احلام محطمه بقيود الزواج

البارت الثاني عشر

دخلو للبيت وكعدو وكعدو كباله
يسئلو وين جنت

بسام: احجي وين جنت كل هل فتره؟

قاسم: يم اصدقائي

سامر: ها واصدقائك يخلوك ايام وشهور يمهم مو؟

قاسم: لا كل اسبوع يم واحد

بسام: همه لو مو ادبسزيه مثلك ميدخلوك البيتهم، المهم شسوي جنت ابيت العالم انوب بتانكي الطحين؟

قاسم: اي مو البارحه مارحت يم جماعتي فشفت بيتهم الستاره ناصيه مالتهم صعدت عليها ورحت الباب السطح مالتهم لكيتها مفتوحه وشفت التانكي مال الطحين جبير صعدت على محجر الدرج وخلت بيه وجت الصبح المره شافتني وهسه اني يمكم

بسام: وفوكاها تفتخر بعملتك وتسولفها بكل رحابت صدر ورهاوه لك بابه شبيك بس كلي شبيك،  ربي بلاني بثنين ذاك بالله بي خير وراح يدافع عن بلده انته عكسه ليش ليش تروح تبوك من الناس اني مقصر وياك كايلي على شي وماجايبه الك حاجيني كلي مو داحجي وياك

قاسم: لا مامقصر وياي بس اصدقائي همه علموني نفسهم اسوي

بسام: وانته مطي يكلولك تعال ذب روحك بلمي هم اتذبها ها كلي حاجيني

قاسم: هاي هيه بعد صارت

بسام: تمام شوف هسه اذا تترك هاي سوالفك وترجع قاسم ابني واخوي الصغير الي ربيته وهوه عمره يوم وترجع تربات بسام وتعوف اصدقائك والله العضيم اعيشك مالك وحتى قسم من راتبي انطيكيا ها شتكول

قاسم: تسويهن ذني كلهن؟

بسام: ليش اني مامسويهن من قبل؟

قاسم: لامسويهن بس مو انو تنطيني راتبك نصه وهوه اصلا قليل  خلص راح اترك هاي السوالف وماريد نص راتبك

بسام: هاي هيه واني اكيد ماراح اقصر وياك

وفعلا مرت كم يوم واسابيع ماكو مشاكل وبسام ابد ماقصر ويه قاسم

يوم من الايام رحت البيت اخوي الجبير
كاعدين نسولف جن اخوي يكول

بارق: ولج شذر

شذر: ها

بارق: تدرين قاسم قبل كم يوم جان يمنه تدرين شيكول

شذر: شيكول

بارق: يكول والله بس اكبر شويه اذا مافجر بيت سامر

شذر: عزه العزا اي وشكتله

بارق: كتله زين وبيت بسام، يكلي لا بسام ابوي واخوي الجبير احبه لان ادري بيه يحبني بس سامر اكرها مكروه مايحبني

شذر: عززززه هاذا تفكير شيطاني مو تفكير طفل مراهق

بارق: والله العضيم، كتله شلون مو بسام وسامر عايشين سوه ابيت واحد يكلي لا اخلي عائلت بسام يمكم همه وبسام بلشغل وافجره وخل يموتون هوه وعائلته  واكتل حازم اخوك كتله ليش يكلي كل مره من اشرد هوه يكضني ويرجعني الهم ويكتلوني