بعد إنتهاء موعد ريتاج وهشام
ريتاج في غرفتها
ريتاج لنفسها: ها هتقولي إيه ايه هتوافقي بس افرضي كان مجرد إعجاب واتكسرتي أنتي في الآخر هتعملي إيه وقتها هتعملي إيه لو كان كلام حور صح يا ربي هعمل إيه أرن علي حور واقولها.... لأ لأ أكيد هتقولي إنه دي حياتي الخاصة ومقدرش أقرر عنك ابدا طب هعمل ايه احسن حاجه أنام دلوقتي وبكرة هشوف هعمل ايه أكيد خير أن شاء الله وغفت ريتاج بعد وقت طويل من التفكير إذا توافق علي كلام هشام ولا لأ
في اليوم التالي أشرقت الشمس علي عيون ريتاج تعلن لها بداية يوم جديد وتذكرها بقرارها وماذا سوف تفعل
استيقظت ريتاج وأدت فرضها واستعدت للذهاب لحور
في منزل حور
ريتاج: بت يا حور..... حور...... يخرب بيتك لو كنت بصحي في بقرة كانت صحت
حور : فيه إيه يا جوجو عايزة إيه وغير كده هو فيه بقرة هترد عليكي إيه التخاريف إللي علي الصبح دي وغير كده هو إيه إللي حصل امبارح مش كان موعدك امبارح...أكيد يا جاذمة مجبتيش ليا حاجة أكلها ولا حتي افتكرتني بسندوتش حتي
ريتاج: هههههههه طب قومي يا أختي المرة الجاية بقي مش المرة دي ويلا هنتاخر علي المدرسة
حور: مدرسة إيه هي مدرسة زبالة ومديرها عايز الحرق بيقعد ساعتين يتكلم علي ولا أي حاجة مفيش ربع كلمة مفيدة منه طب بذمتك مالي أنا ومال البنك الأهلي المصري إللي فضل ساعتين يتكلم عنه في الطابور ده رجلي وقفت بسببه
ريتاج: طب قومي يا أختي هنتأخر
حور: نصاية يا جوجو وهاجي
بعد نصف ساعة خرجت حور للذهاب إلي المدرسة مع ريتاج
ريتاج: حور كنت عايزة أقولك حاجة
حور: إيه فيه حاجه حصلت امبارح
ريتاج: الحقيقة آه فيه حاجه حصلت امبارح
حور: اشقيني يا جوجو
ريتاج: حور .... هشام امبارح اعترفلي بحبه وقالي عايز مني قرار النهاردة
حور: هو لحق الدراسة لسه معداش فيها غير كام شهر علي ما شوفتوا بعض..... بس عايزة أسأل سؤال بسيط هو أنتي بدأتي تعجبي بيه ولا ايه
ريتاج: الحقيقة آه بدأت اعجب بيه ومش عايزة اقول ولا حتي أعمل حاجة غير لما أتأكد إنه حب مش إعجاب
حور: صح كده ده جوجو إللي أعرفها بس هتعملي إيه
ريتاج: معرفش يا حور هو أنا دماغي دفتر لازم أعرف كل حاجة متفكري معايا شويه
هشام من خلفهم: معاها حق دماغها مش دفتر
ريتاج وحور: اهههههههه ورمت حور الشنطة في وجهه
هشام: اه الله يسامحكم بتضربيني ليه وبتصوتوا علي إيه...... إيه شوفتوا عفريت
حور: أنت مش هتبطل هبلك و جنانك ده مش عارفة أتكلم مع البت كلمتين
هشام: هههههههه لأ حلوة من فيلم عمر وسلمى صح
حور: والله يا هشام لو منخفتش من وجهي لأوريك يوم أسوأ من أول يوم في المدرسة أنا سكت علشان لو اتكلمت وقتها كنت انت مت حتي اسالها
ثم نظر هشام إلي ريتاج فإذا بها تهز رأسها بمعني أجل ثم ينظر إلي حور ويقول : أنا بقول أني تأخرت علي صحبي وأصلا من ساعة ما سبته وأنا بتهزق فأحسن ليا أمشي بدل البهدلة والتهزيق ده
حور : حلو إنك عارف مصلحتك واتفضل يلا أحسن لك
هشام: وعلي إيه....... الطيب أحسن بس خلي بالك معاكي حاجة تخصني وهتعرفي معني كلامي آخر اليوم
حور: طب أمشي يلا........ آه كنا بنقول إيه قبل ما الواد ده ما يجي ويقطعني ........ آه افتكرت لأ ياختي دماغك مش دفتر ......طب أنا عندي فكره حلوه
ريتاج: سمعيني يا آخرة صبري
حور: اسمعي يا ستي...........
.......................... إيه رأيك ووقتها هتتاكدي إذا كان بيحبك بجد ولا لأ
ريتاج: هي فكرة حلوة هي هبلة واتعادت في افلام مصر كلها بس موافقة بس افرضي معملش حاجة
حور: يبقي مش بيحبك وبرضه تعرفي إذا كنتي بتحبيه إذا حبيتي خوفه عليكي في وقتها إيه رأيك
ريتاج: أنا موافقةهنعمل كده أمتة
حور: النهاردة يوم رياضي فانتي هتعملي كده بعد ما يخلص الطابور لأنه إحنا بنطلع قبلهم فوقتها تقدري تنفذي الخطة وأنا هروح مشوار واجي
ريتاج: علي فين يا أختي
حور: لأ بقي لازم يكون فيه ثقة بينا أنا أصلا راحة أجيب فشار بس لو الفيلم معجبنيش هنزعل تمام
ريتاج: يعني أنتي واخداني أنا وهو فيلم يا جذمة
حور: ما خلاص بقي يا جوجو يلا بينا ونفذي أنا هشتري الفشار واقعد اتسلي يلا بينا يا جوجو
وانتهي الفصل ده يا ريت يعجبكم ولو فيه أي تعليق يا ريت يوصلني علشان أنا لسه هاوية تمام وشكراً لمن قرأ الرواية حتي الآن
ŞİMDİ OKUDUĞUN
حبي ممكن أو مستحيل
Genç Kurguقصة مراهقين وحبهم وكيفية التعبير عن المشاعر وحقيقة المشاعر وأنه ليس كل من يحب أحد عليه حبه بالمقابل وليس كل الحب حقيقي وليس كل الاشخاص يتسحقون الحب وسوف تعرفون بقيت الرواية بالتدريج
