رواية تدخل الشياطين (رواية ليبية)

11

#رواية_تدخل_الشياطين🔥.
#للكاتبة_سوسو_الشريف🖇♥️.
.
.
.
.
الحلـــــ(11)ـــــقة ....

حور شهقت: معناها هيا فيسع خلينا انشوفو بالك صاير فيها شي😳😨...
وطلعن يجارن..

لقن قدامهن سعد والدكتور..

وجنهم وهنا داهشات...
حور:سعد في ولية كبيرة في العمر توة طلعت من الغرفة..
سعد:اها كنها ؟؟
حور ورهف بحتن فبعضهن:حي شوفو البنت بالك دايرتلها حاجة...
وخشو ايشوفو فيها ولقوها كويسة..
الدكتور:الامور طيبه وفحصتها ماشاءالله احسن من قبل وح انشوفو حالتها بعد كم ساعة اخرى انتأكدو..
سعد:تمام مشكور دكتور تعبناك معانا..
الدكتور:ولو هظا من واجبنا وتوة لازم انخلو المريضة بروحها..وطلعوو.

سعد:شن الي درتنا توة ليش الدراما..
حور:الولية طلعت طول العزا وهيا اتبحت في سما وخفنا ان ادير فيها حاجة..
سعد:اكيدة متعاطفه معاها بس..
رهف شقلبت عيونها..شافها سعد وفاتها..

*ـ ـ ـ ـ ـ ـ ـ ـ ـ ـ سوسو الشريف🖇️♥️ ـ ـ ـ ـ ـ ـ ـ ـ ـ*

جا الصبح🌥️

والدكتور طمنهم ان حالة سما تحسنت ونبضها انتضم..
وكان اليوم الدفن وسما مقدرتش اتودع هلها لاخر مرة 💔..

بعد مرور شهر..

سعاد:الو سعد... ماشاءالله... واخيرا..باهي خليني انبشر الكل..
تسنيم:شن في يااماما..
سعاد:سما ناضت من الغيبوبة😍❤️❤️❤️.
تسنيم :ماشاءالله واخيرا رايفنالها😍 انعدي انبشر الكل..

انعدو لي سما..

سعد: واخيرا طولتي وانتي راقدة تدلعي علينا رايفنالك😂
سما ابتسمت..
سعد:انخليك توة ترتاحي..وطلع..

سما قعدت تذكر في صوت الي كان يقرالها في قرآن كل يوم ..
سما اتفكر بصوت:بس من الي كان يقرالي في قرآن كل يوم..
ومن اول ما خش زياد سمع سؤالها خش وقعمز وبدا يقرأ في قرآن..
وكانت سما مصدومة من صوته..
(ما تستغربوش صاح زياد ايكلم في بنات وجوه مش تمام بس كان صوته حلو في القرآن وحافظ ربع القرآن)
سما :انت من..؟
زياد وقف قرأة وهو مصدوم:؟؟..كيف نا من انا زياد خو مودة اول حد شفتيه لما نضتي من الغيبوبه بعدين اغمى عليك مرة ثانية..
سما:من مودة وشن قاعد اتقول..
زياد ووقف وطلع ايكلم في الدكتور..
سما:؟؟
وعلي طلعة زياد اتخش الممرضة..
م:الحمدالله ع السلامه سما ❤️..
سما:الله يسلمك❤️...
م ساجدة:انا الممرضة ساجدة من اول ما جيتي للمستشفى ونا خاطري انتعرف عليك❤️...
سما:اكيد حبيبتي انتشرف بيك❤️..
ساجدة: عادي نسالك سؤال؟
سما:تفضلي..
ساجدة:شن تعرفيه الشاب الي توة طلع من اول ما خشيتي في غيبوبة وهو قاعد يعني هو زوجك؟
سما:لالا منعرفش ولا عمري شفته!
ساجدة:قصدك متعرفيهش يعني هو اكيد ايحبك وانتي متعرفيهش حي كأني نقرأ في رواية😍❤❤..
سما ضحكت:ههه مشطبيعية الصراحة باين عليك جوك سمح ❤.
ساجد:واللهي انتيالي جوك عسل🥺❤..