي نطمري لا اجي اطمرج
سفانه: رحت كعدت على القنفه وجتفت اديه: ولا عنده ذوق عافني وراح نوب حصرتني النعسه وكرامتي مو مال ارجع انام على جربايه خليت عبايتي يمي كورتها وخليها جوا راسي ونمت خلصت اليل كل ساعه طايحه من القنفه
فيصل: شفته كل ساع اطيح من القفنه/ماخلصتي مسلسلاتج التركيا
سفانه: غسلت وسويت نفسي نايمه
فيصل: الصبر استغفرالله درت على الجهه الثانيه
سفانه: نمت وكعدت على فيصل يكعد بيه
فيصل: غسلي وخل نطلع للبيت
سفانه: ليش مو ع ساس يومين
فيصل: عندي شغل
سفانه: هزيت راسي: غسلت وجهي لبست حجابي وعبايتي وطلعت شال الجنطه وهو يمشي كدامي وروحه بطرف خشمه: طلعني من صفنتي على الشارع ومنكال نزلي... نزلنه سلمت عليه امه واكيد شذى
شذى: ياهله نور البيت كله
ام فيصل: تفضلي يمه صار بيتج ليش تستحين
رشا: مبروك عيني
سفانه: عوجت حلكها وتباوع بطرف عينه مبين معاجبها فيصل سلم وطلع
شذى: بغمزه احم
سفانه: لا مو وكتها
ام فيصل: تعاي تريكي فيصل طلع عنده شغل
سفانه: ماشي اكلج شذى البنات وين
شذى: عند خوالهن
رشا: يعني جايه مرت ابو هنا وكاعده بيت امهن الي تعبت بي وتريدن يظلن
ام فيصل: انتي شبيج ياهو ساحك ذيلج تعاي يمه تعاي مالج غرض بيها
شذى: عوفيها غيرت جناين ههههه
سفانه: غلست عنها وكعدت يمهن ولتمن البنات شي خاله وعمه دخت وشذى تعرفني عليهن وام فيصل طايره بيه
شذى: امشي انروح الغرفتج
سفانه: يلا
رشا: وين
سفانه: للغرفه
رشا: شويا استحي شنو غرفه مو كاعدات خالته وعماته وانتي محتاره بالغرفه
ام، قيصر: ولج رشيوه شجاج ويا البنيه خل، تروح ترتاح يجوز مضاكيها لبسه شبيج اشو من خذيناج لبدتي بغرفتج مانطلعج للخطار الا بطلاع الروح جنج زرزور
رشا: عمه غير ابنج
ام قصير: مالج غرض وعوفي هل سوالف وكزي على روحج وعنده بنات حديثات لايسمعن
الحجية: ياااا جا هنا لحديثات مايعرفن ولله يعرفن احسن مني ومنج ومن الزواجات
شذى: بيبي لاتنطين موجز الانبااء
سفانه: تم القصف
الحجية: روحي يمه تملزكي وتعدلي
سفانه: شني تملزكي
شذى: بعدين اترجملج امشي ههههه لاتحول عليج
سفانه: صعدنا للطباق الثاني مابي اثاث بس مفروش ودافي
شذى: ماقبل ياثثه وشال اثاث زوجته كله عود انتي اثثي هو هذا كله الكم وبيت قيصر جوا
سفانه: ليش قيصر هنا عايش
شذى: اي شبيج بعدين بيت جبير ومرت قيصر تعرفين كلشي ماكو وامه خطيه ماتكدر وهم اضوج ف كاعدين سوا بس انتي بابج خارجي يعني ماعليج بيهم
سفانه: بعلت ريكي هسه انا يمته(شوكت) اخلص من قيصر اووف حتى هنا لحكني هو انا بعيده عنه جنت ومايطلع منةبالي استغفرالله شلون شغله هاي
شذى: وين صافنه
سفانه: ماكو شي
شذى:يالله رتاحي من يصير الغدة اصيحلج
سفانه: لا انزل وياج
شذى: يلا
سفانه: غيرت ملابسي ونزلت ويا شذى اصلن اخاف مستحيه احسه هي اقرب شي الي
ام فيصل: ليش نزلتي ضاله
سفانه: لاضوجه شسوي ظاله
رشا: اي ماتشتغلين لو بس بيت اهلج تكربين
ام قيصر: انتي شجاج ويا البنيه بعدهي عروس بسم الله
رشا: وين العرس
ام فيصل: يمه شبي مضايكتج
رشا: تعرف روحها بشنو
سفانه: كلبت عيوني ودرت وجهي عنها/شويا وطبن بناته
رشا: ياهلا ياهلا بنيات ولجن ياهو جابجن
ندى: ابوي
ام فيصل: اشو ماطب وياجن
ندى: كال عنده شغل
ام فيصل: روحن سلمن على عروسه يلا
ندى: هلوو ست
سفانه: ضحكت شنو هلو ست شبيج هاي بس بالمدرسه مو هنا
ندى: يلا نسيت
سفانه: باستني وركضت الفوك ورسل راحت ورا اخته بدون ماتحجي: اكلج شذى
شذى: كولي
سفانه:شوكت ادوام
شذى: شبيج مستعجله انتي عروس ارتاحي كم يوم من الدوام
سفانه: ولج ضوجه من هسه بديت اضوج
شذى: صعدي فوك رتاحي هسه يجون بيت عمي لان تعرفين انتم ماسويتو عرس
سفانه: هزيت راسي.. يلا صاعده اكعد يم البنات
شذى: روحي كلبي اني اصيحلج
سفانه: صعدت فوك لكيت صوت التلفزيون عالي كلش: عفتهن وطبيت للغرفه تمددت على جربايه جسمي مكسر منورا القنفه هو عديم الذوق خلني نايمه غفيت وكعدت على صوت الباب ينفتح
ندى: ست كعدي عمه رشا تكول خل تجي
سفانه: عافتني وطلعت: غسلت وجهي ونزلت جوا لكيت الجو مخبوص الجهال وشي تطبخ وشي تصرخ على جهالها اني طيبت وكلهن باوعن عليه
ام قيصر: هلا يمه تعال
سفانه: رحت كعدت يم ام قيصر
ميسون: شدعوه سلمي شبيج كالو عروس
سفانه: نسيت
بنين: هو شنترجه منج
ام فيصل: شبيجن ويا البنت
خالده: ولج ام فيصل لو كايله ومنطتج سجئ ردت بس تفكين حلكج وانطيها
ام فيصل: مشكوره خيه ام عبدالله بس شبيها سفانه فدوه الكلبها دخلت الكلب بسرعه
ميسون: خيه شبيج هاي البدايات كلنا جناينه هيج من صار عدهن ولد شاخن
سفانه: كاعده على اعصابي وضجت من حوراهن هسه انتن شعرفتن مني بسرعه انطين تقيم ام قيصر عرفت بيه ضجت
ام قيصر: يمه روحي رتاحي الغرفتج
سفانه: لا ضايجه راح اساعدهن
ام فيصل: ولج لاحكه على هاي شغلات بعدج عروس
سفانه: ميخالف: ساعدهن بالغدى وشذى كال ساعه وكالت كعدي ميصير عروس وانا قافله اله اشتغل كملنه كلشي ونمدت السفره الكل كعد ياكل واني خجلانه وندى كاعده بصفي وجاملني واني بس ابتسم جاي احجي وياها ودخل  فيصل سلم وراح وصعد للغرفه نوب استحيت اكوم وشذى.تاشر كومي غلست وبقيت كاعده غسلنه المواعين وصبيت الهم جاي: شذى اني صاعده اغير ملابسي
شذى: روحي، كلبي
رشا: شدعوه صبري
بنين: ترى عيب يعني على اقل خلي الناس تطلع
سفانه: بستغراب ليش شكو مسويه شي
بنين: لا بس يعني عيب اطلعين هسه تكولون ماصدكت
اجه كبل طارتله
رشا: بالله هذه حجي روحي سفانه معليج
سفانه: عفتهن وطلعت من المطبخ طلعت ولاكيته على الدرج سويت روحي ماشفته وهو هم سوه مثلي الشايب شايف روحه الحمدلله وشكر على نعمت العقل اي والله طبيت للغرفه خذت ملابسي ورحت للحمام نوب احتاريت شسوي صار اليل وانا على نفس كعدتي رتبت ملابسي ابد مارحت الغراضه وحتى باوعت عليهن نسيت نفسي واني ارتب نفتح الباب ودخل عرفته هو
فيصل: السلام عليكم
سفانه: وعليكم السلام: باوعت علي راح تمدد على جربايه ودار وجهه: هذه شبي عنده افصام بالشخصيه لو شنو سحبت فراش من الكتنور فرشته بالكاع ونمت كعدت الصبح باوعت على جربايه بعده نايم رجعت الفراش المكانه ورحت غسلت وجهي ونزلت سلمت على ام فيصل وقيصر والحجيه
ام فيصل: تعاي تريكي
رشا: صباح الخير
الجميع: صباح النور
الحجية: اكلج حبوبه رشا
رشا: عيني كولي
الحجية: حبوبه انتي العروس لو سفانه
رشا: ليش حجيه كمتي ماتميزين تالي وكت
الحجية: انجبي شنهي ماميز بس انتي الكاعده ومستريحه
رشا: اي شسوي مشوفين ضيمي بعدين دوامي مبهذلني
ام قيصر: ميخالف احنه قابلين المهم عينها على زلمتها هو احنه شنريد
رشا: صدك سفانه شوكت ادوامين
سفانه: مادري اشوف فيصل شوكت ادوام
رشا: سمعت يكولون فيصل مايقبل دوامين
سفانه: شي بينه اناقشه لاتدخلين
رشا: شدعوه عيني
ام فيصل: شبيجن من الصبح كولن يالله
سفانه: ترخصت وكمت مالي خلك هل غثه من الصبح
رجعت للغرفه شفت كاعد: صباح الخير
فيصل: صباح النور
سفانه: اريد احجي وياك
فيصل: تفضلي
سفانه: بعلت ريكي: شوكت ارجع ادوامي
فيصل جر نفس: ماكو دوام
سفانه: ليش
فيصل: بكيفي
سفانه: مو بكيفك و مو من حقك
فيصل: ليش عندج اعتراض مو بكيفي اذا عندج ركعي راسج بالحايط الدوام كطنه وشيليها من بالج
سفانه: اي ليش
فيصل: ماحب مرتي تشتغل
سفانه: بس يعني
فيصل: ماكو دوام
سفانه: زين ليش خل نشوف حل
فيصل: انا شكلت
سفانه: سكتت: عفته وطلعت من الغرفه
ندى: صباح الخير
سفانه: صباح النور يكلبي
ندى:بابا موجود
سفانه: اي موجود
فيصل: ياهلا ياهلا ببنياتي وين رسل
سفانه: باوعت عليه حظنها ويبوس بيها
فيصل: شبيج
سفانه: مابيه نزلت رحت سويت الهم ريوك لان الطابق الفوك مامثث بعده وماعرف شنو سبب شايله: كعدو ياكلون كلت خل اجرب حظي دام ام قيصر وامه كاعدين: فيصل
فيصل: نعم
سفانه: هسه ابدل وروح ويا البنات
فيصل: لا
سفانه: اعصابي تلفت من بروده طلع هو وبنات غسلت المواعين ام فيصل وام قيصر راحن للغرفه صعدت للغرفه ونمت مادري شجاني شكد انام كعدت على صوت الهوسه برا باوعت على الساعه ب3ونص لبست شالي ونزلت: شكو شصاير
رشا: بعد وكت شني مامصدك معرسه
سفانه: خزرتها ورحت للمطبخ لكيت خوات قيصر ونسوان ماعرفهن سلمت عليهن وكعدت يم ام فيصل
بنين: سفانه تعالي شغل ايدج ويانه ميصير
سفانه: كمت وياهن ساعدهن صار المغرب واجت الجهال تركض عمو قيصر اجه عمو قيصر يبست بمكاني بيدي جدر طاح مني رجليه ماسيطر عليهن من الرجفه بلعت ريكي هو دخل سلم واني دنكت راسي اريد اختفي ادعي بكلبي كون مايشوفني ستغليت محد منتبه وطلعت من المطبخ جريت نفسي حيل عبالك جنت مخنوكه صعدت بالغرفتي فتحت الباب صبن دموعي وكمت ابجي بصوت عالي مانتبهت منو موجود بالغرفه
فيصل: شبيج
سفانه شهكت مانتبهت هو موجود مسحت دموعي بسرعه: مابيه شي
فيصل: اشو باوعلي
سفانه: تقرب مني ورفع وجهي
فيصل: ياهو وياج شبيج
سفانه: مابيه شي بس ضايجه
فيصل: اكيد
سفانه: هزيت راسي ورحت للحمام غسلت وجهي باوع على عيوني حمر
فيصل: انا طالع محتاجه شي 
  سفانه:لا /طلع تمددت على جربايه وكملت بجي لحد ماتعبت ونمت كعدت على دكت الباب ودخت شذى
شذى: ياا عزا بعدج نايمه خايبه كومي تعشي فيصل راح يجي
سفانه: ماريد راسي يوجعني
شذى: اي غير تاكلين شي علمود تاخذين علاج ياعيني
سفانه: بعدين اكل
شذى: كومي الخاطري ميصير هيج تبقين
سفانه: نزلت ويا شذى بس مالي نفس اكل لكيت فيصل كاعد اشرلي اكعد بصفه رحت كعدت بصفه ومالي عين ارفع وجهي
فيصل: شبيج بوية اكلي
سفانه: ماشتهي
فيصل: مو بكيفج
سفانه: كليت شويا وانتظرت وحده تكوم حتى اكوم اني كلبي مقبوض شفت رشا كامت بس ماكمت لان مالي خلكها
فيصل: شبيج
سفانه: اريد اكوم استحي /باوعت عليه يبتسم
فيصل: كومي بويه كومي
سفانه: هو كام من سفره واني كمت رحت ورا
فيصل: شبيج لونج مخطوف
سفانه: مابيه شي
فيصل: انا طالع رايده شي
سفانه: ليش مو هسه توك اجيت
فيصل: جاس تحاسبني
سفانه بلعت ريكي: لا بس هو شنو
فيصل رفعت تك حاجبي: اي هو شنو
سفانه: ماكو شي اسويلك جاي /عفته وطكيته ركضه للمطبخ دخلت اسوي جاي اجه وراي وشكله معصب
فيصل: اخر مره الج تركضين فهمتي لو لا
سفانه: هزيت راسي وصبيلته جاي اشرب وطلع بقيت كاعده بالمطبخ ماريد اروح يمهم رشا وشذى جابن المواعين وكتلهن روحن اني اغسل لان تعبتن بديت اغسل وندمجت بالغسل واني احب غسل المواعين كملت غسل ودرت وجهي شهكت قيصر........